.png "English"){kind=small}
" كان غريب أفندي وفديًا خالصًا، ينحاز فؤاده دومًا إلى مصطفى باشا النحاس، ويقدم كل الولاء للملك فاروق، وكان يرى أن نهضة البلاد تكمن في تحالف فاروق مع حزب الوفد.
تزوج من أمي في نهاية الأربعينات بعد حرب النكبة، وعاشت معه "ست إحسان" على الحلو والمر دومًا. كانت أمي شقيقة زميل له بالنظارة بيضاء وممتلئة الجسم قليلًا. مع شامة تعلو خدها الأيمن، تم ترتيب اللقاء في منزل العروس وتمت الزيجة سريعًا كالمعتاد."
تقدروا تعرفوا حكاية غريب أفندي مع ست إحسان في جناح دار إبهار فى صالة ١ C23
#إليكترا
حوار نادر جداً ننشره لأول مرة للسيدة فضيلة الزوجة السابقة للملك احمد فؤاد الثاني و الحوار نُشر في مجلة شارع النجوم عام 1985.
بدأ المحاور بوصف المنزل الذي يعيش فيه احمد فؤاد اخر ملوك مصر و السودان رسمياً وهو الابن الوحيد للملك فاروق الاول من زوجته التانية الملكة ناريمان صادق التي تنحدر من اسرة من المنيا من الطبقة المتوسطة.
المنزل الذي يعيش في احمد فؤاد الثاني مع زوجته السيدة الفضيلة و اولادهم الامير محمد على و الاميرة فوزية يقع في العاصمة الفرنسية باريس و ملئ باللوحات و البورتريهات لحكام الاسرة العلوية و هو لم يحصل عليهم من مصر انما اشتراهم من مخازن في اوروبا بعد عملية بحث طويلة.
بدء المحاور حواره مع السيدة فضيلة عن اسئلة عن حياة زوجها آنذاك
🔷 ما يعمل الملك احمد فؤاد و ماذا درس و ما هي هوايته؟
لقد حصل على ليسانيس في الاقتصاد السياسي و ثم حصل على الماجسيتر في نفس المجال و يعمل حالياً لدي شركة مصرفية و قد سبق و عمل لدي شركة عقارية أما عن هوايته فهو يحب القراءة جدا و لديه العديد من الكتب العربية و الفرنسية و الانجليزية و يستمع دوماً للراديو كما انه محب لحياة العمل.
🔷 كيف تعلم الملك احمد فؤاد اللغة العربية رغم خروجه من مصر و هو رضيع؟
تعلمها لوحده فقد كان يشترى اشرطة كاسيت يتعلم منها الكلمات العربية و يشغلها دوماً و كان لديه اصدقاء عرب و يتحدث معاهم العربية بإستمرار و في مرحلة الدراسة كان هناك استاذ يعمله اللغة العربية و سبق و اخبرني انه بمفرده استطاع ان يوصل لمستوى عالي في اللغة العربية.
🔷 هل تشاهدان اي افلام او مسلسلات عربية او مصرية ومن هم النجوم المفضلون لديكم؟
نعم نشاهد افلام و مسلسلات مصرية في سهراتنا العائلية وهي جيدة جدا ، لا يوجد ممثل مفضل معين فنحن نحب اي ممثل يؤدي دوره جيداً و نستمتع بمشاهدة الافلام الجديدة و القديمة.
🔷 هل سبق و قابلتي الفنانة فاتن حمامه؟
نعم قابلتها في سهرة خاصة في باريس عندما حضرت مهرجان للافلام العربية و قد اعجبت بها جدا في فيلم ليلة القبض على فاطمة فهي صاحبة موهبة تمثيلية رائعه فعلاً.
🔷هل يستمع الملك احمد فؤاد للاغاني المصرية؟
نعم بالطبع فدائما يستمع لاغاني ام كلثوم و عبد الحليم حافظ و الحان عبد الوهاب.
🔷 مطبخ بيتك هل هو مطبخ شرقي ولا مطبخ غربي؟
مطبخ بيتي هو مزيج بين المطبخ الشرقي و الغربي ، كما انني احب اعداد الاكلات المصرية مثل الملوخية و البامية و بما انك فتحت الموضوع ، فأود دعوتك مرة للعشاء للتتأكد من مهاراتي في الطبخ.
🔷 وهل الملك احمد فؤاد يحب ان يأكل اطباق من صنعك؟
فأبتسمت و قالت نعم فمثلا في شهر رمضان أعد له على الافطار مأكل شهية له و تكون احياناً بمثابة المفاجأ الحلوة له خصوصا بعد يوم من الصيام الصعب في باريس حيث يكون الافطار في العاشرة ليلاً.
🔷هل لدى الملك احمد فؤاد حنين للعودة لمصر التي غادرها وهو في الشهور الاولى من عمره؟
نعم بالطبع و هو يحب مصر كثيرا و يريد العودة و حتى لو على سبيل الزيارات فالواقع هو بعيد عنها بجسده فقط.
🔷 هل كان الملك احمد فؤاد يطالع الصحف و المجلات التي تهاجم عائلته؟
حسناً بما انك فتحت الموضوع ، فأود ان اخبرك أنه كان يتابع الحلقات التي نُشرت عن الاسرة المالكة المصرية في مجلة الموعد و ابدى اعجابه بالصور التي نُشرت و علق على الاحداث المكتوبة بأن اغلبها غير دقيقة.
🔷 هل لكم علاقة بأي اسرة ملكية سابقة او حالية؟
نعم لدينا علاقات قوية بعائلات ملكية سابقة كانت مختارة مصر كمنفى لها في العهد الملكي منهم ملكة اسبانيا الحالية صوفيا و ملك ايطاليا و ملك البانيا و لنا حالياً صداقات مع العائلات الملكية في الدنمارك و النرويج و لدينا علاقات جيدة مع بعض الملوك و رؤساء الدول العربية.
🔷 ما هي البلاد العربية التي زارها الملك احمد فؤاد؟
السعودية و المغرب و الاردن و كنت معه في تلك الزيارات
🔷 متى ذهبتم للسعودية و للاردن؟
قبل عامين تقريباً لاداء فريضة الحج و ذهبنا للاردن في شهر رمضان الماضي و قابلت الملكة نور و هي ملكة مشرقة و لطيفة و تجولنا في مدينة جرش الاردنية.
#الجزء_الاول
#تابعونا
.jpeg)
السلطان محمد الثالث : 👑
احنا دلوقتي فى ٢٦ مايو ١٥٦٦ ؛ وفى فترة حكم السلطان العثماني سليمان القانوني...
كان وقتها الأمير سليم هو الأمير الذكر الوحيد المتبقي من أبناء السلطان سليمان بعد وفاة الأمراء محمد و مصطفي و جبهانجير و بيازيد ....
سليم كان له زوجه اسمها ( نوربانو ) وكان مخلف منها إبن هو مراد الثالث .
مراد الثالث ده بقي واللى هو حفيد السلطان سليمان ؛ يوم ٢٦ مايو ١٥٦٦ خلف إبنه: محمد الثالث !
**********
إتولد محمد الثالث فى قصر مانيسا و والدته كان إسمها صفيه ( كانت من ألبانيا ) ؛ و بعد ٤ شهور من ولادته مات السلطان سليمان القانوني و تولي العرش جده السلطان سليم الثاني .... وهنرجع للسلطان محمد الثالث و صفيه بعدين .
