لوسي جوتيردج

 

حدوتة ٧

حفيدة محمد علي باشا واللي مثلت في هوليوود

محمد علي باشا ؛ خلف ذرية كبيرة ، حوالي ٢٣

إبن وبنت ...

من ضمن ابناؤه كان الأمير محمد عبد الحليم باشا وكان من إحدي المحظيات واسمها مظهر قادين

محمد عبد الحليم ؛ اتجوز اكتر من زوجه لكن اللي تهمنا في زوجاته حاليا هي زبيدة هانم واللي هيخلف منها الأمير محمد سعيد عبد الحليم ...

الأمير محمد سعيد اتجوز اكتر من مرة ؛ مرة منهم كانت من سيدة بريطانية اسمها موريانا بيرد ( وسماها النبيله ملك ) ...

الأمير محمد سعيد خلف من زوجته الثانية بنت هي النبيلة فرح كريمة ...

النبيلة فرح كريمة إتجوزت من بيرنارد جوتيردج ؛ واطلقوا سنة ١٩٧١ بعد ما خلفوا ٣ بنات ...

من الضمن البنات الثلاث ... كانت بنت اسمها " لوسي جوتيردج " إتولدت في ٢٨ نوفمبر ١٩٥٦ 

لوسي جوتيردج بقت ممثلة بريطانية مشهورة و مثلت في السينما الأمريكية ومن ضمن الممثلين اللى وقفت اودامهم كان عمر الشريف ..

اترشحت لجائزة الجولدن جلوب أحسن ممثلة سنة ١٩٨٣ 

لوسي اعتزلت الفن سنة ١٩٩٣ ؛ وملهاش ذكر تقريبا في أرشيفات أسرة محمد علي... على الاغلب لم يتم الاعتراف بزواج جدها الأمير سعيد حليم 

لاتزال لوسي تعيش بعيدا عن الأضواء ...

#حواديت_إيمان 

Tweet