الأميره جريس كيلي

 جريس

سندريلا القرن العشرين 

***********

¶ كان جمالها كالبركان الساكن تحت الجليد ¶ 

¶ Grace Kelly's apparent frigidity was like a mountain covered with snow, but the mountain was a volcano ¶

( ألفريد هيتشكوك _ Alfred Hitchcock)

********** 

حياتها كانت 3 مراحل :  ( طفله ؛ فنانه ؛ أميره )

1 _طفله

إتولدت فى 12 نوفمبر 1929 ؛ فى فيلاديلفيا فى الولايات المتحدة الأمريكية ؛  ل عيلة غنية ؛ والدها كان مليونير وكان بيحب الرياضه جدا و أخد ميداليات ذهبيه فى رياضة التجديف .

جريس كان عندها 3 اخوات هما : 

مارجريت ؛ جون ؛ إليزابيث .

************

¶ My father had a very simple view on life: you don't get anything for nothing. Everything has to be earned, through work, persistence and honesty." ¶

- Grace Kelly

************

2_ فنانه 

جريس كان عندها ميول فنيه وعشان كده كانت دراستها فى الأكاديمية الأمريكية لفنون الدراما ؛

 بدأت العمل الفنى ك وجه إعلانات و عارضة أزياء ؛ واتخطبت لفتره لمصمم الأزياء : كاسينى

 ‏

 ‏ وبعدين دخلت عالم السينما ؛ بدأت بأدوار صغيره وواحده واحده بقت نجمه من نجوم الصف الاول فى هوليوود ؛ 

كان بداية إنطلاقها هو فيلم Mogambo مع كلارك جيبل و أفا جاردنر واللى اخدت عنه جايزة الجولدن جلوب .

وبعدين إستحوذ عليها  ألفريد هيتشكوك ؛ و قدمها فى فيلم Rear Window مع جيمس ستيوارت 

سنة 1955 ؛ كان معادها مع فيلم The Country Girl ؛ واللى هتاخد عنه جايزة أوسكار أحسن ممثله . 

***********

جريس كانت أيقونة شياكه وجمال و أناقه و كاريزما ؛ وهتلاقوا فى الصور ( شيرين عبد الوهاب ) وهى لابسه فستان من إحدى الحفلات ؛ وهو مستوحى من فستان جريس كيلي الشهير ?? .

*********

جريس رغم نجاحها هتعتزل الفن وهى 26 سنه ؛ ولسبب وجيه جدااااا  

*************

¶ Mr. Hitchcock taught me everything about cinema. It was thanks to him that I understood that murder scenes should be shot like love scenes and love scenes should be shot like murder scenes." ¶

- Grace Kelly

**********

3_ أميره

جريس كيلي إتقدم للزواج منها شاه إيران محمد رضا بهلوى لكنها رفضت .

وبعد حصولها على جايزة الاوسكار ؛ ووقت مشاركتها فى مهرجان كان فى 1955 ؛ إستضافها الأمير رينيه أمير موناكو فى قصره ؛ و يوم اللقاء ده قالت عنه جريس أن قبل الموعد إنقطعت الكهرباء و مقدرتش تلبس فستان من فساتينها الأنيقة و لبست فستان من التافاتا ؛ و كمان رفعت شعرها لفوق فى تسريحه بسيطه ؛ وكانت شايفه أن إطلالتها فى اللقاء كانت سيئه 

¶ Getting angry doesn't solve anything.¶

- Grace Kelly

          " اللقاء ده كان يوم 6 مايو 1955. "

فيديو عن الثنائى الجميل ?? : 

https://youtu.be/YiOKFzRHm14

          ‏

************

لكن الإطلالة دى ( واللى كانت شايفاها سيئه ) هتكون سبب فى إعجاب الأمير رينيه بيها و يطلبها للزواج عشان تبقي أميرة حياته و أميرة موناكو .

لقاء صحفي مع الأميرة قبل الزفاف : 

https://youtu.be/D9iGHJqJMXc

**********

وفى 18 ابريل 1956 ؛ بيكون الزفاف بين الأمير رينيه و الجميله اللى خطفها الأمير من عالم السينما إلى حياة القصور .