ولما بقي عنده ٨ سنين ؛ مات جده السلطان سليم الثاني و تولى العرش والده السلطان مراد الثالث ...
ولما بقي عنده ٢٨ سنه ؛ مات والده السلطان مراد الثالث و تولى محمد الثالث العرش .
********
وطبعا مش محتاجه اقولكم أن الأمير اللى كان عليه الدور فى ولاية العرش بعد ق.تل الأمير محمود كان من أم تانيه ؛ (خلاص بقى حفظناها القصة) دى وهو السلطان احمد الاول و ده اللى كان متجوز من السلطانه قوسيم.
الأمير محمود اللى مات بقى كان له أخ شقيق اصغر منه هو الأمير مصطفي وحكم بعد وفاة أخوه السلطان احمد الأول ؛ وحكم مرتين مرة لمدة ٣ شهور بس و اتشال وحكم السلطان عثمان ابن أخوه السلطان احمد الاول.
بس دي مكنتش الكارثة الوحيده اللى عملها السلطان محمد الثالث ؛ لأن كان في حاجه أسوأ : 👇
تعالوا نرجع تاني من الاول ؛
واول ما تولى العرش وقبل حتى ما يدفن أبوه قت.ل اخواته الذكور كلهم واللى كان عددهم حوالى ١٩ ؛ حتى لو كان فى جنين جوه بطن أمه كان بيق.تله ...
وسلمولي على قانون نامه 💅
*********
#إيمان_الشرقاوى
"هتفت معهم للحظات كي يسمعنى العالم، صرخت، صهلت كالحصان، ضحكت كإمراة سكيرة. فيجب أن يسمع صوتي أحدهم، يجب أن يلتفت إلى أحد. لكني كل ما حصلت عليه هو صوت ساخر لا أدرى مصدره يردد : هل هربت تلك البلهاء من الحضانة لتزعج الكبار؟!"
رواية إليكترا - صالة ١/ C23
تقدروا تلاقوا بناتي الحلوين دول فى معرض الكتاب : 😍
١- رواية إليكترا
في جناح دار إبهار ؛ صالة ١ C23
٢- رواية بيت العز
في جناح دار كتبنا ؛ صالة ٢ C31
فى يوم من الأيام كان السلطان سليمان القانوني بيتمشي فى حديقة قصر الباب العالي ( TopKapı ) ؛ و لفت نظره سرب من النمل بيهاجم شجرة من شجر القصر ؛ سأل البستاني عن النمل ده وقاله أن العلاج هيكون ب ري الشجرة بعلاج معين لكن ده هيتسبب في موت النمل ...
فما كان من السلطان سليمان إلا أنه بعت يسأل عن فتوى لق.تل النمل من أجل إنقاذ الشجرة من شيخ الإسلام ؛ واللى هيرد عليه ويقوله أنه لو ق.تل النمل فالنمل هييجي يوم القيامة يطلب حقه من سليمان .
فقرر سليمان أنه يسيب النمل براحته على الشجرة لكن الشجرة بتتعرض للأذى والنمل بيخليها مجوفة تماما ...
الشجرة بالمناسبة موجودة لحد دلوقتى فى حديقة القصر ومتحاوطه بسياج ومكتوب قصتها ولها رقم كودي ممكن تسمع قصتها باللغه اللى تختارها عن طريق جهاز ممكن تستلمه فى رحلتك جوه القصر ؛ بتختار الرقم و اللغه وتسمع القصة صوتيا ( توماتيكي توماتيكي من غير مرشد سياحي)
المؤسف أن نفس الشخص اللى قلبه كان حنين على سرب من النمل ؛ ق.تل اتنين من أولاده هما الأمير مصطفى والأمير بيازيد ؛ وكمان قتل أحفاده الذكور منهم عشان ميكبروش ينتقموا منه؛ فالامير مصطفى مثلا كان مخلف أميرين هما محمد ٧ سنين و أحمد وكان عمره شهور؛ بيازيد كان مخلف ٧ أمراء فى اعمار متفاوته؛ أكبرهم كان ١٨ سنه واصغرهم كان عمره شهور تم قت.لهم جميعا ؛
وكمان السلطان سليمان ق.تل صديق عمره ابراهيم باشا و زوج أخته الأميرة خديجه ؛ لا وكمان ق.تل فرحات باشا زوج أخته الأميرة بيهان و احمد باشا زوج أخته الاميره فاطمه لدرجة أن الناس كانت بتخاف تطلب ايد اخواته البنات...
وبيقال كمان أنه ق.تل جولفم ( ألفت) واللى كانت والدة إبنه الأمير مراد .
الأميرة جاويدان 🧡⭐
كان الامير عباس حلمي ولى عهد عرش مصر بيدرس فى مدرسة عسكرية فى فيينا وهناك اتعرف على واحد زميله اسمه جوزيف ابن كونت نمساوي ؛ و هتكون أخته هيا جاويدان وده هيكون سبب التعارف بينهم
فى ١٨٩٢ رجع الأمير عباس حلمي لمصر اول ما عرف خبر وفاة والده الخديوى توفيق ؛ واستلم عرش مصر و بقي لقبه الخديوى عباس حلمي الثاني وهو ١٨ سنه . وبسبب صغر سنه كانت والدته مسيطره تماما عليه وعلى القصر فى بداية سنوات حكمه ؛ مثلا كانت مانعه اى حد سواء رجل او امراه يكون فى خدمة جناحه بالليل ؛ و الوضع ده كان متضايق الخديوى جدا لانه اوقات بيكون محتاج حد يخدمه باليل و هدد أنه هيسيب القصر وينتقل لقصر تاني من غير والدته ؛ و من هنا رضخت امينه هانم إلهامي وبعتتله ٣ جواري ....
حاولت والدته توثق وجود ابنها الشاب الصغير فى الحكم فهتروح الاميره أمينه إلهامي للسلطان عبد الحميد الثاني وتطلب ايد بنته السلطانه نعيمه واللى كانت اصغر من الخديوي عباس حلمي بسنتين ؛ ووافق فعلا السلطان لكن فى حد قاله لو بنتك اتجوزت منه يبقي كده ابن خديوى مصر هيكون له حق في العرش العثماني فتم إلغاء مشروع الزواج ؛ ورجعت امينه هانم إلهامي مصر عشان تلاقي أن فى جارية من ال ٣ جواري اللى كانت بعتتهم لابنها بقت حامل منه ؛ فقررت أن ابنها يتجوزها وكانت الجاريه هيا إقبال هانم ؛ كانت من القرم واتخطفت من أهلها واتباعت فى سوق الجواري ووصلت القصر .
********
نرجع للاميره جويدان مع الخديوي ؛ اتقابلوا تاني فى باريس عام ١٩٠٠ بعد ٨ سنين من توليه العرش ؛ واحبا بعضهما البعض ودعاها لزيارة مصر ؛كانت ماريانا Szendri Török امرأة متزوجة فى الوقت ده من البارون السويدي آرثر فون كلينجسبور ،و كان عليها الانتظار حتى وفاة زوجها قبل أن تتمكن من الدخول في زواج رسمي.
