فيلا المعادي

حدوتة ٢٤ 

"فيلا المعادي" 

بعد ما تزوجت الأميرة فوزية فؤاد من إسماعيل شيرين؛ عاشوا سوا في فيلا بالمعادي ؛ وفضلوا فيها لمدة ١٠ سنين تقريبا وكان الشارع اللي عايشين فيه اسمه شارع الأميرة فوزية.

الفيلا  كانت لعالم جيولوجي بريطاني يعمل في خدمة الإدارة المصرية. كانت واحدة من 26 فيلا بالمعادي صممها أريستون سانت جون ديامانت في العشرينيات.  والذي يُنسب إليه الفضل أيضًا في تصميم قاعة إيوارت التذكارية بالجامعة الأمريكية بالقاهرة.

حصل عليها بعد ذلك أحد أفراد عائلة رشاد قبل أن تصبح موطنًا للأميرة كريمة حليم، ثم انتقلت ملكية الفيلا للأميرة فوزية فؤاد وهي أخر مالك للفيلا.

بعد إلغاء الملكية تم مصادرة فيلا المعادي وعاشت الأميرة فوزية مع زوجها في فيلا سموحة بالإسكندرية.

وبسبب وفرة القصور المصادرة تم تحويل كتير منها لمدارس؛ ومن القصور دي كان فيلا المعادي للأميرة فوزية فؤاد واللي بقت "مدرسة المعادي للبنات" في أوائل الستينيات.

مفيش لوحة على جدران المكان بتقول "إمبراطورة بلاد فارس عاشت هنا"؛ ومن فترة تم هدم سور المدرسة؛ عشان نلاقي أكوام من النفايات والقمامة في نفس المكان اللي كان فيه أجمل أميرة في العالم.

 

وتخيلوا معايا يوم في شارع الأميرة فوزية سابقا؛ في فيلا الأميرة فوزية سابقا بعد ما بقت مدرسة؛ عشان نسمع صوت أستاذة أو استاذ يقول للأجيال الجديدة إن الملك فاروق كان طاغية وجشع وكان معزول عن الشعب الفقير الجعان!

في دروس كتير في التاريخ... بس اللي يفهم ويستفيد! 

لطلب كتاب صاحبات السمو الملكي 👑: 

https://alrewaqpublishing.com/product/%d8%b5%d8%a7%d8%ad%d8%a8%d8%a7%d8%aa-%d8%a7%d9%84%d8%b3%d9%85%d9%88-%d8%a7%d9%84%d9%85%d9%84%d9%83%d9%8a/

#حواديت_إيمان