و أنجب الثنائي الجميل : 

الأميرة كارولين : 23 يناير 1957 

الأمير ألبرت : 14 مارس 1958 ( وهو أمير موناكو الحالى )

الأميرة ستيفانى : 1 فبراير 1965

الزفاف بالكامل و بالألوان : 

https://youtu.be/fKOPrmYf8P8

***********

¶ I love walking in the woods, on the trails, along the beaches. I love being part of nature. I love walking alone. It is therapy. One needs to be alone, to recharge one's batteries." ¶

- Grace Kelly

**************

حاول المخرج هيتشكوك معاها أنها ترجع للتمثيل فى فيلم Marnie سنة 1962 ؛ و تم تجديد العرض سنة 1977 على إيد المخرج هربرت روز أنها تشارك فى فيلم The turning point ؛ لكن فى المرتين كان الأمير رينيه بيرفض رفض قاطع .

*********

ولأميرة موناكو جريس كيلى، وزوجها الأمير رينيه الثالث، محطات هامة فى حياتهما تجمعهما بالملك فاروق الأول، حيث قدما يد العون للملك المصرى السابق وأسرته فى منفاه وحتى وفاته، فقد حصل الملك فاروق على جنسية موناكو بعد أن أسقطت عنه الجنسية المصرية عقب 23 يوليو 1952، وبعد وفاة الملك فاروق، رعت جريس كيلى ابنه أحمد فؤاد الثانى، بوصفه من رعايا دولة موناكو. كما أن زفاف الملك احمد فؤاد الثانى تم فى موناكو بمراسم رسميه وبحضور الاميره جريس والأمير رينيه والعديد من أفراد الأسرة العلويه؛ زى الملكه ناريمان صادق و بعض الأميرات ؛ وكمان الاميره فوزيه لطيفه حفيدة الملك فاروق قد ولدت في مونت كارلو ب موناكو فى 12 فبراير 1982 ???

*********

سنة 1980 ؛ نشرت الأميرة جريس كتاب بعنوان My book of flowers ؛ توضح فيه بالتفصيل إحساسها تجاه الأزهار وجماليات كل زهره. 

*************

¶ I'm basically a feminist. I think that women can do anything they decide to do." ¶

- Grace Kelly

*********

يقال إن إحدى العرافات حذرت الأميرة جريس من شهر سبتمبر وخاصة يوم 13 ؛ وقالت لها : إنه يوم يحمل صليبا أسود اللون .

وفى يوم 13 سبتمبر 1982 ؛ كانت جريس كيلي مع بنتها الاميره ستيفانى ؛ و راكبين العربيه و راجعين لموناكو ؛ و إنحرفت العربيه بيهم ووقعت من المنحدر و ماتت الأميرة جريس بكل أسف وهى فى سن صغيره نسبيا ( 53 ) سنه ؛ و مقدرتش الأميرة ستيفانى تحضر جنازة والدتها ؛ و بكى الأمير على أميرته يوم جنازتها أمام العالم كله ؛ ولم يتزوج بعدها وتوفى فى 6 أبريل 2005 . وكان عمره وقتها 82 سنه .

لقاء تليفزيونى مع الأميرة قبل وفاتها ب شهرين بس : 

https://youtu.be/MbBLm2ev4xc

¶ We should try our best to help others so that we could be remembered in a good way.” ¶

Grace Kelly

*********

عن وفاتها : 

بعد وفاتها إترددت إشاعات قويه أنها كانت عملية إغتيال وليس مجرد حادث ؛ واللى دبره الجماعات الماسونيه فى موناكو ؛ 

وكذلك بيقال أن بنتها الاميره ستيفانى كانت السبب بشكل غير مباشر ؛ فالأميره ستيفانى كانت بتحب الفن و دخلت مجال الغناء و ده كان شئ مرفوض تماماً فى موناكو ؛ قررت جريس أنها تاخد ستيفانى فى عطله و تحاول تقنعها أنها تسبب الفن ؛ ويقال إن حصل مشاده بينهم فى العربيه ف مقدرتش جريس تتحكم و إنقلبت بيهم .

و أيا كان سبب الوفاه ؛ فالنتيجة واحده :

 " ماتت السندريلا "

*********

فى 2014 ؛ جسدت نيكول كيدمان شخصية الأميرة جريس كيلي فى فيلم G
race of Monaco ؛ و بالرغم من مجهود نيكول ؛ إلا إن الفيلم إتعرض لنقد كبير ؛ زى مثلا أن نيكول كيدمان عمرها الحقيقي أكبر من عمر جريس فى الفيلم ؛ وده كان واضح جدا فى مشاهد كثيره .

.

*********

"I would like to be remembered as someone who accomplished useful deeds, and who was a kind and loving person. I would like to leave the memory of a human being with a correct attitude and who did her best to help others."

— Princess Grace

فيديو من تصميمي عن الأميرة الجميله ?? : 

https://youtu.be/O1iSeg4N-V8

Tweet