وفى ٢٨ فبراير ل 1 مارس ١٩١٠ كان زفاف الخديوى عباس حلمي الثاني من امراه من اختياره ولم تفرض عليه ؛ و طلق مراته الاولى اقبال. وتم الزواج في قصر المنتزه بالإسكندرية بحضور مفتى الازهر وذلك بعد أن اعتنقت الاسلام وغيرت اسمها من ماريانا إلى جويدان بنت عبد الله ( كانت عاوزه تسمي نفسها زبيدة فى البدايه ) وبيقال أن احمد شوقي امير الشعراء كان شاهد على الزواج ؛ وعاشوا الاتنين فى قصر مسطرد ( مش موجود حاليا ) .
***********
سافرت مع الخديوى فى جولاته داخل المملكه المصريه وخارجها وذلك عن طريق تنكرها فى هيئة رجل ؛ حيث إن القوانين فى هذا الوقت كانت تمنع انضمام الزوجه فى الجولات
كانت جويدان عازفة بيانو ماهره وتهوى الرسم والكتابه وقد قامت بكتابة مذكرات عن تفاصيل حياتها مع الخديوى عباس حلمى ووصفت فيه الحياه فى القصور فى مصر فى ذلك الوقت ووصفت نظام الحريم وعلاقة الخديوي بالسلطان العثماني عبد الحميد الثاني
********
مقتطفات من مذكرات الأميرة :
"لا توجد امه في العالم تتفنن فى افراحها مثل المصريون مهما كلفهم ذلك ؛ وكثيرا ما يكون حفل الزفاف سببا فى افلاس بعض العائلات ؛ وأكثر النفقات تكون فى ليلة الخطبه فى منزل العروس وليلة الزفاف في منزل العريس"
حضرت الاميرة حفل زفاف ابنة احد الباشوات؛ وكانت العروس تبلغ ١٣ عاما ومريضه بالتهاب رئوى شديد ؛ ولكن لم يتم تأخير الزفاف لسببين وهما ان المصريين يتشاءمون من تأجيل الزفاف عن موعده وبسبب استدعاء الفرق الموسيقيه والراقصات مما قد يكبد الاهل خساره كبيره
فى الساعه الثامنه مساءا قامت وصيفة الاميره جويدان بمساعدتها في ارتداء الملابس ووضع اليشمك وتثبيته فى ( الهرطوس ) وركبت العربه لحفل الزفاف
وقتها كانت العروس فى ال ١٣ والعريس في ال ١٨
عند وصول عربة الاميره تم ذبح الذبائح امام العربه إكراما لها ... وعند وصولها إلى باب الحريم نزعت قناعها ومعطفها واستقبلتها على رأس السلم وداد هانم والدة العريس مع والدة العروس وقام النساء بتقبيل ثوب الأميرة رغم محاولاتها بالمنع واعدوا لها مقعدا من الكشمير وباقي السيدات على وسائد من الحرير
ثم جاءت ال قهوجى كلفا وهى سيده مهمتها تقديم القهوه وكانت التقاليد بأن تكون زوجة الخديوى اولى البادئات بالشرب وهن من بعدها ... وتلك كانت القهوه الاولى ويتبعها قهوات فمن عادة المصريين فى ذلك الوقت انهم يديرون القهوه على الجميع كلما جاء ضيف جديد
أرادوا احضار العروس لها ولكنها رفضت وذهبت الأميرة لها وهى على مقعد عال فكانت كالتمثال المعروض ؛ كانت ترتدى ثوبا من الاطلس مرصع بالذهب وعلى رأسها تاج ملئ بالجواهر و من تحته نقاب يشمل كل جسمها مزين بالاحجار الكريمه وفى يديها ورقبتها عقود واساور لا حصر لها
إنحنت امام الأميرة أيضا زوجة احد الوزراء قائله يا صاحبة السمو لقد عجزت عن اختيار هديه تعجب سموكم وليس لى الا ان اقدم اعز ما لدى وهو طفلى البالغ من العمر ٥ سنوات ! ( الأميرة جاويدان لم تنجب ) .
تقول الأميرة جاويدان عن هذا الموقف :
**********
تقول جويدان انها كانت تتناول الغداء مع الخديوى على طاولة صغيره مستديره وهى ترتدى معطف فوق ملابسها وتغطى رأسها بقناع خفيف ... وتلك هى ملابس الظهور امام الرجال .
تصف الخديوى بأنه ماهر بامتياز فى تقشير البرتقال؛ وذو ذاكره حاده ووجه جميل بعيون رماديه تضفي عليه جاذبيه وكان يدللها بقوله يا طفلتى او يا عروستى الصغيره
كانا دائما ما يلعبان سويا كالأطفال ؛ فكانا يلعبان مع الكلاب ويتسابقا فى غرف وممرات القصر او يتسابقا بشرب القهوه بصوت عالى مثل العامه او لفظ نواة الكريز من الفم ليروا من يقذفها ابعد من الاخر وكان الحراس يندهشون من تلك التصرفات .
كان يحدث أحيانا وشايات خاطئه بينها وبين الخديوى وكثيرا ما ارسل لها الخديوى خطابات عنيفه بعد أن يصله اخبار خاطئه عنها ؛ بسبب نظام الجواري؛ وتتذكر أيضا حين ابلغوه انها تدخن في نهار رمضان وجاء ينظر إلى منفضة السجائر بطرف عينه
*********
ذكرت جويدان عن يخت المحروسه ان القيصره اويجينا اهدته إلى الخديوى إسماعيل جد زوجها الخديوى عباس حلمى الثانى وتصفه بالفاخر جدا
تحدثت عن وصيفتها ( هرملين ) ومدربتها على الالعاب الرياضيه ( مايسكى ) ... وايضا عن سعادتها بتناول الايس كريم ( الدندرمه ) فى وقت العصر وتذكر أن الخديوى كان يفضلها بالقشطه .
***********
كان فراش جويدان مغطى بناموسيه ليحمى جسمها من عضات البعوض وكانت تمكث في الإسكندرية مع الخديوى مده قصيره أثناء الصيف او الخريف وباقي العام في القاهره ؛ وتقول ان الفصول الاربعه تكاد تكون لا معنى لها فى بلد تشرق فيه الشمس دائما ؛ والقاهره كانت مقر الحكم والعمل والتشريفات الرسمية .
*********
وفى الصباح وصل القطار إلى الاقصر وكانت مزدحمه بالناس ومزينه بالأعلام؛ واشتد الحر على فى بدلة ( الردنجوت ) ووددت فك الازرار ولكن هذا لا يجوز فأنا مجرد سكرتير واقف إلى جانب خديوى مصر وحاكم النوبه والسودان وكردفان ودارفور ..
ومن المضحك ان ابنة الدوق اوف كنوت قد رآتنى وسألت طورنسين باشا عن ذلك الشاب التركى الجميل .
