English French German Spain Italian Dutch Russian Portuguese Japanese Korean Arabic Chinese Simplified

2021-06-18

الأميره نسل شاه - مراد برداقشي

 إنتهيت مؤخرا من كتاب ( الأميرة نسل شاه ) ل " مراد برداقشي " . 


*********


الكتاب عظيم جدا جدا وفوق الوصف ! 

طباعه فاخره و تنسيق رائع للفقرات و سرد بديع ....


 


********


عجبنى جدا جدا فكرة الفهرس فى بداية الكتاب للتعريف بالشخصيات ؛ يعنى كل شخصيه مذكوره بالكتاب مكتوب عنها سطور صغيره للتعريف عنها . ( عشان اللى مش عارف هما مين ياخد فكره بسيطه عنهم ) 


و كذلك فى نهاية الكتاب مكتوب مجموعه من المراجع و المعلومات الاضافيه لبعض الشخصيات .


*********


بالنسبه لى ؛ الكتاب زودنى بمعلومات مهمة جدا عن آل عثمان وعن آل محمد على مكنتش اعرفها قبل كده خالص . 


فى بعض المعلومات فى الكتاب صدمتنى الحقيقه جدا ؛ زى اللى مكتوب عن الأميرة در الشهوار ؛ وعن جنازة السلطان محمد وحيد الدين و عن قصة زواج الأميرة نيلوڤر و عن الشخص اللى إتدعى أنه إبن الاميره فاضله إبراهيم من الملك فيصل الثاني ! 


عجبنى جدا جدا ؛ إستعانة الكاتب بمقتطفات من مذكرات الأميرة رقيه صبيحه و الأميرة نسل شاه ؛ و خطابات الأمير عمر فاروق و امير حيدر اباد و حوارات صحفيه زى حوار مع الاميره نيلوفر .


***********


فى رأيي ؛ كنت أتمنى صور نادره اكتر فى الكتاب ؛ وخاصة للأخوات ( نسل شاه و هنزاده و هبة الله ) يوم فرحهم لان معظم صور الكتاب متواجده ومنتشرة بعكس مثلا صور كتاب النبيله نيفين حليم .


*********


الكتاب ذكر أن الأمير عباس حلمى تزوج من مديحه ممتاز و ذكر تاريخ الزواج و معلومات عن الزيجه وكمان موجود صوره للزفاف ؛ بعكس الاميره إقبال اللى ماتذكرش خالص قصة زواجها ولا تزوجت امتى ولا تعريف عن الزوج فيما عدا بيانات تحت صوره يتيمه أن دى صورة الاميره إقبال مع زوجها مرسول سافيتش ! 


**********


من ضمن الحاجات اللى صدمتنى الحقيقه جدا ؛ عدم ذكر إسم ( الاميره فائزه فؤاد ) فى الكتاب ! 

يعنى اتكتب أن الاميره نسل شاه كانت بتحب تحضر انشطه اجتماعيه لجمعية المرأة الحديثه ؛ ولم يتم ذكر اطلاقا أن رئيسة الجمعيه دى هى الاميره فائزه فؤاد ... ! 


 رغم أن فى صور كتير فى الواقع جمعت بين الاميرتين وكانوا اصدقاء ! 


*********

فى تجاهل تام لحادث ٤ فبراير فى الكتاب ؛ ولم يتم ذكره مطلقا ......

رغم أن إذا وقع الملك وثيقة التنازل عن العرش وقتها كان الأمير محمد على توفيق ( عم زوجها ) هو ملك البلاد !


********

الكتاب ذكر أن الملكه فريده كانت بتطلب من الاميره نسل شاه تنوب عنها في بعض الأحداث الملكيه ؛ ولم يتعرض الكتاب لأى وصف لعلاقة الملكه والاميره ولا حتى مجرد تعريف للملكه فريده فى الفهرس ! 

***********


ذكر الكتاب تفاصيل مراسم جنازة و دفن السلطان محمد وحيد الدين و الخليفه عبد المجيد و الأمير محمد على توفيق و الأمير محمد عبد المنعم و الاميره نسل شاه ؛ ولم يتعرض الكتاب لجنازة الخديوى عباس حلمي الثاني ( والد زوج الاميره ) ولم يتعرض الكتاب أيضا لجنازة الملك فاروق و ظروف وفاته ولا وفاة شقيقاته ! ولا حتى جنازة الاميرات ( هنزاده و نجلاء ) ولا اسباب وفاتهم !


**********


صدق او لا تصدق ! 

( بحسب الكتاب ) الأمير عمرو إبراهيم كان طلب الزواج من الاميره نسل شاه وهى لسه فى المنفي قبل ما تيجى مصر ؛ ولما رجع مصر عمل حادثه أثرت على رجليه و بعت رساله أنه مش هيقدر يخلى الاميره نسل شاه تتزوج من رجل عاجز ! 


وشوف ازاى ......! 


الأمير عمرو إبراهيم نفسه يتزوج بعد كده من اخت الاميره نسل شاه ؛ الاميره نجلاء هبة الله و يخلف منها الأمير عثمان رفعت ابراهيم ! 

وكذلك مفيش اى توضيح عن ازاى و ليه و امتى حصل الزواج ! 


*********


ذكرت الاميره نسل شاه أنها كانت بتفتتح العديد من المستشفيات ضمن مبرة محمد على واللى كانت رئيستها هى الاميره فوزيه فؤاد ؛ و لم تذكر الاميره اى شئ عن علاقة الاميرتين ؛ وحتى لم تذكر الاميره نسل شاه هل لما زارت مصر فى عهد السادات و قابلت ناس اصدقاء من الاسره كانت منهم الاميره فوزيه ولا لا ... رغم أنها ذكرت بعض اسماء أفراد و اماكن زارتهم ! 


و اكتفي الفهرس بذكر أن الاميره فوزيه فؤاد واحده من اجمل اميرات عصرها و تزوجت من الشاه و طلقت و تزوجت اسماعيل شيرين ! 

بصراحه كنت متوقعه اكتر من كده ؛ و كلام اكتر عن الاميره فوزيه و اللى عاشت حتى العقد التاسع زى الاميره نسل شاه .... 

وحتى الاميره نسل شاه فى الفصل الأخير ( الخاتمه ) ذكرت أنها عاشت سنواتها الاخيره فى هدوء ! ؛ طب مفيش اى تواصل بالتليفون أو الموبايل او الانترنت حتى مع أخت الملك فاروق ؟! 


*********


كمان نقطه ؛ حكت الاميره نسل شاه عن موقف خلاف مع الملك فاروق لرفضها تهنئته و تهنئة الملكه ناريمان بالزفاف !!! من غير اى توضيح فى الكتاب هى رفضت ليه و ايه الأسباب ؟! 


**********


فى النهايه ...  


الكتاب رائع و السرد منمق ؛ وفى مجهود واضح من الكاتب مراد برداقشي فى إخراج الكتاب و تنسيق المعلومات بالشكل ده ...


ومش هقدر انسي طبعا إمتنانى للجامعه الأمريكية بالقاهره على إصدار النسخه الإنجليزية .


و شكرا لأخويا أنه جابلي الكتاب هديه 😄🤷

فستان زفاف الأميرة فاطمه نسل شاه

 من المعلومات الجميله اللى عرفتها من كتاب " الأميرة 


 

نسل شاه " 

أن فستان الزفاف اللى لبسته الأميرة رقيه صبيحه يوم زفافها على الأمير عمر فاروق فى ٢٩ أبريل ١٩٢٠ 


هو نفسه الفستان اللى لبسته الأميرة فاطمه نسل شاه ( أكبر بناتها ) يوم زفافها على الأمير محمد عبد المنعم ( إبن الخديوى عباس حلمى الثانى ) فى ٢٦ سبتمبر ١٩٤٠ بعد تعديله عشان يناسبها . 


للأسف الشديد سواء صورة الأميرة رقيه أو الأميرة نسل شاه فالاتنين مش موضحين تفاصيل الفستان ولا التعديلات .


و بالنسبه للناس اللى هتسأل السؤال التقليدي :

 " هما خرجوا بمتعلقاتهم ؟ " 


هجاوب الإجابة المعتاده : 


" خرجوا بجزء من متعلقاتهم " 


" بجزء ".....


" بجزء " ....... ! 


و طبقا لكتاب الأميرة فاطمه نسل شاه فأن والدتها الأميرة رقيه صبيحه باعت " حلق " عشان تغطى مصاريف جنازة والدها السلطان محمد وحيد الدين و اللى جنازته و اللى حصل فيها محتاج مقال لوحده .... ! 


#إيمان

2021-06-14

التاج والفن



 التاج والفن 👑 


معروف عن افراد الاسره العلويه ثقافتهم العاليه و إتقانهم للحديث بأكثر من لغه ؛ و كمان دعمهم للعلم و العلماء و المثقفين .. 


زى الأميرة فاطمه إسماعيل و إنشاءها لجامعة القاهره ( باعت مجوهراتها و تبرعت بالأرض ) .


 و زى الأمير يوسف كمال و إنشاؤه لكلية الفنون الجميلة ( الدراسه والأدوات كانت ببلاش للموهوبين )


و زى أحمد حسنين باشا و إكتشافه للعديد من الواحات المصريه . 


و زى الصالونات الثقافيه اللى كانت بتتم فى قصر الأميرة نازلى فاضل . 


***********


الحقيقه كل فرد من الاسره محتاج مقالات عشان نحكى بس عن أعماله الثقافيه .


والجميل أن كمان كان كل فرد منهم بيتكلم اكتر من لغه ؛ الاميره فوزيه فؤاد مثلا كانت بتتكلم ٧ لغات بطلاقه ( العربيه ؛ الانجليزيه ؛ الفرنسيه ؛ التركيه ؛ الفارسيه ؛ الإيطالية ؛ الأسبانيه ) 


******** 


كل أفراد الأسرة من وهما صغيرين كانوا بيدرسوا موسيقي ويتعلموا العزف على أله موسيقيه واحده على الاقل ؛ 

مثلا الاميره فائقه فؤاد كانت بتعزف كمان 

الأميرة فائزه كانت بتعزف بيانو 

وهكذا .....


********


كذلك بالنسبه للرسم ... 🎨 


معظم أفراد الأسرة كان عندهم موهبة الرسم و بشكل إحترافي جدا .... 


الملكه نازلى صبري 

كانت بتقضي وقت فراغها ( وخاصة فى عهد الملك فؤاد ) فى الرسم ؛ و رسمت لوحات كتير جدا كانت بتزين بيها جدران الجناح بتاعها فى قصر عابدين أو المنتزه و كمان لما سافرت بره مصر اخدت معاها بعض اللوحات ( طبعا إتباعوا فى المزاد إياه ) و اللى إتبقي هنا غير معلوم مصيرهم ...

 وحتى الآن لم يظهر اى بورتريه يحمل توقيع الملكه نازلى .....