**********
تنكرت الأميرة أيضا بملابس ممرضه؛ حيث ذهبت عند البارونه ( آيور ) رئيسه جمعية الصليب الاحمر لكى تعطيها جواز كممرضه من ممرضات الصليب الاحمر وان تقوم ممرضه بصحبة الاميره فى رحلتها وقامت الخياطه بإعداد ملابس ممرضه وهى لا تعلم أن من سوف ترتديها اميره وليست ممرضه
وقامت خادمتى ( هارملين ) بإعداد ملابسي القطنيه والاحذيه التى بلا كعب؛ وصممت على وجود الكولونيا والعطور وملابس نوم حريريه
وانطلق بنا القطار إلى الاسكندريه لتمريض سيده عجوز ، وكنا نجلس بالدرجة الثانيه؛ وكان لابد لى من تقبيل يد رئيسة الممرضات وقد قمت بذلك فعلا وذلك عن احترام وتقدير منى لها
وبدافع العاده أخرجت علبة السجائر وهممت بالتدخين ولكن الأخت( هلدجارد ) افهمتنى ان هذا لا يتفق مع تعاليم الممرضات؛ كما أيضا لا يسمح للممرضات بالسفر فى عربات النوم الا فى حالة وجود مريض فنمت تلك الليله فى مكانى وكانت كلما مالت رأسي اختل نظام وضع الباروكه وأصبح منظري مضحكا
الطريف أن الخديوى لم يستطع أن يتبين فى هذه الرحله الاسم والشكل الذى تنكرت به وهذا دليل على اتقانى الشديد للتنكر "
***********
كانت الاميره جاويدان تحب الاسيتانه حبا شديدا ؛ فهناك كانت هى والخديوى بعيدين عن رسميات القصور في مصر وحتى استقبال الخديوى يكون خال من الصيغه الرسميه
وفى يوم السفر ذهب الخديوى إلى محطة جالاطه لركوب قطار الشرق السريع وقبل موعد السفر بساعتين غادرت انا فى زورق بخاري وكانت تتبعنا سفينه من جواسيس قصر يلديز ولكننا تمكننا من خداعهم... فما اجمل ان تكون المرأه زوجه لخديوى مصر ويقول لها افعلى ما تشاءين.."
**********
كانت بتحب تروح مع الخديوى ملهى ( فورا ) وهو أكبر ملاهى باريس .وكان الخديوى يستشفي غالبا فى ( ديتور ) بالقرب من جينيف فكان يذهب إليها في الصيف ؛ وحدث مره انها بعد العشاء دخلت احد صالات لعب القمار وتعصب الخديوى فهو كان يبغض المال المكسوب بلا تعب كما كان يكره أن يخسر المال بلا مبرر
وبتحكي الاميره أن كان من عادة صاحبة مخزن الموضه فى باريس ان تهديها هيا والخديوي زهره جميله بمجرد وصولهم وتعرض عليهم أحدث ازياء القبعات لتختار الاميرة منها على الاقل دسته لاستعمال أثناء رحلتها في اوروبا وكان الخديوى لا ينظر كثيرا إلى المجموع الكلى على حين انه كان يدقق في المفردات؛ فمثلا لا يهمه أن يدفع ١٠٠ الف فرنك ثمن الملابس كلها ولكن اذا قرأ ان هناك فستان ب ٨٧٥ فرنك فإنه يري أن هذا مبالغ فيه لذلك كان البائعون يكتبون تلك الأسعار بأرقام صغيره حتى لا يتمكن الخديوى من قرائتها .
وعندما ذهب الخديوى إلى الحج أرسل لها ببغاء اشتراها من هناك تدعى( الحاجه فاطمه ) وخصصت لها غرفه بالسرايا وكانت تثور وتصيح عند رؤية الخديوي وربما كان ذلك بسبب لون طربوشه الأحمر .
*********
تقول جويدان رغم أن تم التقاط صور لها كثيره الا انها لا تعجبها كلها فهى تري انها تظهر وجهها كوجه الاطفال؛ وإن افضل صوره لها هى التى التقطها احد المصوريين الاجانب أثناء حفلة المحمل في ساحة القلعه .
واحتفال المحمل كان يضم الجماهير من كل الاجناس؛ الجنود تصطف في الساحه ؛ ومكان مخصص لنساء الوزراء يفصله عن الجماهير كردون من العساكر؛ ثم يأتى الخديوى فى عربة تجرها أربعة من الجياد بعد اكتمال الضيوف؛ ويقف فى مكانه المخصص وحوله الوزراء ورجال الدين والمشايخ؛ ثم يأتى الجمل الذى يحمل كسوة الكعبة المشرفة ويقوده احد المشايخ ويسلم الخديوى طرف الكعبه ويقبلها ويضعها على جبهته ثم يأخذ بزمام الجمل ويسلمه إلى أمير الحج ؛ كل هذا والموسيقى تصدح والنقود توزع على الجماهير
وحين التقط المصور الانجليزى الصوره ؛ رأه الخديوى وتعامل معه الضباط وسحبوا منه آلة الكوداك؛ وكانت جويدان تتمني أن يتم تصويرها وهي تعزف على البيانو.
**********
تقول جاويدان :
"تعلمت اللغه العربيه على يد البروفيسور والمستشرق العظيم ( هس ) فى سراي مسترد؛ وعلمنى الإسلام من آيات القرآن الكريم؛ وكنت اقابله مرتديه معطفى وعلى رأسي غطاء ؛ واذكر انهم طلبوا مني يوما ان اغطى كفى أيضا وتعجبت لهذا جدااا فكيف لمعلمى الذى يري روحى لا يحق له رؤية يدى ؟!"
وفى ( فيشي ) رأينا أرملتى الخديوى إسماعيل جالستين فى شرفة الفندق وعلى وجهيهما النقاب الابيض وهما يدخنان ويستمعان إلى الموسيقي ؛
وبعد أن أصبح زوجي خديوى مصر اذا رآنى أقرأ كتابا فكان يقول ( من هذا الحيوان ؟ )
وتقول أيضا الاميره انه كان يحدث أحيانا وشايات خاطئه بينها وبين الخديوى وكثيرا ما ارسل لها الخديوى خطابات عنيفه بعد أن يصله كالعاده اخبار خاطئه عنها ؛ وكل هذا بسبب نظام الجواري اللعين؛ وتتذكر أيضا حين ابلغوه انها تدخن في نهار رمضان وجاء ينظر إلى منفضة السجائر بطرف عينه "
**********
اتكلمت عن تلك الليله المشئومه لما كانت موجوده مع الخديوى امام المدفأه؛ حينما حدثها عن علاقته ب ( جورجيت ميسنى ) تلك السيده التى ارتبط بها أثناء زواجه من الاميره جويدان...