توحيده هانم يكن 

هى زوجة النبيل عباس حليم ؛ ومن مذكرات النبيله نيفين حليم ذكرت أن والدتها كانت بترسم لوحات كتير جدا و إضطرت تبيعهم بعد تدهور الأوضاع الماليه لهم .

وحتى الآن لم يظهر اى بورتريه يحمل توقيع توحيده هانم يكن .....


الأميرة فوزيه فؤاد 

كانت بتعشق الرسم و تحديدا الرسم بالفحم ؛ و كذلك مفيش اى بورتريه أو لوحه ظهرت للنور تحمل توقيع الاميره فوزيه فؤاد .....


الأميره سميحه حسين 

إبنة السلطان حسين كامل ؛ و ده مقال مفصل عنها : 

https://www.facebook.com/112522095452694/posts/4552863824751810/


الملكه فريده 

كانت محترفه فى الرسم ( زى خالها الفنان محمود سعيد ) وكانت بترسم لوحات كتير فى القصر و بعد كده إمتهنت الرسم كحرفه تعيش منها بعد تدهور الأحوال . 

طبعا فى لوحات كتير جدا للملكه فريده وموجود اغلبها فى كتاب ( التاج والفن ) ل لوتس عبد الكريم .


الأميرة فاديه فاروق 

أصغر بنات الملكه فريده ؛ ورثت موهبة الرسم عن والدتها و كانت دايما بتحب ترسم خيول لها أجنحة ؛ و كذلك مفيش لوحه ظهرت للنور حتى الآن تحمل توقيع الاميره .


أمينه الدمرداش

هى حفيدة الأميرة فائقه فؤاد ؛ وهى فنانه تشكيليه ؛ وفى حوار ليها مع قناة العربية قالت إن أغلب أفراد الأسرة كانوا بيرسموا لوحات كتير و بشكل إحترافي ...


 و بدورى هنا بأتساءل : 

ياتري فين لوحات الاسره ؟ و حتى اللى تم بيعه بشكل علنى او فى مزادات ؟ .... 

و ليه مظهرش على الساحه حتى الآن لوحات بريشة أفراد من العيله سواء فى الداخل أو فى الخارج ؟! 


*******

اللوحه دى مثلا ل زينب هانم سعيد والدة الملكه فريده ؛ شوفوا جمالها و إتباعت بكام : 

https://www.facebook.com/112522095452694/posts/4553446781360181/


#إيمان

2021-05-29

مذكرات أميره - نيفين عباس حليم

 إنتهيت مؤخرا من قراء كتاب : Diaries of Egyptian Princess 

" Nevin Abas Halim " 



الحقيقه الكتاب له إطلاله فخمه ؛ بمجرد ما تلمس غلاف الكتاب و هتحس فجأه انك على وشك الدخول الى عالم جميل .


عجبنى جدا صورة النبيله نيفين على الغلاف و عجبنى كمان جدا وجود مونوجرام النبيله على نفس الغلاف .


كنت أتمنى أن صور ضهر الغلاف تكون شعار الملكيه المصريه ؛ أو صورة النبيله نيفين حاليا ؛ بدلا من صورة النبيل عباس حليم .


بداية الكتاب كانت بتعريف النبيله لشجرة عيلتها من الاب و الام و الأجداد ؛ مع وجود صور لأفراد الأسرة . و ذكرت بإستفاضة قصة الحب اللى جمعت بين والدها ووالدتها و ازاى تم الارتباط .


تبدأ تحكى تفاصيل البيت اللى عاشت فيه طفولتها ؛ و توصف الحديقه الجميله للبيت ؛ و ذكرت مواعيد الصحيان و النوم ومعاد الغدا ؛ و كمان قالت أسماء الخدم زى " سامبو " السواق ؛ و فى كمان المربيه بتاعتها هى واخواتها و الطباخ و غيرهم . 


لفت نظري معلومه طرد توحيده هانم يكن للمربيه بعد اكتشافها أنها تابعه للمخابرات البريطانيه ؛ و الحقيقه النبيله نيفين حليم مذكرتش هما إكتشفوا إزاى .


حكت كمان عن أنها هى و أخواتها تم تعليمهم منزليا و سردت مواعيد الحصص و اسماء المدرسين ؛ وقالت انها كانت بتصحى الساعه ٥:٣٠ فجرا عشان تقدر تذاكر و تخلص الواجبات المنزلية الكتيره . 


ذكرت النبيله نيفين أنها ولدت بثقب فى القلب ؛ و بسببه كانت ممنوعه من ممارسه اى رياضه أو مجهود و حتى لما كانت عاوزه تطلع سلالم الفيلا كان بيتم حملها عشان المجهود .


وصفت النبيله نيفين الملك فاروق و الملكه فريده أنهم الثنائي الملكى الأجمل في العالم ؛ و ذكرت أن كان نفسها جدا تبقي من أشبينات الزفاف لكن رغم أنها طلبت وساطة الأميرة فتحيه فؤاد لكن للاسف الشديد مقدرتش تساعدها . 

ارتدت النبيله نيفين فستان قصير بالزفاف لكن الاشبينات كان مخصص لهم فساتين طويله ؛ و النبيله مقدرتش تكمل الزفاف لان تم إرسالها هى واخواتها للبيت بعد بضعة فقرات من الزفاف .


ذكرت النبيله أوليفيا أنها كانت مقربه جدا لجدتها " والدة توحيده هانم " و أن أولڤيا كانت مقربه لوالدها النبيل عباس حليم و شقيقها على كان مقرب لوالدتها توحيده هانم .


حكت النبيله كمان عن الزيجات السابقه لوالدها ووالدتها و حكت كمان عن فترة تدهور علاقتهم و انفصالهم و زواج كل طرف من شخص آخر .


ذكرت النبيله نيفين أن والدها النبيل عباس حليم كان رجل عظيم جدا ؛ وكان محبوب من الجميع ؛ وله صور مع ملوك وأمراء ودبلوماسيين وفلاحين و عمال ؛ كان مهتم جدا بالرياضه و إتسجن فى عهد الملك فؤاد نتيجه لنشره خطاب فى جريدة كان موجهه للملك و بيطلب منه إصلاحات لأحوال العمال .


كمان قالت النبيله عن وقوف والدتها بجانب والدها في محنته و انها فى إحدى الزيارات انقلبت بيها العربيه فى ترعه و نجت بأعجوبة . 


كمان ذكرت النبيله نيفين عن مرض أصاب والدتها استدعى تدخل جراحي فى الفخذ وقت أن كانت ٥ سنين ؛ و كذلك ذكرت عن إصابتها بسرطان فى الرئه واللى إكتشفته لما لقت دم وهى بتكح . 


وصفت الاميره أجواء الملكيه بإستفاضه و إتكلمت عن حفلات الأميرة شيوه كار و عن توتر العلاقات بين الملك فاروق و الملكه فريده بسبب الحفلات ؛ وعن الخطأ اللى إرتكبته الملكه فريده فى التعامل مع الملك فاروق بعد أزمة الحفلات .


عددت النبيله نيفين الأخطاء اللى وقع فيها الملك فاروق بداية من ١٩٤٨ ؛ و خاصة فى الظلم اللى حصل لوالدها النبيل عباس حليم فى قضية الاسلحه الفاسده . 


وصفت النبيله نيفين نمط حياتها هى و النبيله اولفيا ؛ و ذكرت ازاى كان بيتم تصميم فساتينهم و امور تصفيف الشعر و الماكياج .


اتكلمت النبيله كمان عن حياتها الخاصه و خاصة العاطفيه و عن مشاعرها فى الوقت ده .


ذكرت النبيله أنها كانت هى و أوليفيا فى الولايات المتحدة فى اجازه ؛ ووقتها ارسل الملك فاروق رساله شديدة اللهجة لوالدهم النبيل عباس حليم بيهدده أن لو البنات مرجعوش هيسحب منهم القابهم و ده كان فى عز أزمة الملك مع والدته و أخته اللى رفضوا العوده من امريكا . 


طبعا اتكلمت النبيله عن شلة الزهريه وعن جاذبية الأميرة فائزه فؤاد وعن جمال الاميره فوزيه فؤاد ؛ وعن لقاء جمعها بالسلطانه ملك فى الأقصر . 


اتكلمت عن عدم حبها لمصطفى باشا النحاس ؛ وعن ميل الأسرع العلويه لدول المحور فى الحرب العالمية الثانية


اتكلمت عن زفاف الملك فاروق من الملكه ناريمان ؛ و كمان قالت إن والدها حاول ينصح الملك فاروق كتير لكن كان بيخرج من عنده بخيبة أمل كبيرة . 


اتكلمت كمان عن سجن والدها بعد الثوره ؛ و ذكرت بمنتهى الاريحيه أن الملك فاروق تم قتله ؛ و ذكرت بالنص أن وفاة احمد حسنين باشا كانت وفاة تحوم حولها الشبهات . 


إتكلمت طبعا عن التأميم ؛ و ذكرت أن متحف المجوهرات لا يحتوى على جميع مجوهرات الاسره العلويه ؛ فالمجوهرات كانت أكثر من كده بكتير ؛ و طبعا قالت إن فى قطع " مقلده " على حسب كلامها . 


اتكلمت عن قصة زواجها و زواج أخواتها و قصة إنفصالهم ؛ وكمان إتكلمت عن حضورها جنازة الملك فاروق ؛ و أنه تم دفنه فى مقابر آل شيرين و بعد كده تم نقله إلى مقابر الرفاعى حسب وصيته . 


ذكرت أنها كانت بتكتب مذكراتها من زمان جدا ؛ ووالدتها كمان كانت بتكتب مذكراتها ؛ لكن والدها النبيل عباس حليم ملقوش اى مذكرات تخصه ؛ لكن لقوا بعض قصاصات أوراق كان كاتب فيها بعض خواطره . 


ذكرت تمسك الخدم بتواجدهم عندهم بعد انتهاء الملكيه وقالولهم مش عاوزين مرتب ؛ و كمان إضطرتهم الظروف أنهم يستلفوا فلوس من إبن سامبو ( السواق ) . 


و ذكرت كمان أن فى ناس كانت ( بتلعق ) حذاء والدها في الملكيه ؛ و بعد الملكيه بقوا لو شافوه فى الشارع يودوا وشهم الناحيه التانيه . 


فى رأيي أن الكتاب عظيم جدا ؛ أنا شخصيا أديله ٩ من ١٠ ؛ كنت أتمنى أن الكتاب يكون صادر باللغه العربيه ؛ وكمان كنت أتمنى صور ومعلومات أكثر عما حدث للاسره بعد الثوره .

مثلا ....

 هل فضلت على تواصل مع الاميره فائزه فؤاد بعد ما استقرت بأمريكا ؟ هل زارتها هناك ؟ ( ذكرت فقط أن الاميره لم تتزوج و توفيت بالسرطان عام ١٩٩٣ ) 


مثلا ...   