وتتحدث ان علاقتهما احترقت في تلك اللحظة مع نيران المدفأة؛ ووصلت جويدان إلى بداية حياه لا توجد لها نهايه
وتم الطلاق بين الخديوى والكونتيسه فى ١٩١٣ بعد ٣ سنين زواج ؛ ومفاتش سنه بعد الطلاق ؛ و سنة ١٩١٤ اتعرض الخديوي لمحاولة اغتيال فى تركيا و بعدها يتم عزله عن العرش على ايد الإنجليز ويعيش في تركيا و يعاصر إنهاء الخلافه على ايد اتاتورك و يموت سنة ١٩٤٤
أما جوايدان ؛ فرجعت أوروبا بعد الطلاق وعاشت فى برلين لحد ١٩١٩ ؛ وفى ١٩٣٨ انتقلت ل فيينا مع شريكها سيمون فون كولاتشكوف واشتغلت فى التمثيل والتأليف المسرحي و عزف البيانو وفتحت صالون تجميل و اشتغلت رسامة لفترة ؛ اتعرفت على رجال من الوسط الثقافي والفني لكن متجوزتش بعد طلاقها من الخديوي وفضلت محافظة على اسمها جاويدان ومرجعتش لاسم ماريا ؛ وفضل الخديوي يبعتلها نفقتها لحد وفاته ؛ وبعد انقطاع النفقة اتنقلت سنة ١٩٥١ لباريس وكانت وقتها بتعاني ضائقة ماديه وانهارت وصرخت فى الشارع و خرجت عناوين الصحف بتقول :
"الملكة المصرية السابقة على شفا المجاعة"
بعد كده راحت لندن وبعدها غراتس فى النمسا وعملت فيها معرض فني كان اسمه ( رؤي على النيل ) ؛
و استغلت الصحافة الصفراء شيخوختها مقابل المال وماتت جاويدان فى ٥ اغسطس ١٩٦٨ تم دفنها في مقبرة سانكت ليونارد فريدهوف في جراز بالنمسا ؛ فى جنازة بسيطه جدا ؛ بعد ما كانت كونتيسة و ملكة وكان عمرها وقتها ٩١ سنه .
ريفيو ساخر عن مذكرات الأميرة جاويدان:
********
The crown 5 👑
#review
• ١٠ حلقات لفيت فيهم ما بين إنجلترا و روسيا و هونج كونج و مصر و فرنسا ؛ ١٠ حلقات و الحلقه الواحده أقل من ٥٠ دقيقه عرفت فيهم كم كبير من المعلومات التاريخية و شفت تجسيد لشخصيات تاريخية كتير فى فترات زمنية مختلفه و شخصيات مختلفه من أماكن و دول مختلفه ؛ شفت محمد الفايد فى اسكندرية سنة ١٩٤٦ ؛ و شفت مسز سيمبسون شابه مره و عجوز وحيده فى قصرها مره ؛ وشفت آل الرومانوف و اللى حصلهم فى ١٩١٨ ؛ وشفت الملكه ماري والملك جورج الخامس و بعدين رجعنا للتسعينات مابين ١٩٩٢ : ١٩٩٧ ....
١٠ حلقات ؛ عشت معاهم فى تفاصيل تاريخية جميله ❤️
• ادوار محمد الفايد ( شاب و اب ) و عماد الفايد ؛ كانت بالنسبة لى مفاجأة كبيرة ؛ معمولة صح و حلو اوى ؛ وكلمات عاميه اسكندرانى و شتايم فى حوار فى مسلسل انجليزي 🤦
• تشارلز مش شبه تشارلز و لا الملكه هيا الملكه ؛ بس فى المجمل طبعا اداؤهم كويس جدا ؛ و عجبتنى طبعا مارجو الجزء ده عن هيلينا فى الجزئين اللى فاتوا ؛ فيليب أداؤه عظيم بس فى بعض المشاهد كنت بقول بس تحسه كده مش هو 😃 ؛ الملكه الأم لا مش شبهها و محستهاش هيا بصراحه ؛ كاميلا و ديانا كانوا كاميلا و ديانا فعلا وكأنهم إستنساخ 😂
• عجبنى جدا هدوء چون ماچور ؛ لكن تونى بلير محستوش شبهه .
• عجبنى جدا الصوره والإضاءة والديكور و الأزياء و الماكياج و تسريحات الشعر فى كل مرحله زمنيه ؛ وحقيقي ولا غلطه ...
• الدقه فى كل حاجه ؛ مثلا مقابلة الأميرة ديانا اتعملت بنفس اللبس و تسريحة الشعر و الماكياج و نفس وضع التصوير و نفس حتى خلفية الديكور .... ؛ يارب نتعلم 😴
• الجزء ده ظهر فيه اندرو و تشارلز و آن ؛ لكن ادوارد مشوفتوش ولا هو ولا صوفي .
• فى جملة حوارية ثعبانيه اتقالت فى جزء من مشهد لتشارلز مع اليزابيث فى الحلقة الاخيرة ؛ وهيا بتكلمه عن كاميلا وعلاقته بيها و قالها أنه خلاص انفصل عن ديانا و الناس عارفه فقالت له :
" ولكن لا يمكنك الزواج بكاميلا و ديانا لا تزال على قيد الحياة ؛ تلك قواعد الكنيسة التى سوف تكون أنت رئيسها يوما ما " . 😉
من الاخر يعنى ؛
مسلسل من ٥ اجزاء ؛ وكل جزئين كان الكاست بيتغير ؛ ومع ذلك قدروا أنهم يعملوا عمل فنى عظيم بالاجتهاد فى التفاصيل ....؛ التفاصيل يا عالم اللى احنا هنا بنشوفها تفاهه ومش مهم والمهم الجوهر ؛ والمشكله أن حتى الجوهر كمان ضايع 🤦
#إيمان_الشرقاوى
ريفيو كتاب عادل ثابت : 🥳
مبدئيا الكتاب ده من اجمل كتب التاريخ اللى ممكن تقرأها ؛ واحلى حاجه فيه أنه حيادى و قايل عيوب ومميزات الفتره دى بكل صراحه ؛ الكتاب صدر منه نسخه عربي و انجليزي ؛ و الريفيو ده هيكون مشكل جد على هزار 🤚💁
*********
١- لان عادل ثابت من أقارب الملكه نازلى ؛ فاتكلم شويه عن نازلى وعن صلة قرابته بيها وعن جده ؛ واكتر جمله عجبتنى فى الكتاب عن نازلى هيا دى : 👇
" Queen Nazli is rather like the Swan Queen in your grey fairy book .."
**********
٢- عادل ثابت بيقول أن المكتب الملكى كان مجهز بباب سحري على الكرسي الضيف المواجه لكرسي الملك فاروق ؛ وفى زرار على المكتب اودام الملك ؛ ولما يزهق الملك من المقابله أو ميعجبوش الضيف كان يضغط على الزرار و الضيف يلاقي نفسه فجأه فى البدروم !
*******
٣- كمان قال إن الملك كان دايما بيعمل مواقف مضحكه وتريقه على الباشاوات اللى معاه ؛ لدرجه انه فى يوم كان الملك عازم رئيس الوزراء مع الوزراء ورجال الدوله ؛ قام الملك نشن على طرابيشهم بالطماطم والخيار ؛ وفضل يحدف عليهم واحد واحد ؛ وكل واحد بقي بيدور على طربوشه من طربوش التانى .
**********
٤- عادل ثابت بيقول أن الشيخ شندى كان بيديله دروس فى الدين من وهو صغير ؛ ساعه الظهر كل يوم خميس ؛ وده كان بعد معاد الغدا بالنسبه لهم في الوقت ده ؛ فكان الشيخ يوزع عليهم حلويات فى بداية الحصه وبعد كده يطلب منهم يرددوا وراه ؛ وان احيانا كان الشيخ بينام فى الحصه من التعب معاهم .
***********
٥- بيقول عادل ثابت عن الأمير محمد على توفيق :
" كان رجلا قصيرا هشا ؛ يتباهى بلحيه انيقه على غرار فان ديك ومن الممكن أن يظنه من يراه أنه نسخه من مسرحية تشارلز الاول ؛ وكان يضع على رأسه طربوشا ؛ ويرتدى رباط رقبه عريضا ؛ وسترة صباح سوداء وبنطلونا اسود مخططا وحذاء اسود اللون مدببا ومصقولا بينما تبدو بعض مظاهر الحزن عليه ."
***********
٦- بيقول أن الملك فاروق مكنش عجبه تحكمات عزيز المصري وصرامته معاه وقت دراسته في انجلترا ؛ وقاله ( أنا مابعدتش عن مسز نايلور وجيت انجلترا عشان الاقي مربيه زيها هنا ) ... طبعا بعدها عزيز المصري قدم استقالته وبعت جواب للملك فؤاد بيشرحله فيها اللى حصل.
*********
٧- من اجمل الجمل اللى قريتها فى الكتاب عن تربية الأمراء ؛ هيا الجمله اللى قالها والد عادل ثابت له فى يوم من الايام ( والده كان رئيس البروتوكول فى وزارة الخارجية) وهيا :
" عليك أن تتأنق يوميا فى ملبسك وتضع طربوشا على رأسك ؛ وترتدى سترة صباح وبنطلونا مخططا وحذاءا نظيفا "
***********
٨- بيحكى عن اول مره يشوف فيها الاميرات فوزيه و فايزه و فائقه وفتحيه ويلعب معاهم وقال بالحرف :
" اربع فتيات جميلات كالعرائس ؛ لو أن بعض السحره قد القوا بنا فجاه فوق أحد الجزر الرمليه لأفروديت واقترب منا سكانها الأصليين لكان الأثر الذى نشعر به مماثلا لما حدث لنا على الأرجح ؛ كان الاميرات ينتمين إلى عالم آخر ؛ نماذج للبراءه ؛ تحوطهن حمايه مفرطه وكأنهن ملفوفات فى السلوفان ؛ كالهدايا المغلفه ؛ بنات صغيرات من نوع قل أن يوجد في اى مكان خارج أغطية علب الشوكلاتة "
************
٩- بيرجع تانى عادل ثابت للملك فاروق ويقول عن طفولته مع مسز نايلور المربيه وأنه مكنش بيحبها بسبب صرامتها الشديده ؛ وكان كهربائي القصر بوللى عمل نسخه من المفاتيح لفاروق ؛ وكان أول ما مسز نايلور تنام كان بيتسلل بره اوضته واحيانا كتير كان يخرج بره القصر ويسهر ؛ وكان اى حاجه بتمنعها عنه مسز نايلور زى الحلويات مثلا كان بيجيبها للملك بولى أو جارو الحلاق أو جافتسى حارس الكلاب أو حلمى السواق
و كل دول لما فاروق بقي الملك بقوا هما الحاشيه الفاسده إياها اللى طوب الارض مكنش طايقهم .
***********
١٠- فى جمل قالها عادل ثابت كانت واقعيه جداااا جداااا زى مثلا :
( قد كان فاروق وحيدا ؛ تلك هى مأساته حقا ؛ كان يخاف كثيرا ؛ ويخجل للغايه ؛ وقد ظل ملكا وحيدا حتى النهايه )
( كان فاروق خيبة أمل كبري )
( لقد بدأت الثوره بعد أن ضغط فاروق الزناد بسوء معالجته للأزمه )
***********
١١- بيقول أن لما النبيل عباس حليم اتسجن فى عهد الملك فؤاد ؛ احتلت زوجته توحيده هانم قهوه مواجهه لشباك زنزانة زوجها ؛ وركبت مكبر للصوت وبقت تشغل عليه الحان كول بورتر و ايرفنج برلين و ايفور نوفيلو ...
( أنا شفت المشهد ده فين قبل كده ؟! فكروا كده قبل ما تبصوا على التعليقات 😂🤚)
***********
١٢- بيقول على توتر العلاقه بين الملكه فريده ونازلى ؛ وحكى أن غرفة الطعام للملكه نازلى كانت تحت جناح الملكه فريده بالظبط ؛ وكان أول ما الملكه نازلى تدخل الاوضه كانت الملكه فريده تدى أوامرها للموجودين معاها فى الاوضه أنهم يتنططوا ويدبدبوا برجليهم ويرقصوا كمان 💁🥳.
***********
١٣- " أننى أعرف أين دفن الاسكندر الاكبر ؛ ولكننى لن أخبر أحدا عنه وخاصة مصلحة الآثار وسوف يموت هذا السر معى "
دى جمله قالها هيوارد كارتر لعادل ثابت فى يوم من الايام ؛ والحقيقه أنا معرفش ازاى عادل ثابت عدى الموضوع ومقدرش يراضى كارتر بساندوتش برجر بيج ماك فى مقابل أنه يقولنا الاسكندر الاكبر مدفون فين 😂
***********
١٤- بيقول عادل ثابت عن الشاه محمد رضا بهلوى لما شافه فى حفل زفافه على الاميره فوزيه :
" كان شابا نحيلا نحيف القوام ؛ له وجه طويل جاد ؛ وما يبدو أن له ميل فطري كى يقطب جبينه لكل شىء ؛ كان يرتدى بدله عسكريه ايرانيه ذات رقبه عاليه لونها بغيض ؛ و قد قيل لنا أن الأمراء الإيرانيين لديهم تعليمات بأن يقطبوا فى وجه الجميع ؛ ولكن تحولت هذه الوجوه إلى نوبات من الضحك فيما بعد بسبب روح الملك فاروق المرحه " .
**********
١٥- حكى عادل ثابت عن حفل زفاف الملك فاروق والملكه فريده وعن الفنانين اللى أحيوا الحفل واتكلم تحديدا عن اتنين ؛ أم كلثوم و تحيه كاريوكا وقال :
" Om kalsoum sang songs for the occasion. Her voice comes a cross ; remarkable in strain ; vibrating ; intensely emotional."
" Another star of the show making her debut was Tahia Carioca ; the dancer . She was a cross between Hedy lamarr and Elizabeth Taylor with her creamy white skin and a splendid mass of silky black hair . Her figure belonged to dreams and she won the hearts of her audience .
" These two ladies; officiates at the royal wedding; become legendary in the recent history of Egypt. Their fame ; it is certain; will live on long after the political and national events that shook Egypt in their lifetimes have pretty well faded from memory "
**********
١٦- واخيرا ؛ بيحكى عادل ثابت أن يوم رحيل الملك فاروق عن مصر ؛ كان السفير الأمريكى كافري مع الظابط أنور السادات و سأله :
- حسنا يا قائممقام ؛ هل ستبرمون صلحا مع اsرائيل الآن ؟
رد السادات وقاله :