هل زارت الاميره فوزيه فى فيلا سموحه ؟ هل كانت بتتواصل مع الملكه فريده أو الاميره فائقه ؟ 


مثلا ....

ليه اخدت هى و أوليفيا قرار السفر الى الخارج ؛ رغم أنهم عاشوا في مصر سنين طويله جدا من بعد الثوره ؟


مثلا ....

قصة زواج النبيله أوليفيا ؛ و كيف تعرفت على زوجها الثانى ؟ 


مثلا .....

طقوس حياتها حاليا و روتينها اليومى ..


لكن فى المجمل يظل الكتاب عظيم في محتواه ؛ وطبعا فى تفاصيل كتير مش هقدر أذكرها على النت ؛ لكنى أنصح بقراءة الكتاب بشده لكل المهتمين بالتاريخ .


2021-05-09

صورة لم تدم طويلا

 الصوره للملكه نازلى صبري مع أبنائها ؛ الملك فاروق ؛ الاميره فوزيه فؤاد ؛ الاميره فائزه فؤاد ؛ الأميرة فائقه


فؤاد و أخيرا الأميرة فتحيه فؤاد ؛ 


العجيب فى تلك الصوره التى جمعتهم يوما ما ؛ أن كل فرد منهم توفي فى مكان يختلف عن الأخر ؛ بل و فرقت الأقدار و الخلافات بينهما لفترات طويلة . 


أول من توفي في تلك الصوره كان الملك فاروق ؛ وتوفي فى ١٨ مارس ١٩٦٥ فى كابري فى إيطاليا ( عن طريق سم الأكوانتين كما ذكر أبناؤه ) عن عمر ٤٥ عام . وتم دفنه بالقاهره فيما بعد ؛ وكان محل ميلاد الملك فاروق هو قصر عابدين بالقاهره .

حدث خلاف بين الملك فاروق ووالدته الملكه نازلى استمر لسنوات طويلة فى نهاية عهده ؛ وكذلك خلاف مع الاميره فتحيه ؛ وكذلك خلاف مع الاميره فائقه و كذلك مع الاميره فائزه فؤاد 


ثانى الراحلين عن الصوره كانت الأميرة فتحيه فؤاد ؛ أصغر الأشقاء و اخر عنقود ذرية الملك فؤاد و الملكه نازلى ؛ توفيت فى ١٠ ديسمبر ١٩٧٦ فى لوس انجلوس بكاليفورنيا بالولايات المتحدة الأمريكية عن عمر ناهز ال ٤٦ عام ؛ بعد أن أطلق عليها زوجها السابق رياض غالى ٦ رصاصات من مسدسه . وتم دفنها فى مقابر هولى كروس فى كاليفورنيا. 

حدث بينها وبين الملك فاروق خلاف بسبب زواجها .


ثالث الراحلين كانت الملكه نازلى ؛ توفيت فى ٢٩ مايو ١٩٧٨ ؛ فى لوس انجلوس بكاليفورنيا بالولايات المتحدة الأمريكية ؛ عن عمر ٨٤ عاما ودفنت بجوار إبنتها الاميره فتحيه ؛ وكان محل ميلاد الملكه نازلى هو مدينة الإسكندرية وكان محل ميلاد الأميرة هو قصر القبه بالقاهره .

حدث بينها وبين الملك فاروق العديد من الخلافات 


رابع الراحلين كانت الأميرة فائقه فؤاد ؛ توفيت فى ٧ يناير ١٩٨٣ ؛ عن عمر ٥٦ عاما ؛ بعد معاناه مع مرض السرطان لمدة ٧ سنوات ؛ و دفنت بجوار مقبرة زوجها فؤاد صادق بالقاهره . وكان محل ميلاد الأميرة هو قصر رأس التين بالإسكندرية .

حدث بينها وبين الملك فاروق خلافا سببه علاقتها و زواجها ب فؤاد صادق 


خامس الراحلين كانت الأميرة فائزه فؤاد ؛ توفيت فى ٦ يونيو ١٩٩٤ ؛ عن ٧٠ عاما ؛ توفيت بعد معاناه مع مرض السرطان فى الولايات المتحدة الأمريكية و دفنت في ويست وود فى لوس انجلوس . وكان محل ميلاد الأميرة هو قصر عابدين بالقاهره . حدث بينها وبين الملك فاروق خلافا بسبب رفضها لبعض سياسات الملك مما أدى إلى قراره بوضعها تحت الاقامه الجبريه هى و زوجها الوجيه محمد على رؤوف. 


أخر الراحلين كانت الأميرة فوزيه فؤاد ؛ توفيت فى ٢ يوليو ٢٠١٣ ؛ عن عمر يناهز ال ٩٢ ؛ توفيت فى مدينة سموحه بالاسكندريه وتم دفنها بجوار مقبرة زوجها إسماعيل شيرين بالقاهره . ومن عجائب القدر أن الاميره فوزيه قد ولدت أيضا في مدينة الإسكندرية ولكن فى قصر رأس التين . وعلى حسب معلوماتي ؛ أن الاميره فوزيه لم يحدث بينها وبين ايا من أفراد أسرتها اى خلاف .


2021-05-06

الملكه نازلى بمناسبة عيد ميلادها

 الملكه نازلى بمناسبة عيد ميلادها 👑 

نشر فى مجلة الأثنين و الدنيا 


فى ضاحية الدقي ؛ إحدى ضواحي القاهره ؛ يقوم قصر مترف يكاد يحميه عن عيون الناظرين سور كبير لحديقه غناء وارفه الظلال .


ذلك هو قصر المغفو


ر له عبد الرحيم صبري باشا والد جلالة الملكة نازلى ؛ وتعتبر حديقة القصر من أجمل الحدائق البديعه لما إشتملت عليه من جميل الأزهار ؛ ونادر الأشجار ؛ ولم لا فقد كان عبد الرحيم باشا من هواة النباتات ويستورد أندر أنواعه ؛ ويستنبت أبهى أشكاله ؛ وقد نعمت هذه الحديقه ردحا طويلا من الزمن بتنقل الملكه نازلى بين رياضها وجداولها و أفنانها ؛ كما نعمت رحبات القصر بإقامة جلالتها قبل أن تصبح ملكه .


ولدت جلالة الملكة نازلى فى ٢١ ذى الحجة ١٣١١ الموافق ١٥ يونيو ١٨٩٤ ؛ فى قصر أبيها بالاسكندريه ضاحية سان ستيفانو ؛ وكان هذا القصر مجاورا لقصر محمد باشا سعيد رئيس الوزاره الأسبق ؛ وقد كان المغفور له عبد الرحيم صبري باشا يتنقل بين القاهره و الاسكندريه ؛ فكان مقره الاول فى القاهره فى منزلا كبيرا فى جهة عابدين ورثه من جده أمين الرافعى بك .


وقد إنتقلت أسرة جلالة الملكة نازلى إلى قصر الدقي المذكور ؛ 


و منذ ثلاثين عاما تقريبا ؛ تكون جلالتها قد قضت زهرة طفولتها فى هذا القصر وفى وارف حديقتة الثمينة .


فوالدة جلالة الملكة نازلى هى كريمة محمد شريف باشا وقد ذاع بين الناس تلقيبه بال ( فرنساوى ) وهذا خطأ ؛ وسببه أن محمد شريف باشا كان قد تزوج من إبنة سليمان باشا الفرنساوى فأنجب منها والدة جلالة الملكة ومن هنا أطلق عليه اللقب بالخطأ ؛ فى حين أن شريف باشا فى الواقع يعود نسبه إلى طبقة الأشراف النبويه الكريمه ومن أجل ذلك يدعى ( محمد شريف باشا ) وبالتالى تنتسب جلالة الملكة نازلى إلى طبقة الأشراف .



وقد تلقت جلالة الملكة نازلى دروسها فى مدرسة الميردى دييه فى مصر ؛ وكانت المدرسه حينذاك فى شارع فؤاد الأول ؛ وبعد ذلك إنتقلت جلالة الملكة إلى مدرسة ( لدام دى سيون ) les dames de sion . بالإسكندرية .


وتجيد الملكه نازلى اللغه العربيه إجاده تامه ؛ كما تلم بأصول الدين الحنيف ؛ وكان معلمها فى هذين الفرعين شيخ وقور يدعى الشيخ سيد ؛ ولا يحضرنا بقية إسمه الآن. 


و إلى جانب العربيه ؛ تجيد جلالتها الانجليزيه و الفرنسيه ؛ وقد هوت جلالتها عدة فنون من بينها فن الموسيقي ؛ وقد ورثت ذلك عن والدتها التى كانت تتقن العزف على العود والبيانو ؛ والجدير بالذكر أن الذى لقن الوالده الكريمه العزف على العود هو المرحوم الشيخ على الليثي ؛ شاعر الخديوى اسماعيل ؛ و أحب الآلات الموسيقية إلى جلالة الملكة نازلى هو البيانو والذى أظهرت فيه براعه فائقه .


ويعتبر فن التصوير ( الرسم بالزيت و التصوير الفوتوغرافي ) فى مقدمة الفنون التى ضربت فيها جلالتها بسهم وافر ؛ وكان مدرس جلالتها فى فن الرسم الأستاذ زانييري الفنان المشهور والذى ما يزال مقيما فى مرسمه بالإسكندرية حتى الآن . 


وقد كان قصر الدقي مزدانا بالعديد من اللوحات الفنيه البديعه من ريشة جلالة الملكه نازلى إلى أن توفي والدها فنقلت جلالة الملكة نازلى لوحاتها إلى قصورها فى القاهره و الاسكندريه .


وفضلا عن التثقيف العالى الذى تلقته الملكه نازلى فأنها مثل أعلى لربة البيت  ؛ تجيد إدارة شئونه كما تجيد فنون التطريز ؛ وشغل الإبره و غير ذلك من الأعمال المنزليه . 

2021-03-24

الأمير محمد أورهان




الأمير محمد أورهان : 👑 


١٠ نوفمبر ١٩٠٩ ؛ ١٢ مارس ١٩٩٤ 


هو ابن الامير محمد عبد القادر ابن السلطان عبد الحميد الثانى ....