- سوف نفعل ذلك بمجرد تطهير الفساد
# وقد فعلها السادات بالفعل بعد حوالى ٢٥ سنه !!!
**********
إلى اللقاء فى ريفيوهات قادمه ؛ ومتنسوش تاخدوا لفة فى التعليقات 🤞😃
#إيمان_الشرقاوى
ريفيو كتاب مذكرات أميره مصريه 💁🥳:
و اخيرااااا
وبعد طول انتظاااااار
الريڤيو اللى طلبتوه 🤞
( مذكرات أميره مصريه - النبيله نيفين عباس حليم )
**********
تنويه ؛ هذا الريڤيو هزلى و ساخر 🤚
*******
١- من المعلومات الحلوه اللى فى الكتاب أن توحيده هانم والدة النبيله اتسمت على اسم جدتها الاميره توحيده اسماعيل ؛ و أن سواء الاميره توحيده اسماعيل و بنتها وحيده هانم ماتوا فى عز شبابهم ؛ وبالمناسبة زوج الاميره توحيده اسماعيل ؛ يحيي منصور باشا يكن بعد وفاتها حبس نفسه فى اوضتها ٧ سنين مبيشوفش حد ولا بيكلم حد بعدها ... لحد ما مات هو كمان من حزنه عليه ؛ و ده نموذج للذكر الشرقي المنقرض ملناش دعوه بيه 💁
٢- قالت النبيله عن باباها النبيل عباس حليم ( he could charm a Snake on a tree ) .... والحقيقه ان ده اجمل وصف ممكن يتقال عن عباس حليم ؛ وهتلاقوا صورته فى التعليقات بس اوعى السحر يعضك 😀
٣- بتقول أنها من وهيا صغيره كانت بتبوس ايد عماتها و جدتها ؛ ولما جدها قالها تبوس أيده رفضت وقالت أنا معنديش اى نيه انى ابوس ايد اى راجل طول حياتى .( استرونج اندبنت برينسس 💁 )
٤- فى حفل زفاف النبيله علويه على شهريار راتب جالهم خبر وفاة ملك المملكه المتحده الملك جورج السادس ؛ و جالهم تعليمات بمنع الموسيقي والرقص فى الفرح ؛ والحقيقه أنا عندى شغف وفضول اعرف حفل الزفاف استمر ازاى بعد منع الموسيقي والرقص ؛ و جس واات الجوازه انتهت بالطلاق ومن غير إنجاب ؛ و ده يعلمنا ايه ؟! أن الجوازه السوده بتبان من اولها 😂 ف متستهونوش بالعلامات 🤚
٥- بتقول أن زوجها صلاح عرابي كان بيلعب تنس حلو اوى وأنه He was a good tennis player and sometimes sent me some balls that nearly killed me !
من الحب ما قتل 💁😏
٦- النبيله نيفين بتقول أن اجمل حاجه عملهالها زوجها صلاح عرابي هو أنه خلاها تخس ١٠ كيلو بسبب الطريقه اللى كان بيعمل بيها اللحمه و السلطه ؛ الجوازه مكملتش و اتطلقوا لكن خرجت خاسه ١٠ كيلو وده المهم 👍 ؛ الرجاله بتروح وتيجى لكن الدايت مبيجيش اساسا 😂
طبعا ده بغض النظر أن ( هو ) اللى كان بيعمل اللحمه والسلطه ؛ مش ( هيا ) ... وده موضوع تانى لوحده ملناش دعوه بيه 😂
٧- قالت إن المصادره اخدت منهم كل حاجه ؛ لدرجة أنهم استلفوا فلوس من ابن السواق بتاعهم ومكنش معاهم يدفعوا للخدم مرتباتهم ؛ و فى نفس الوقت قالت إنها سنة ١٩٦١ ؛ باعت خاتم عشان تدبر فلوس عملية القلب اللى هتعملها ؛ طب منين كل حاجه اتصادرت و كنتوا بتستلفوا ومنين كان معاكى خاتم بعد ٩ سنين من المصادرة ! ؛ هل حصل مثلا وقدرت تحتفظ بجزء من المجوهرات ؟ طب هل الخاتم ده كان هديه مثلا ؟ .. Error 🤔
٨- بصراحه اكتر حاجه وقفت عندها فى الكتاب هيا الصراحه المتناهية ... صراحه أوڤر دوز .... أه وربنا زمبؤلك كده ؛
أنا فى حاجات أتصدمت حرفيا وانا بقراها و تنحت وهبطت و دماغى لفت و خبطت كف على كف وبقيت مش عارفه هيا ليه النبيله ذكرت حاجات زى كده ....
مثلا ... 💁
• ذكرت إسم شخص ( ما ) من أفراد أسرتها إنه كان" .... " والحقيقه أنا استغربت جدا ايه فائده ذكر معلومه زى دى ؛ وهيا نفسها قالت إنها مشافتش ما يثبت ... يبقي ايه لازمتها المعلومه الخطيره دى ؟! 🤔
• قالت إن الملك كان معجب بأختها علويه ؛ وأنه فى سهره من السهرات كان بيستغل اى وقت النبيل عباس حليم ينشغل فيه ويعاكسها و ذكرت تفاصيل مش هقدر احكيها ( والنبي ليها حق فريده تخلع 😏 )
• من الحاجات اللى استغربتها جدا ؛ أن النبيله نيفين فى فرح الملك على فريده كانت طفله صغيره ومكملتش الفرح كله ومع ذلك ذكرت انها شافت أن الملكه فريده اتعرضت للى بيحصل فى الافراح الشعبيه ؛ لكن رغم أن النبيله كانت شابه فى فرح ناريمان إلا أنها مذكرتش إذا كان ده حصل لناريمان أو لا ... 🤨
• كلام كتير جدا جدا +18 عن الأمير اسماعيل حسن ؛ لا هقدر اقوله ولا احكيه ؛ وفى نفس الوقت بتقول أنه كان حب حياتها ؛ وحقيقي دماغى عملت Error ؛ ازاى بتحبيه وازاى كاتبه عنه الكلام ده 🤨
• بتهاجم الملك فاروق فى نهاية حكمه وبتعترف أن العيله اتصرفت غلط بأنهم يخرجوا الملك من اكتئاب ما بعد حادث فبراير بالحفلات ؛ وقالت إنه كان له رفيقه سوريه وأنه كان بيسهر فى كازينوهات و يلعب بوكر و يرقص مع الاميرات ويلعب معاهم لعبة الكراسي الموسيقية ؛ لكن فى نفس الوقت حملت فريده السبب فى انهياره وانهيار الاسره ( و كأن فريده كانت سوبر وومان هتحارب فى كل الجبهات ؛ فريده فاضلها تكه وتطلع من تربتها تقول ارحمونى 🥲 )
متى ترعرع فى وادينا كل هذه الصراحه 🙄
٩- النبيله نيفين كانت مولوده بثقب فى القلب فكانت محرومه من ممارسة أي رياضه و كانوا بيشيلوها يطلعوها السلم ؛ وعملت عمليه خطيره في القلب فى شبابها ؛ واهو ربنا أراد أن النبيله تكون حاليا اكبر أفراد أسرة محمد على سنا و تجاوز عمرها ال ٩٠ حاليا ؛ سبحان الله
و إلى اللقاء فى ريڤيوهات قادمه 🏃🏃🏃
ومتنسوش تاخدوا لفة فى التعليقات 🤷😃
ريڤيو كتاب الاميره نسل شاه 🤞
بناءا على طلب الجماهير الغفيره؛ قررت انى اعرض عليكم جزء من الألاطه التركى اللى فى الكتاب ؛ واهو برضه محبتش اخد الصدمه لوحدى ؛ قلت ناخدها جماعه احسن 😇