( اتولد فى قصر السلطانه نعيمه " عمته " ؛ ووقت نفي آل عثمان بعد انقلاب اتاتورك كان عنده حوالى ١٥ سنه ؛ اتنقل للاقامه فى بودابست ثم إلى بيروت في لبنان ثم فى نيس فى فرنسا ثم فى بوينس ايريس فى الأرجنتين 


وانتقل لعدة مدن بعدها واشتغل حاجات كتير ؛ اشتغل فى بناء السفن وبائع كروت تذكاريه فى ساو باولو فى البرازيل ؛ 

واشتغل سائق تاكسي فى بيروت و دمشق 


الأمير محمد اورهان تزوج ٣ مرات : 


الاولى من : 

١_ نايفه هانم 

( وهى تنتمى إلى أسرة يكن الشهيره وقد كانت متزوجه من النبيل عباس حليم  ؛ و أسرة يكن أيضا هى التى تنتمى 

 إليها توحيده هانم يكن زوجة النبيل عباس حليم ) 

وانجب منها ( فاطمه نجلاء سلطان ) فى القاهره 

 ١٤

 سبتمبر ١٩٣٣ ؛ وتم الطلاق بينهما فى ١٩٣٣ وتوفيت فى زيورخ السويسرية فى ٢٠١٠ 

وقد تزوجت وانجبت : 

محمد ايرول ١٩٥٢ 

عثمان ١٩٦٣ 


٢_ فرانشيسكا فرانكيتى 

وهى بارونه إيطاليه ؛ وتزوجا لمدة ٧ سنوات وانجبا الاميره أيتن فى ١٩٤٠ 


٣_ مارجريت فورنير 

وهى سيده فرنسيه و قد تم الزواج فى فرنسا ١٩٤٠ ؛ وانجبا الأمير محمد سليم ٣ اكتوبر ١٩٤٣ ؛وهو متزوج ولديه إبنه هى " كلاريس سلطان " والمولوده فى ١٩٧١

 وتم الطلاق بين الأمير محمد اورهان و بين مارجريت فى ١٩٤٥


الأمير محمد اورهان كان رئيس أسرة آل عثمان من ٩ ديسمبر ١٩٨٣ وحتى وفاته عن عمر ٨٤ عام ؛ واندفن فى مدينه نيس فى فرنسا وفى ٢٠١٠ تم نقل رفاته إلى مكان آخر مخصص للفقراء بنفس المقبره ؛ وذكر مسؤول المقبره أن ايجار المقبره لم يتم دفعه منذ سنوات ولم يستطع التوصل إلى أسرته 


In a 1990 feature in Life magazine, he said his legacy is "both sacred and laughable," and said, "To be Ottoman is to know how to breathe with time."

2021-03-21

الشهبانو فرح ديبا


 فرح ❤️👑


حينما لا يكون من إسمك نصيب ...... ! 


*********


حياتها كانت بعيده تماما عن الفرح  ... 


إتولدت فى ١٤ أكتوبر ١٩٣٨ فى مدينة طهران ب إيران ؛ كانت فتاه مدللة بحكم أنها الطفله الوحيده ل والدتها فريدة جوتبي ووالدها سوهراب ديبا .


والدها من مواليد ١٨٩٩

ووالدتها من مواليد ١٩٢٠ 


واضح طبعا الفارق العمري بينهم .... 


والدها توفي في ١٩٤٨ 

والدتها توفيت فى ٢٠٠٠ 

************

جد فرح ديبا كان سفير فى روسيا وقت حكم الرومانوف ؛ ووالدها كان فى القوات المسلحه الايرانيه .


**********

فرح درست فى المدرسه الايطاليه فى إيران ؛ وبعد كده استكملت دراستها في فرنسا ؛ كانت مهتمه جدا بالأنشطة الرياضيه وكانت فى فريق كرة السلة .

فرح كانت من ضمن المعارضين لحكم الشاه محمد رضا بهلوى ؛ وفى مره من المرات كان الشاه فى حوله أوروبية و قابل مجموعه من الطلبه الايرانيين فى السفارة الايرانيه في باريس وكانت من ضمنهم فرح ديبا و ده كان فى ١٩٥٩ 


*******

الشاه وقتها كان عنده ٤٠ سنه ؛ لانه مولود سنة ١٩١٩ ؛ وتزوج مرتين ؛ الاولى كانت الاميره فوزيه فؤاد و انتهى الزواج بطلاق و إبنه هى الاميره شهناز بهلوى 

أما الزوجه الثانيه فهى الاميره ثريا بختياري واللى تزوجها لمدة ٧ سنوات ليكتشف بعد الزواج عدم قدرتها على الإنجاب وهو كان محتاج لولى عهد ؛ وهى رفضت أنه يتزوج عليها فتم الطلاق .

**********


فى الفتره دى كان الشاه بيدور على عروسه جديده لإحتياجه الشديد لولى عهد يرث الحكم ؛ و الاميره شهناز بهلوى رشحت فرح ديبا ضمن المرشحات للزواج من الشاه .

وتمت الخطوبه فى ٢٣ نوفمبر ١٩٥٩ ؛ وبعد أقل من شهر كان الزفاف فى ٢٠ ديسمبر ١٩٥٩ ؛ كانت فرح وقتها ٢١ سنه و الشاه ٤٠ سنه .

صمم فستان الزفاف إيف سان لوران ؛ وكان مطرز باللؤلؤ وخيوط الفضه كما خيطت فيه من الداخل خرز أزرق للفأل الحسن و إنجاب البنين .


و ارتدت فرح ديبا فى الزفاف تاج نور العين اللى هتلاقوا تفاصيل عنه هنا : 

https://m.facebook.com/story.php?story_fbid=3533480856690117&id=112522095452694


وبالزفاف تغير لقبها إلى ملكة إيران ؛ واللى هيتغير بعدين .


**********

أنجبت فرح ديبا ٤ أبناء : 

١- ولى العهد ؛ الأمير رضا بهلوى واللى اتولد فى ٣١ اكتوبر ١٩٦٠


٢- الاميره فرحناز بهلوى واللى إتولدت فى ١٢ مارس ١٩٦٣ 


٣- الأمير على رضا بهلوى واللى اتولد فى ٢٨ ابريل ١٩٦٦


٤- الاميره ليلا بهلوى واللى إتولدت فى ٢٧ مارس ١٩٧٠ 


**********


فى ١٦ يناير ١٩٧٩ ؛ اضطرت فرح ديبا أنها تسافر هى و الشاه و أبنائهم بسبب الثوره الاسلاميه فى إيران ؛ و استقبلهم الرئيس محمد أنور السادات إستقبال رسمى فى مدينة أسوان ؛ و عاشوا لفتره فى المغرب و بنما و الولايات المتحدة الأمريكية واللى اضطرت أنها تطلب من الشاه مغادرة البلاد بعد اقتحام السفاره الامريكيه في طهران و سقوط مجموعه من الدبلوماسيين الأمريكان فى ايد الثوار ك أسري ؛ ليعود الشاه مره اخرى الى مصر ؛ و خصص الرئيس أنور السادات قصر القبه ليكون مقر إقامتهم في مصر. 


خرجت الشهبانو بجزء من مجوهراتها و سابت جزء كبير فى إيران منها تاج التتويج واللى هو كان أغلى تاج فى العالم ؛ و قالت : كان فى إمكاننى إنى أخد مجوهراتى معايا وخاصة أغلى تاج بالعالم ؛ لكنى تركتهم فى بلدى لكى يعلم الإيرانيين أننا لسنا لصوص فاسدين كما أشاعوا عنا .


فى قصه غريبه عن لعنة زمردات أوجيني وارتباط كل من يرتديها بمصير مظلم : 

https://m.facebook.com/story.php?story_fbid=3915117588526440&id=112522095452694


*******


توفي الشاه فى ٢٧ يوليو ١٩٨٠ وتم دفنه في مقابر أسرة محمد على بالرفاعى . وبعد حوالى عام توفي الرئيس محمد أنور السادات ؛ و انتقلت فرح مع أبنائها للولايات المتحدة مره اخرى بعد دعوه رسميه من الرئيس رونالد ريجان .


وبعد سنين طويله وتحديدا فى ١١ يونيو ٢٠٠٤ هتشارك الشهبانو فرح ديبا فى جنازة ريجان .


و حضرت كمان بعض المناسبات الملكيه رغم خسارتها التاج زى مثلا ؛ فرح الأمير فريدريك أمير الدانمارك ؛ و الأمير ألبير أمير موناكو 


********

عانت فرح من تبدل الأحوال ؛ بعد ما عاشت ٢٠ سنه ك إمبراطورة فى القصر الملكي ؛ بتقابل ملوك وملكات وحكام العالم ؛ وصل الحال بيها أن مفيش اى دوله تقبل دخول طائرتها هى والشاه بعد الثوره الاسلاميه الا مصر ( ده لأسباب منها ؛ أن الرئيس السادات ذكر أن الشاه ساعده فى حرب اكتوبر بالبترول ؛ ومنها أن كلام السادات غير صحيح وهو كان بيستقبله نوع من فرد العضلات أمام أمريكا ) 


عانت مع مرض زوجها فى المنفي ؛ وتنقلاتهم من بلد لبلد وهو بيعانى من مرض فتاك ؛ وحتى عانت فى أنه لما توفي كانت تحب أنه يندفن فى إيران على حسب وصيته ولكن طبعا السلطات فى إيران مسمحتش و تم دفنه في مقابر الاسره العلويه بعد موقف نبيل من الاميره فوزيه فؤاد بالسماح لدفنه فى مقابر أسرتها .


*******

فى  ٢٠٠٣ ؛ أصدرت الشهبانو فرح مذكراتها و كتبت فى مقدمتها ( إلى محبة مليكى ) ؛ 


فى ٢٠٠٩ ؛ قدم المخرج الايرانى السويدى نهاد سارفيستانى  فيلم وثائقي عن قصة حياة الشهبانو 


***********


ليلا بهلوى ؛ 

كانت هى اصغر بنات الشهبانو فرح ديبا من الشاه محمد رضا بهلوى ؛ كان عمرها فقط ٩ سنين وقت نفى أسرتها ؛ و لما توفي والدها كان عندها ١٠ سنين ؛ و كان عندها ١١ سنه لما لقت نفسها فى امريكا فى منفي بعيد تماما عن موطنها ؛ وكانت بتسمع و تقرا وتشوف اللى بيتقال عن آل بهلوى فى الإعلام و على لسان الناس .


كانت ليلا بهلوى بتعانى من مرض نقص الشهيه ( الأناركسيا ) و ده كان سبب فى نحافتها بشكل ملحوظ وخسارتها لكثير من الوزن . 


فى يوم الاحد ١٠ يونيو ٢٠٠١ ؛ تم العثور على ليلا على سريرها في غرفتها فى فندق في لندن الساعه ٧:٣٠ ؛ بعد ما بلعت ٤٠ قرص منوم دفعه واحده  ؛ وتم دفنها بعدها بأسبوع بجوار مقبرة جدتها فريده قطبي فى باريس واللى توفيت قبلها بحوالى عام واحد ... 


كانت وفاتها صدمه كبيره لكل أفراد آل بهلوى ؛ و حضرت والدتها الشهبانو جنازتها وهى فى قمة الأسي واللى ودعت والدتها وبعدها ب شهور فقدت أصغر بناتها ليجمعهم التراب ......


********


فى ٤ يناير ٢٠١١ ؛ إنتحر أصغر أبناء الشهبانو الذكور ؛ وهو الأمير على رضا بهلوى ؛ واللى أطلق الرصاص على نفسه بعد معاناة طويله لسنوات من مرض الإكتئاب واللى لازمه فى حياته بعد انتحار أصغر شقيقاته ليلا بهلوى . 


وبكده تتكرر الصدمات والأوجاع فى حياة الشهبانو بعد العزل و النفي و المرض و وفاة الزوج و الأم و انتحار إثنان من الأبناء .


**********

فى ٢٠١٢ ؛ وبسبب الحياه الدراماتيكيه للشهبانو فرح تم عرض مسرحيه من إخراج المخرج كايس روردا عن حياتها فى المنفي . 


وفى شهر يوليو من كل سنه ؛ بتيجى الشهبانو فرح ديبا لمصر لزيارة مقبرة الشاه و إحياء ذكرى وفاته رغم أنها حاليا تجاوزت ال ٨٠ من العمر .


*********


لمعلومات وتفاصيل اكتر عن حياة الشهبانو فرح :


الجزء الاول : 

https://m.facebook.com/story.php?story_fbid=3884314951606704&id=112522095452694


الجزء الثاني : 

https://m.facebook.com/story.php?story_fbid=3885391148165751&id=112522095452694


مقال آخر :

https://m.facebook.com/story.php?story_fbid=2230669456971270&id=112522095452694

احتفالات التتويج : 

https://m.facebook.com/story.php?story_fbid=3868163669888499&id=112522095452694


مقال عن الاميره ليلا بهلوى : 

https://m.facebook.com/story.php?story_fbid=4057473767624154&id=112522095452694


احتفالات بيرسيبوليس : 

https://m.facebook.com/story.php?story_fbid=2876244945747048&id=112522095452694


حوار مترجم مع الشهبانو فرح ديبا : 

https://m.facebook.com/story.php?story_fbid=3777345655636968&id=112522095452694


مقال عن ليلي اميراراجماند صديقة الشهبانو فرح : 

الجزء الاول : 

https://m.facebook.com/story.php?story_fbid=3838757432829123&id=112522095452694

الجزء الثاني : 

https://m.facebook.com/story.php?story_fbid=3839685806069619&id=112522095452694


فستان الشهبانو : 

https://m.facebook.com/story.php?story_fbid=3833478983356968&id=112522095452694


قبل أيام من الزفاف : 

https://m.facebook.com/story.php?story_fbid=3845119582192908&id=112522095452694


مؤسسة فرح ديبا الخيريه : 

https://m.facebook.com/story.php?story_fbid=3871914272846772&id=112522095452694


#إيمان

2021-03-09

لقاء سايناى يوسف شعبان مع لميس الحديدي

 حوار سايناى يوسف شعبان مع لميس الحديدي 



*من أول ما شفت برومو الحلقه وأنا كنت متشوقه جدا و متحمسه اشوف إطلالة سايناى الأولى على الإعلام ؛ و الحقيقه لقيت شخصيه رقيقه جدا و مهذبه و بتتكلم بصوت هادئ لطيف، إنسانه بسيطه جدا؛ إيديها تقريبا متحركتش طول الحلقه وهى بتتكلم ودى من أهم قواعد الإتيكيت؛ طريقة كلامها بتوضح أنها شخصيه راقيه و مثقفه .


*فى المجمل العام ؛ كان فى بعض المعلومات البسيطة جداا اللى عرفتها فى الحلقه ؛ و اغلب المعلومات اللى اتذكرت فى الحلقه عارفاها و حتى الصور المعروضه هى من صفحتنا و حتى فى صور كنا عملناها بتطبيق ريمينى سواء توضيح أو تلوين .


*ذكرت سايناى إن كان دايما بيحصل لخبطه فى اسمها و بيقولولها اسم تانى مكنتش بتحبه؛ ولميس سألتها بإستفزاز ايه هو ؟ ردت وقالت : مفيش داعي ومش لازم نقوله ؛ ولميس ردت قالت لها بيقولولك : سينا ؟


الحقيقه انا تنحت لوهله على إصرار لميس الحديدي أنها تذكر اسم ل ضيفتها " مبتحبوش " ؛ و الاسم مش سينا خالص لأنها ذكرت بنفسها أن الشائع هو اسم سينا؛ ده غير أنه اسم حته من ارض بلدها اللى هيا ذكرت أنها بتحبها جدا، و كمعلومه فقط؛ أنا شخصيا اعرف الاسم اللى كانت بتكرهه سايناى ومش هقوله احتراما لرغبتها .


*  لميس الحديدي كانت مصره بشكل غريب على تكرار جمل ؛ أنتى كنتى أكبر أخواتك ؟ ... انتى الكبيره ؛ اخواتك كلهم اصغر منك ....

وكررتهم اكتر من مره ؛ و ده شئ مكنش لائق ابدا فى رأيي


*  سايناى غلطت فى بعض المقاطع ؛ زى مثلا لما قالت أن خالها و مامتها اتولدوا قبل الثوره و كانوا صغيرين لما الثوره قامت ؛ و ده مش صح ؛ الصح أن والدتها بس اللى إتولدت قبل الثوره و خالها اتولد سنة ١٩٥٥


* سايناى ذكرت أن جميع مجوهرات الاميره فوزيه اللى اكتسبتها بالزواج من الشاه فضلت فى إيران تورث للاسره البهلويه ؛ و ده خطأ لأن الأميرة فوزيه احتفظت ب شبكتها و فضلت بيها فى مصر و حتى ظهرت بعقد الشبكه فى زفاف الملك فاروق والملكه ناريمان

صورة للاميرة لابسة العقد والحلق https://www.facebook.com/112522095452694/photos/a.2632421943462684/3533365116701691/?type=3 

صورة تانية https://www.facebook.com/112522095452694/photos/a.2527776920593854/2903688556336020/?type=3

صورة كمان https://www.facebook.com/112522095452694/photos/a.2632421943462684/3842752659096267/?type=3

 

* الفقره الكوميديه فى الحوار هى كانت فقرة لميس الحديدي فى متحف المركبات الملكيه وهى بتسأل شخص معرفش هو مين عن بورتريه ضخم للاميرة فوزية وبتقوله الفستان اللي لابساه  ده فستان الشبكه يقولها لا ده فستان الحنه !!!! 

والحقيقه ده ولا فستان الشبكه ولا فستان الفرح ولا فستان الحنه !!! 

دي صور الخطوبة الرسمية ومكنش فيه فستان حنة ولا غيره https://www.facebook.com/112522095452694/posts/3445745495463654/?d=n 

ده بورتريه اترسم للأميرة لما كانت في ايران غالبا أو بعد رجوعها بفترة والفنان اللي رسمها اسمه جان دينيس ميار رسم لوحات تانية للعيلة المالكة للاميرة نسل شاه والامير حسن عزيز!


و يادوبك لسه هفوق من صدمة فستان الحنه ؛ الاقي لميس الحديدي تقول التاج ده كان تاج جدتها الاميره فريال !!! 

والحقيقه ان التاج مكنش لجدتها خالص ومنعرفش جابو منين الكلام ده والاسوأ انها مكتوبة في معلومات المتحف تحت اللوحة! 

هو فى الحقيقه تاج الاميره فوزيه كان ضمن شبكتها وموجود صوره وتفاصيله واسكتشاته في ارشيف الدار  في اللينك ده https://www.vancleefarpels.com/en/the-maison/timeline/1930s.html .

لينك لمقال في المصور  عن نفس التاج https://www.facebook.com/112522095452694/photos/a.2490936934277853/4027020604002804/?type=3

جهل مسئول المتحف وفريق إعداد البرنامج والفتي كان غريب!


* لميس الحديدي حبت تحط التاتش بتاعها ب سؤال غير منطقي و ينم عن عدم علم بتاريخ الاسره العلويه ؛ لما قالت لها  الاسره العلويه كان ايه رد فعلها لما الاميره فوزيه طلبت الطلاق و ده كان شئ ممنوع فى الاسره ! 

بغض النظر أن السؤال بيظلم المرأة فى يوم المرأة ؛ وبتقوله اعلاميه ليها جمهورها ...

الا انى احب اوضح للاستاذه لميس الحديدي أن : 

١- الملك فاروق طلق الملكه فريده فى نفس توقيت طلاق أخته الاميره فوزيه 

٢- الملك فؤاد والد الاميره فوزيه كان مطلق الاميره شيوه كار 

٣- الملكه نازلى كانت مطلقه قبل ما تتجوز الملك فؤاد ( يعنى الملك فؤاد تزوج من سيده مطلقه عادى جدا ) 

٤- الخديوى عباس حلمي الثاني كان مطلق لزوجته الاولى إقبال هانم و الثانيه الاميره جويدان 

٤- الاميره شيوه كار تزوجت أكثر من مره بعد الملك فؤاد و اتطلقت حوالى ٣ مرات من أزواج مختلفين 

٥- لطفيه هانم ابنة الاميره شيوه كار اتطلقت من أحمد حسنين باشا 

٦- السلطان حسين كامل طلق مراته الاميره عين الحياه رفعت ابراهيم 


القايمه طويله اوى اوى حضرتك ؛ وكان فى طلاق عادى والله العظيم ؛ حضرتك بس كنتى اعملى بحث في جوجل !


*أنا شخصيا توقعت انى هشوف صور نادره و تعرض لأول مره ؛ لكن الحقيقه مظهرش غير صورتين بس جداد وهما اللى مع البوست .

من ضمن الحاجات اللى استغربتها ؛ أن مفيش صوره اتعرضت ل سايناى مع والدتها ناديه إسماعيل شيرين ؛ واحساسى ان تم تحاشي الحديث عنها بشكل مقصود . كما تم تحاشي الحديث عن حياة سايناى الخاصه و ده أمر بديهى و منطقي واحترام للخصوصيات ؛ و كنت أتمنى أن لميس الحديدي تقلل كمية الماكياج شويه ولو حته فى الفقره دى تحديدا ؛ لأن فى الاول وفى الأخر سايناى فى حالة حداد و الحوار اصلا اتعمل عشان وفاة والدها الفنان يوسف شعبان .


* ضمن أسئلة لميس الحديدي ؛ لما الاميره فوزيه رجعت مصر و اتطلقت كان وقتها الملك فاروق ملك ؟! 

لا حضرتك كان كتابه 😁 ! 

الملك فاروق كان ملك و اتجوز من الملكه فريده قبل زواج الاميره فوزيه والشاه ! 


* سايناى كانت متحفظه جدا فى الكلام عن سبب طلاق جدتها الاميره فوزيه من الشاه و ده بديهى جدا ؛ لان اولا دى اسرار ؛ ثانيا خالتها هى الاميره شهناز بهلوى بنت الشاه ؛ ثالثا سواء الاميره فوزيه أو الشاه فالاتنين ماتوا ؛ والحقيقه سايناى اتكلمت عنهم الاتنين بشكل محترم جدا ؛ و أثنت كمان على جدها العقيد إسماعيل شيرين واللى حقيقي مفيش حد اتعرف عليه إلا و شكر جدااااا فى أخلاقه العاليه و أنه ( جنتلمان ) ؛ سايناى كمان اتكلمت بشكل مهذب جدا عن زوجة والدها و اخواتها و ده شئ راقي اوى اوى ؛ و تحفظت فى الكلام عن مصادرة مجوهرات العيله  


*بالنسبه لى الاسئله كانت تقليديه ومفيش فيها جديد ؛ وكنت اتمنى معلومات عن هل مثلا سايناى قابلت الاميره فايزه ؛ ايه علاقتها بأختها فوزيه رشيد و بالاميره شاهناز و اخيرا أنا  استغربت سؤال لميس الحديدي عن مكان فساتين الاميره فوزيه حاليا ؛ و ربنا يستر عليهم 🙃


لمعلومات اكتر عن سيناى يوسف شعبان : 

https://m.facebook.com/story.php?story_fbid=10220113285637422&id=1083771090

2021-02-22

رواية بيت العز - إيمان الشرقاوى

 

" كانوا يتناولون الفطور على تلك الطبلية الخشبيه العتيقه وتحت أزيز المروحه ثلاثية الريش ، ويتلذذون بعمل ساندوتش من الرغيف البلدى المفقع مع قطعة من الجبنة البيضاء والطعمية والمخلل الحار، وشرب الشاي بالمعلقة على صوت الراديو وهو يدندن (يا ولاد يا ولاد، تعالو تعالو) لتأتي أبله فضيلة بصوتها الحنون قائلة (حبايبي الحلوين). "

**********


  رواية بيت العز


 : 


 ‏مصر فى 100 عام من خلال أسرة مصريه بسيطه و أجيالها 

 ‏*********

 ‏موجوده فى الأماكن دى :

 ‏

 ‏القاهره : 


2 ش القاضي الفاضل متفرع من شارع صبري ابو علم - وسط البلد القاهرة.


الهاتف: 23961055

**************


الغربيه :

مكتبة المسلم _ كفر الزيات 

************


أو من موقع الدار : 

https://kotobna.net/en/book/2212  


***********


أو من موقع جوميا مصر : 


https://www.jumia.com.eg/ar/jumia-book-20808244.html



************

ممكن تشتريها اونلاين وتوصلك للبيت من هنا : 


https://docs.google.com/forms/d/e/1FAIpQLSfkbnJuC6ZnFaeBRs2Z1uIEiKm-FYGw4fvlF78_t9Jb0cmnLQ/viewform


************


و لدول الخليج العربي : 

https://docs.google.com/forms/d/e/1FAIpQLSfj4IaNLQOc-7hIDd0OO2cNUthomiTZg5tQAty5pxrNA0-zsg/viewform



الأمير فيليب


 الأمير فيليب 🇬🇧 👑 


هو زوج الملكه اليزابيث الثانية ملكة المملكه المتحده ؛ هو ما أخدش لقب ملك خالص لأنه مش هو الحاكم ؛ اليزابيث هى الملكه بنت الملك ؛ هو أخد لقب الأمير فيليب دوق إدنبره .


اتولد فى 10 يونيو 1921 ؛ يعنى هو اصغر من الملك فاروق بحوالى سنه و 4 شهور بس ؛ و فى صوره جمعتهم سوا على العشا فى قصر عابدين فى 1950    .


الأمير فيليب اتولد فى نفس السنه مع الاميره فوزيه فؤاد و الملكه فريده و الاميره نسل شاه


اتولد فى اليونان ؛ و درس فى فرنسا و ألمانيا و إنجلترا ؛


 اول لقاء بينه وبين اليزابيث كان فى 1934 ؛ كانت اليزابيث وقتها حوالى 13 سنه 

؛ فيليب اصلا يعتبر من أحفاد الملكه فيكتوريا ؛ يعنى فى صلة قرابه بينه وبين اليزابيث الثانية .


خالة فيليب كمان هي الملكة لويز ملكة السويد كانت الزوجة التانية لجد الملك الحالي لكن مخلفتش


اتجوز من الاميره اليزابيث فى 20 نوفمبر 1947 ؛ و منحته اليزابيث لقب أمير و دوق إدنبره فى 1957 بعد حوالى 5 سنين من توليها العرش .


أنجب الثنائي : 

الأمير تشارلز ( ولى العهد حاليا ؛ واللى معروف فى عالمنا العربي بأنه اللى إتجوزته ديانا ) 

الأميره آن ( وهى أقرب أبناؤه إليه ) 

الأمير أندرو

الأمير إدوارد 

********


الاسره المالكه فى بريطانيا متشددة جدا فى ما يخص الاسره ووضعها ؛ زى مثلا " اسم " الملك أو الملكه ؛ اللى هو طبيعي بيكون " وندسور " ؛ وحاولت مع وينستون تشرشل اللى كان وقتها رئيس الوزراء ؛ اللى كان رافض تماما و ساعتها فيليب قال : أنه الراجل الوحيد فى العالم اللى مش بيدى إسمه لأولاده 

 لكن الملكه اليزابيث فى 1960 أضافت اسم زوجها إلى لقب نسل الاسره عشان يبقي اسم اى ملك من نسل الملكه اليزابيث " ماونتباتن وندسور " 


لقب ماونتباتن هو لقب والدة الأمير فيليب ؛ وحتى خال الأمير هو لورد ماونتباتن اللى هيتم اغتياله بعد كده من جيش تحرير أيرلندا و عرض الحادثه الجزء الرابع من مسلسل The Crown 

*********


الامير فيليب تقاعد عن اى واجبات ملكيه فى 2 اغسطس 2017 ؛ بسبب أنه عمل حادثه بالعربيه ؛ ورغم أنه خرج من الحادثه سليم و برغم أنه وقتها كان حوالى 96 سنه و محصلش اى ضرر سواء ليه أو لغيره ؛ الا ان الصحافه وقتها انتقدت الأمير أنه بيسوق عربيه وهو متجاوز ال 90 من العمر وممكن يعرض حياته وحياة الناس للخطر ؛ و فعلا الأمير استجاب و تقاعد عن الظهور ؛ وفى شبه عزله من فتره هو والملكه اليزابيث بسبب الكورونا

.

الأمير فيليب حاليا هو أكبر أفراد الأسرة سنا ؛ و المفروض هيكمل المئويه فى 10 يونيو القادم .


من ايام بس ؛ اتنقل الأمير فيليب لمستشفي فى لندن وكان التصريح من قصر باكنجهام أنه اتنقل بسبب 

 after feeling unwell,

 ‏او بالبلدى كده ؛ حاسس أنه مش تمام ؛ 

 ‏

 ‏وبالرغم من تأكيد القصر أن الأمير فيليب بصحه جيده ولكن تحت الملاحظه فقط ؛ وبالرغم من النفي القاطع أن تعب الأمير ملوش اى علاقه ب كوفيد 19 ... إلا أن دموع ابنه الأمير تشارلز ولى العهد وهو خارج من زيارته بتخلينا نتوقع سيناريو أخر ... 

 ‏


على اى حال ؛ العيله المالكه فى المملكه المتحده معروف عنهم أنهم عيله معمره ؛ و أعمارهم طويله نسبيا ؛ وفى حالة وفاة اى شخص بيكون وفاة جزء من التاريخ مش مجرد شخص ... 


ممكن الأمير فيليب يكون فعلا فى أيامه الأخيرة و يغادر المستشفى والدنيا وممكن نلاقي بكره خبر مغادرته للمستشفي وهو بصحه جيده ... 

كل شئ وارد 



********


واخيرا لو عجبكم المقال يبقي هتعجبكم روايتى الجديده #بيت_العز ؛ اللى ممكن توصلكم اى مكان من اللينك ده : 


ممكن تشتريها اونلاين وتوصلك للبيت من هنا : 


https://docs.google.com/forms/d/e/1FAIpQLSfkbnJuC6ZnFaeBRs2Z1uIEiKm-FYGw4fvlF78_t9Jb0cmnLQ/viewform

2021-02-16

حكاية السفيرة عزيزة



 حكاية السفيرة عزيزة : 


" عزيزة هانم سيد شكرى دحروج "


عزيزة التى ولدت عام 1919 فى قرية ميت يعيش مدينة “ميت غمر ”،وحملت اسم جدتها لأبيها “حاجه عزيزة”، تكشف فى كتابها “حج الروح” أسرار أعجابها المبكر بوالدها “طبيب النساء والولادة” الدكتور سيد شكرى دحروج ،وهى تروى ما عرفته عن قصة إصراره على الزواج من والدتها “حكمت هانم محمود عارف” ،وقناعته التامة وقتها على انها “على العكس من العديد من بنات الأثرياء اللاتى رشحتهن له العائله “،هى الأقدر على مشاركته مشوار حياته..


هى بنت الدكتور سيد بك شكرى دحروج وزير الصحة أيام الملك فاروق واخت الدكتورمحمد إكرام سيد شكرى دحروج استاذ النساء والتوليد بجامعة عين شمس .


والدكتور سيد بك شكرى دحروج مدفون فى ميت يعيش فى جنينة الدكتور بجوار السوق الكبيرعند مقابر البلد.


وعلى يدى والدها تعلمت “عزيزة أولى دروس العطاء بلاحدود ،لاسيما وهى ترى تفانيه فى توفير كل سبل الراحة لوالدتها ،بعدما تمكن منها مرض “الزهايمر”،وأفقدها مبكرا القدرة على رعاية أطفالها الخمسة” عزيزة _عصمت_محمد_حسين_ليلى”،فبدأت وعمرها لايتعدى العشر سنوات، تشارك مثلها الاعلى المسئولية ،فأصبحت “أما” لأخوتها الأربعه ،وأكتسبت من “قوة الإرادة” ما يجعلها خير جليس لشقيقها “حسين” ،الذى ولد مصابا بالصم ،وأحتاج نوعا خاصا من التعليم والرعاية .

*********


" الأم المقدسة "

“كل حته أتحط فيها .لازم أعمل جهد أكثر..عشان أقدر أوصل لنتيجة”..كلمات تلخص بها “عزيزة حسين” النجاحات التى تغلبت عبرها على الصعوبات التى كانت تواجهها،

وكانت البداية عقب تخرجها من مدرسة “الأم المقدسة” ،بعد قضاء سنوات الدراسة الخمسة ملتزمة بمناهجها المعتمدة على اللغه الفرنسية دون غيرها ،على عكس الكلية الامريكية التى كانت محطتها الدراسية التالية، 

وكانت سيطرة اللغة الإنجليزيه على مناهجها، هى العقبة التى كادت تفسد سعادة “عزيزة” بالدراسة بها ؛ فظلت تتنقل من فصل الى آخر متسلحة بروح “التحدى ” ،وقضت الليالى ساهرة على كتب تعلم اللغة حتى أتقنتها..ولم يغب عن بالها طوال الوقت .المعركة التى خاضها والدها ،وشجاعته فى مواجهة الإعتراضات التى واجهها ،قبل ان يصبحن بناته الثلاثة .الطالبات المصريات الوحيدات اللاتى ألتحقن بالتعليم المختلط فى الكلية الأمريكية،وهو ما زادها فخرا بأبيها .وفى حديثها عن تلك الفترة تقول :

“أبويا هو السبب فى دخولى الكلية ،وكان عنده فكره مهمه عن المرأة ودورها ،لدرجة أنه كان بيزعل جدا من فكرة سيطرة المجتمع الذكورى عليها .وكان مناصرا للمرأة من الطراز الأول”.

*********


قبل تخرجها عام 1942 من الكلية الامريكية تعلمت “عزيزة” ،التفكير بعقلانية،وجذبتها العلوم الإجتماعية بشكل خاص،وبدأت فى الإنضمام كمتطوعة بالجمعيات الخيرية،ومنها (تحسين الصحه_يوم المستشفيات _المبرة) وغيرها،لكن المحطة الأهم والأكثر إشباعا لشغفها بالعمل الإجتماعى ،بدأت من “نادى سيدات القاهرة” تحت رعاية زوجة العالم النفساني الكبير الدكتور بهمان البلجيكي الأصل والجنسية .حيث عرفت الأسلوب الأمثل للعمل الإجتماعى، وعن ذلك تقول فى حوار صحفى لجريدة المصرى اليوم : 

"تعلمت كيفية إدارة جماعة،ودراسة إحتياجات المجتمع،على خلاف باقى الجمعيات التى كانت قائمة على جمع التبرعات ،وتقديمها للمحتاجين" 

*********


" الرجل الثانى "

بعد 3 سنوات من تخرجها .وتحديدا عام 1945 لعب الأقارب والاصدقاء الدور الاكبر فى الجمع بين “عزيزة” و”ثانى رجل عظيم فى حياتها ” وهو ( أحمد باشا حسين)،الذى ظل يتابعها عن بعد لفترة قبل أن يتقدم للزواج منها. 

وعن تلك الفترة تقول فى كتابها “حج الروح “:

"أحمد كان يبحث عن شريكة حياة عصرية ومحافظة في آن واحد..حيث كان شخصية لامعة, يحظي بأحترام الجميع, وقبل تقدمه للزواج . كان أستاذا لى في مجالات التنمية البشرية, والمشاركة المجتمعية والتعاونيات"


بعد زواجهما وتحديدا عام 1951 بدأت الإنطلاقات الكبرى للزوجين (حسين)،حيث حقق الزوج “أحمد” أولى إنجازاته نحو الاصلاح الاجتماعى ،ووضع اللبنة الأولى لوزارة للشئون الإجتماعية فى مصر،وذلك من خلال جمعيته (مصلحة الفلاح)،وبالتوازى مع هذا كانت (عزيزة ) تواصل جهودها فى مجال العمل التطوعى مع زميلاتها فى نادى سيدات القاهرة.وبمساندة ودعم زوجها .بدأت تتشاور مع أهالى الريف لمعرفة إحتياجاتهم وسبل مساعدتهم .قبل تأسيس أول حضانة فى الريف المصرى .وتحديدا فى قرية(سنديون) بمحافظة القليوبية..وعن هذة التجربة تقول :

 " الفكرة بدأت خطوة خطوة .كنا نريد مساعدة الفتيات فى الريف..فأخذنا أرائهن وإقتراحاتهن ..ومايحتاجونه.وجلسنا معهن فى البيوت..ومن خلال الإجتماعات المشتركة توصلنا لفكرة إقامة (دار حضانة)..وبعد تكوين لجنة بحث وعمل الدراسات.بدأت تظهر نتائج على الاطفال.وزاد الكلام عن تحسن صحتهم وإختلافهم وايضا على الامهات.فبدأت قرى الريف الأخرى تطالب بها وأنتشرت الفكرة..وكان النجاح بالنسبة لنا أنك أنتجت فكرة .وتركتها للناس ليشتغلوا عليها"

 ‏**********


"الوزير الأحمر "

*فى 6 مايو 1951 حصل أحمد حسين على البكوية وعين وزيرا للشئون الاجتماعية فى وزارة النحاس باشا،لكن أفكاره التقدمية ورؤيته للإصلاح الإجتماعى ،وجهودة لتقديم أول نظام للضمان الإجتماعى فى الريف وعموم مصر ،والتى وصفه بسببها الكاتب الصحفى موسى صبرى (بالوزير الاحمر) فى حكومة النحاس

.والإشارة إلى أن “حسين ” ميالا للفكر الشيوعى .وهو مايتعرض مع توجهات الملك فاروق..وتزامن ذلك مع تدخلات فى عمله ..كان دافعا قويا له لتقديم إستقالته والاصرار عليها..وأكمل مسيرته فى مجال العمل الإجتماعى بعيدا عن المناصب ..حتى أنه أعتذر عن شغل منصب مساعد الأمين العام للآمم المتحدة .من أجل رعاية والدته المريضة.


قبل قيام ثورة يوليو ب18ساعه فقط كان د.سيد شكرى “والد عزيزة “ضمن اخرتشكيل وزارى فى عهد الملك فاروق .وشغل الاب منصب وزير الصحه ضمن الحكومة التى شكلها أحمد نجيب باشا الهلالى،أما الزوجان “أحمد “و “عزيزة ” فقد كانا بالولايات المتحدة الأمريكية ،بنائا على دعوة من منظمة الأمم المتحدة ، وكان “أحمد ” مدعوا لدراسة التنمية الريفية في دول الكاريبي والمكسيك،بينما سافرت “عزيزة”بصفتها خبيرة إجتماعية كأول سيدة من المنطقة العربية تجوب دول العالم لإلقاء محاضرات عن العمل الاجتماعى ..

وتقول فى حوارها عن تلك الفترة:

 "سافرت لوحدى لأول مرة .وعملت محاضرات عديدة فى حوالى 40ولاية .وتعلمت أزاى أحاضر.. وواجهتنا صعوبات وحققنا نجاحات"

 ‏************


"ثورة الإنقاذ"

  “مفاجأة سارة”.هكذا علقت “عزيزة ” على خبر قيام ثورة يوليو الذى وجدته بإحدى الصحف خلال جولتها فى منطقة البحر الكاريبى،

  ‏وزاد من سعادتها بالثورة إنها إندلعت فى توقيت كان الإعلام الدولى يوجه إنتقاداته لمصر بسبب الصورة السلبية التى لديهم عن الملك “فاروق” كحاكم فاسد .غارقا فى نزاوته الشخصية. كان مصدرا للإحراج والقلق البالغ خلال جولته ..خاصة مع شعور “عزيزة ” بأنها مضطرة للإجابة عن مستقبل البلد تحت حكمه .ووقوعها تحت ضغط أهمية تقديم صورة إيجابية عن بلدها ..وهو العبأ الذى أراحها منه خبر قيام الثورة .

 

 حماس “عزيزة ” لثورة يوليو ومبادئها ظهر فيما بعد عندما قدمت محاضرة بإحدى كليات بيتسبرغ.بولاية بنسلفانيا حول التغييرات في مصر. وتحدثت بطريقة إيجابية جدا .وأكدت إنها متفائلة بشأن المستقبل.وقناعتها بتغير الأوضاع الاجتماعية في البلاد..و ما تطرحه الثورة لإصلاح قانون الأراضي .والبحث عن حل لمشاكل الضرائب التصاعدية. وإنشاء التعاونيات الزراعية. ومشاريع الإسكان .وزيادة أجور العمال الزراعيين..

 ‏وفي اليوم التالي نشرت الصحف الأمريكية تفاصيل المحاضرة. وأرسل رئيس مجلس الكلية الأمريكية برقية للرئيس محمد نجيب.يؤكد له فيه أن “عزيزة ” نجحت فى تمثيل مصر بإمتياز .وقدمت صورة وافية وراقية عن بلدها.

 *************


 "جمال عبد الناصر وأحمد حسين .. وأنا"

فى أكتوبر 1952 كانت نجاحات الزوجين “حسين” تسبق وصولهما إلى القاهرة، هو مادعا الرئيس جمال عبد الناصر لترشيح د. أحمد لتولى منصب وزير الشئون الإجتماعية..وتوسط لإقناعه وزير الاوقاف وقتها الشيخ حسن الباقورى والكاتبان مصطفى وعلى أمين..وزاد من قناعتهم به ماعرف عن دوره الإصلاحى وتصديه لمظاهر الفساد بالفترة القصيرة التى قضاها عند توليه الوزارة لأول مرة.فى عهد الملك فاروق..

بالإضافة لما يتمتع به من تقدير عالمى واسع .. ولكن الوساطات لم تفلح فى منع إعتذار “أحمد ” ..ورد على الترشيح حسبما تقول “عزيزة ” فى مذكراتها بقوله لناصر :


” أنتم لديكم السلطة ونحن كمدنيين علينا مسئولية وكل له دوره”. .

ثم تفسر رؤيتها للقرار فتقول بمذكراتها “أحمد ”:

" كان يعرف أنه لن يكون قادرا على قبول هذه الازدواجية بين السلطة والمسئولية”


إعتذار”أحمد “ لم يؤثر مطلقا على ثقة “ناصر” بأنه أمام رجلا تحتاجه مصر فى تلك الفترة..ولهذا طلب منه المساعدة فى حث الولايات المتحدة على لعب دورا فى الضغط على بريطانيا للحصول على إلتزامها بالإنسحاب من منطقة قناة السويس..وبالفعل نجح “أحمد” وقتها فى ترتيب لقائا بين “ناصر ” والسفير الامريكى في القاهرة “جيفرسون كافيرى”.وكانت نتائج الإجتماع الإيجابية..السبب الرئيسى أن يخرج منه الزعيم المصرى بإصرار أن الأفضل فى تلك المرحلة الحساسة بالذات لتولى منصب سفير مصر بالولايات المتحدة الأمريكية..هو د.أحمد حسين..وهو القرار الذى تعلق عليه “عزيزة ” فى كتابها قائلة ” أحمد كاد يرفضه, إلا أن والدي “سيد شكرى” وكذلك نجيب الهلالي “رئيس الوزراء بأخر حكومة قبل الثورة” نصحوه بالقبول”

***************


" أمريكا..والخط الساخن "

في أبريل 1953 وقبل تسلم مهام عمله كسفيرا لمصر بالولايات المتحدة. أقام مجلس قيادة الثورة حفل عشاء لوداع وتكريم “د.احمد” في فيلا في منطقة الأهرامات. وتقول عزيزة حسين ” في ذلك الوقت:

" كان هناك “تقارب قوي” بين أحمد وناصر.”

وتضيف: 

”أذكر قول ناصر ل “أحمد” “نحن معا. ونحن نشارك مصير واحد.” 

وحسب تأكيدها .اقترح أحمد حسين على ناصر إقامة “خط ساخن” بينهما يسمح له بالإتصال مباشرة بالرئيس دون إشراك وزارة الخارجية .


في واشنطن كانت عزيزة حسين تشارك زوجها في محاولة الحصول على دعم الولايات المتحدة للحكومة المصرية..حتى إنها تلقت مباشرة من المشير عبد الحكيم عامر رسالة هامة لنقلها لزوجها . وتحكى تفاصيل الموقف بمذكراتها فتقول :

 “قال لي أن أبلغ زوجي ليحدث لوزير الخارجية الامريكية فوستر دالاس عن التهديدات البريطانيه بالانتقام. ردا على خطف جندي بريطاني في منطقة القناة. وفي اليوم التالي نجحت جهود “حسين ” .وقام الأمريكان بالتدخل ..ووضع حدا للموقف”..

 ‏************


 قنبلة “عزيزة”

فى عام 1954 عينت عزيزة حسين مرة أخرى فى لجنة المرأة بوفد مصر فى الأمم المتحدة، مما جعلها أول امرأة عربية ومصرية تتولى المنصب رسميا فى أول تمثيل لبلدها عقب الثورة ..وهى الفترة التى شهدت طرحها لفكرتها التى أبهرت بها العالم كله .وهى “تنظيم الاسرة “.وعن هذا تقو



ل فى حوارها لجريدة المصرى اليوم :

“شجعني علي ذلك أن الميثاق الوطني المصري اعترف بوجود مشكلة سكانية, وطرحت الموضوع عام1954بالأمم المتحدة عندما دعيت للتحدث كعضو في وفد مصر وتناولت الممارسات الضارة ضد المرأة ..وأوضحت لهم أن الدين يرفض مثل هذه الممارسات ..وطرحت فكرة تنظيم الأسرة, وأثار ذلك دهشة المشاركين واعتبروني شجاعة لأني فجرت قنبلة, فكثير من الدول المتقدمة خشيت عرض الموضوع, لذا رشحوني لأكون عضوا بلجنة المرأة بمنظمة الأمم المتحدة( التي ظللت بها لمدة17 سنة), وبعد عامين من طرحي للموضوع ودراستهم له قررت الأمم المتحدة إدراج تنظيم الأسرة علي جدول أعمالها لأنهم تأكدوا أن له علاقة بالمرأة."


أتمنى أن تكبر بناتى ليصبحن مثل “عزيزة حسين” مقولة شهيرة أطلقها جمال عبد الناصر ..وهو يتابع مندهشا وفخورا ثمار جهود “عزيزة ” على المستوى الوطنى والدولى .. .وعن مشروعها “القنبله ” .تنظيم الاسرة ..وصعوبات بدايته فى مصر تقول “عزيزة” فى حوارها ” عندما فكرنا في بدء تنظيم الأسرة في الريف كانت تجربة فريدة من نوعها, خاصة في مصر, والنساء كانت تعاني ولكنها تحتاج لمن يأخذ بيدها لتتحرك, ووجدنا حضانة الأطفال من أهم المداخل لتحريكها, كما أن منادي القرية كان دوره مهما جدا في مساعدتنا, وكان ذكيا وكأنه إعلامي محترف, فكان يعلن أولا عن وجود علاج لمن تعاني مشاكل صحية ثم خدمة للراغبات في الإنجاب, أي لا يبدأ بالإعلان عن تنظيم الأسرة, لذا اعتبره أنجح اعلامي عرفته والنساء كانت تعاني, لذا استجبن, وبدأنا كعضوات نادي سيدات القاهرة في افتتاح عيادات لتنظيم الأسرة بعد أن تدربنا علي كيفية افتتاح عيادة وتدريب الأطباء والممرضات وبدأت الجمعيات الأهلية تطلب تصاريحا لافتتاح عيادات بها, فشكلنا لجنة مشتركة لتجميع الجهود وتبادل الخبرات, خاصة بعد ظهور وسائل جديدة لمنع الحمل, وكانت العادات والتقاليد والمعتقدات الخاطئة, خاصة في الريف عائقا تغلبنا عليه بالاستعانة برجال الدين المستنيرين والأطباء. ونتيجة ما حققناه من نجاح تم اختياري لرئاسة الاتحاد الدولي للوالدية( أي تنظيم الأسرة) وبعد ذلك أسسنا جمعية تنظيم الأسرة بالقاهرة التي أصبحت لها فروعا أو جمعيات مماثلة في كل المحافظات, وبعدها أسسنا جمعية أسرة المستقبل كامتداد لجمعية تنظيم الأسرة.

**************


"معارك القناة والسد"

خلال تواجدها فى واشنطن..كانت “عزيزة” على نفس السطح الساخن الذى كانت تتحرك عليه المعارك السياسية بين بريطانيا ومصر..وبينهما الولايات المتحدة الامريكية..وفى قلب المشهد يتحرك سفير مصر زوجها د.أحمد حسين..إلى ان تم التوقيع على اتفاق لانسحاب القوات البريطانية من منطقة القناة في عام 1954..


كما عاصرت “عزيزة ” ضغوط اللوبى الصhيونى على الكونجرس الامريكى عام 1955 لتجميد المساعدات الإقتصادية والعسكرية إلى مصر..وصولا إلى هجوم إsرائيل على “غزة”..ثم قيام حلف بغداد بين الولايات المتحدة الامريكية وتركيا والعراق..وهو ما أعطى إنطباعا بأن هناك مخططا لتهميش دور مصر بالمنطقة..فكان رد “ناصر” على ذلك بقبول عرضا سوفيتيا للتسليح..وأعقبه بعقد صفقة مماثلة مع تشيكوسلوفكيا.. وكان ذلك يتم بدون التشاور مع السفير المصرى بأمريكا د.أحمد .وتعثر تواصله مع “ناصر”…ومع تصاعد الاحداث من أزمة إلى أخرى..وتعقد قنوات التفاهم بين مصر وأمريكا .من مشروع بناء السد العالى..فالعدوان الثلاثى على مصر عام1956..والاتفاق المصرى الصينى..وصولا إلى إعلان الوحدة بين مصر وسوريا عام 1958..كانت تزداد صعوبة مهام د. أحمد حسين..فبدأ يطالب بإعفائه من منصبه..وهو المطلب الذى بدأ التفكير فيه بعد فشل العشاء الذى أقامه بمنزله فى شارع رشدان بالدقى بين “ناصر” وأعضاء مجلس قيادة الثورة عبد الحكيم عامر وعبد اللطيف بغدادى .والكاتب الصحفى محمد حسنين هيكل من جانب..وبيرود روزفلت مسئول المخابرات الامريكية واريك جونسون المبعوث الخاص للرئيس الامريكى “أيزنهاور”.وانتهى الاجتماع قبل بدء العشاء مع تصاعد حالة التوتر التى فرضت نفسها على الحوار.. وأعتبر “حسين” أن نجاح مهمته الاساسية فى إنهاء الإحتلال البريطانى عام 1956.كانت كافية للمواصلة فى طلبه الإستقالة..وهو ما تحقق عام 1958 بعدما أصر على تكرار تقديمها إلى “ناصر” ..لاسيما بعد إختلاف وجهات النظر حول موعد أعلان الوحدة مع سوريا وتشكيل الجمهورية العربية المتحدة..حتى أن “د.أحمد ” رفض لاحقا وفقا لرواية “عزيزة ” العرض الذى تلقاه من “ناصر” لقبول وظيفة “السفير المتجول”.. وأختار أن يبقى بعيدا عن الحياة العامة زاهدا عن المناصب حتى رحيله يوم 29نوفمبر 1984 عن عمر 82عاما.

***********


مثل صفصفافة تستمد وجودها وأهميتها من مدى إستفادة الاخرين منها .لم تقف جهود “عزيزة” على دورها الريادى بالنشاط الإجتماعى حتى وهى تدرك عامها السابع والخمسون. حيث تعرفت عام 1976على التأمل التجاوزي .. وهي تقنية التي أدخلتها الهندى مهاريشي ماهش يوغي .والتى تقول عنها :

 “يساعد على مقاومة الإجهاد والتغلب عليه بطريقة طبيعية..وتساعد من يمارسها على إكتشاف قدراته الكاملة “. ومثلما تعودت أن قناعتها بفكرة أو عمل تصل بها لموقع المسئولية أصبحت المسؤول عن الدعوة لتلك التقنية من فنون اليوجا في مصر. حتى أن مبتكرها “مهاريشى” عند لقائها بها في عام 1985.،و.بعدما عرف ان عدد من يمارسونها بلغ المئات من النساء والرجال .منح “عزيزة “لقب “ : أم مصر”.


عام 1977 بينما كانت “عزيزة” تحقق على أرض الواقع حلمها بإنشاء اولى عيادات تنظيم الأسرة .ذات الخدمات المتكاملة.لم تترد فى رفض منصب وزير الشؤون الاجتماعية الذى عرضه عليه رئيس الوزراء محمود سالم.. حتى بعد أن سمعت أن الرئيس أنور السادات نفسه كان يقف بقوة وراء ترشيحها للمنصب.وواصلت جهودها كمتطوعة حتى عند رئاستها لوفد مصر عام1978 في المنتدي الدولي للمرأة والسكان والتنمية ..وبعدها بعام واحد كانت تشارك فى وضع اللمسات الاخيرة لصياغة اتفاقية الأمم المتحدة للقضاء على جميع أشكال التمييز ضد المرأة.وهى الفترة التى شهدت كذلك رئاستها الإتحاد الدولى لتنظيم الأسرة من 1977 وحتى 1983.قبل أن تحصل عام2000 على جائزة الإتحاد لإنجازاتها الرائدة ،وتتوجها منظمة الأغذية والزراعة بالأمم المتحدة بميداليتها مرموقة.لتضعها بجوار “الأم تريزا” و”أنديرا غاندى”..إعترافا بدورها فى تغيير وضع “المرأة” و”الاسرة” كلها محليا وعالميا..


العطاء بلاحدود أم هى المسئوليه ..أيهما يصنع الاسطورة .سؤال ربما يشغلنا مع متابعة مشوار “عزيزة”..ومع تعدد وتنوع الإجابات..لن تجد أجمل من كلماتها المتواضعه:

 “النجاح .هو أن تقدم فكرة فيستفيد منها الاخرين ..وتعلمهم ليطوروها وينشروها .فيستفيد منها عدد أكبر من الناس”


 رحلت عن عالمنا السفيره عزيزه فى 19يناير 2015 


إعداد : 

أ_ محمد سمير دحروج 

المصادر :

( جريدة الوفد - المصرى اليوم -ويكبيديا -كتاب حج الروح )