( فى البدايه كده هذا الريڤيو ساخر وهزلى وفرفوش ؛ لكن الكتاب عموما عظيم ومن اجمل الكتب التاريخيه اللى ممكن تقراها فى حياتك )
*********
نرجع بقي للألش 😂
• الكتاب ده عبارة عن جرعة أوڤر دوز من التناكه والألاطه ؛ كله بيتنك على كله ؛ مثلا وقت رحلة الملك فاروق فى أوروبا بعد وفاة والده ؛ حضر جنازة الملك جورج الخامس فى انجلترا ؛ و كانت كمان الاميره در الشهوار حاضره باعتبارها زوجة أمير حيدر أباد ؛ عرض عليها الأمير عمر فاروق اخوها أنها تاخد معاها بنته الاميره نسل شاه تعرفها على الملك فاروق وأنه اكيد لما يشوفها هينبهر بجمالها ويتجوزها ... ( واثق اوى من نفسه عمر فاروق 😂 وعاجبنى ثقته فى تأثير بناته وسحرهم 😁)
و الحقيقه ان در الشهوار طنشت اخوها و جاله رد من زوجها بيقوله ( هو انت مش عارف اختك يا عمر فاروق ؟ اختك متحبش حد يبقي احسن منها حتى لو بنت اخوها )
( عمتو الحربايه انتى 😇 )
و التويست الحلو فى الموضوع ده اللى مكنش الأمير عمر فاروق يعرفه ؛ أن الملك فاروق اصلا كان وقت الرحله عايش قصة حب مع الفريده ♥️🤞
• بتقول كمان أن اسمها كان مكتوب اول اسم فى قائمة أسماء العرايس اللى كانوا مرشحين للزواج من فاروق لكن الملكه نازلى شطبت على اسمها وقالت ( مش هاجوز ابنى لاميره تتنطط عليا ( لان نازلى مكنتش اميره ) ) ... والنبي ربنا نجدها نوسه 🙄
• بتحكى الاميره نسل شاه أنها بعد ما جت مصر كانت فى حفله هيا واختها الاميره هنزاده ؛ وبتقول أن الملك فاروق شافهم فى الحفله وقال لوالدته الملكه نازلى اللى كانت جنبه ( لو كنت أعرف أن فى بنات حلوين كده عندنا في مصر مكنتش اتجوزت فريده ) ... اللى هو وااات ذا هيل يعنى يا نسل شاه ؛ انتى كنتى حلوه اه انتى وأخواتك بس معلش فريده كانت قمرين 💁
• بتتكلم عن الأمير حسن طوسون ( امير الاسكندريه ) خطيبها بأنه كان قبيح و دميم ؛ وأنها مكنتش موافقه عليه ؛ وأنه كان مليان قروح وبثور ؛ والحقيقه أنا مش هارد على نسل شاه أنا هسيبكم انتوا تردوا عليها لما تشوفوا صورة الأمير فى الكومنتات على البوست 👇 ؛ وبالمناسبة الأمير حسن اتجوز بعد فسخ الخطوبه من النبيله فاطمه شيرين ودى من اجمل اميرات الاسره 👌
• بتقول الاميره أنهم لما جم مصر ؛ اضطر والدها الأمير يغير اسمه وميبقاش ( عمر فاروق ) ؛ عشان ميبقاش فى اتنين فاروق فى العيله واكتفي بس ب ( عمر ) ؛ و الاميره كانت شايفه اللى هو ازاى والدها يتنازل و يتعطف ويتكرم ويتنازل عن جزء من اسمه المركب ؛ كده مش بس وااات ذا هيل ... ده WTFFF 😁😂
• اتكلمت الاميره نسل شاه عن يوم فرحها على الأمير محمد عبد المنعم ؛ وقالت إنها لبست فستان والدتها الاميره رقيه صبيحه و الفرح كان فى قصر عم العريس الأمير محمد على توفيق ( قصر المنيل ) ؛ وشبكتها كانت قلادة الوالده باشا و حضر الفرح الملك فاروق و الملكه فريده ؛ لكن بتقول انها فضلت تعيط طول الفرح وأنه كان أسوأ يوم فى عمرها لأنها مكنتش موافقه على الأمير محمد عبد المنعم .. ( تقريبا كده كانت واخده تطعيم ضد البهجه 🥲😏 )
• بتقول الاميره نسل شاه أنها كانت متغاظه من الملك فاروق لما ربي دقنه وبقي يروح يصلي الجمعه و بقي يتردد كلام أنه هيعلن نفسه خليفة المسلمين الجديد ؛ و أنها وقتها اتنرفزت و زعقت وجعجعت لزوجها الأمير محمد عبد المنعم وقالت له : ( خليفة المسلمين لسه عايش وموجود و ده يبقي جدى ؛ وان لو الملك فاروق أعلن نفسه خليفه مش هقعد فى مصر ولا دقيقه ) ... ثانكس جاد يا جماعه أن الملك ماعلنش نفسه خليفه والا كنا مش عارفين مصر هتعمل ايه من غير الاميره نسل شاه 🙄 🤚
• كمان بتحكى الاميره نسل شاه أن الملك فاروق اختار يوم عيد ميلاده أنه يعلن فيه عن خطوبته على الانسه ناريمان صادق ؛ و يوميها كان فى دفترين للتهنئه ؛ واحد عشان عيد ميلاد الملك وواحد للخطوبه ؛ و انها كتبت تهنئه لعيد ميلاد الملك فقط و بعد كده راحلها التشريفاتى وقالها سموك نسيتى تكتبي تهنئه فى دفتر الخطوبه ؛ قالت له لا أنا منستش ؛ أنا قاصده كده فعلا 🙄
قالها التشريفاتى هتكون لفته جميله لو سموك روحتى لفيلا الانسه ناريمان تباركيلها زى باقي أفراد الأسرة ؛ هنا شاطت الاميره نسل شاه وراحت مشوحه بإيديها كده 😂 ؛ وقالت له : أنا حفيدة سلاطين العثمانيين ؛ ومش هروح ابارك لواحده من عامة الشعب فى بيتها ؛ هيا لسه مبقتش ملكه !! 🥱
طبعا نسل شاه ليها صوره وهى بتنحنى الانحناءه الملكيه اودام الملكه ناريمان يوم زفافها على الملك ؛ و ده يعلمنا ايه ياتري ؟! ....
"سيب اللى يتكلم يتكلم هيفضل الصبي صبي والمعلم معلم 🤚"
• اه بالمناسبه ؛ نسل شاه قالت إن نظام خان كان مسمى الاميره نيلوفر : Small ... والاميره در الشهوار : Big
وكان بيناديهم كده : Big ... Small ; Come Here
( اتعشم يعنى أن نسل شاه تحمد ربنا عالنعمه اللى كانت فيها 😆 ) .
• قالت كمان أن نظام خان كان عاوز الاميرات نيلوفر و در الشهوار يركبوا حلق فى مناخيرهم زى عادة الستات فى الهند ؛ وقالهم هديلكم وزنكم ذهب و فضه ؛ لكن والدة الاميره نيلوفر قالت لها لو عملتى كده لا انتى بنتى ولا اعرفك 💁
( بفكركم بس أن شبكة الاميره نسل شاه كانت قلادة الوالده باشا 😎 🤚)
• مكتوب فى الكتاب أن الاميره نسل شاه كانت بتحضر اجتماعات جمعية المرأه الحديثه ؛ بس الالاطه التركى نقحت لدرجه خلتها متقولش اسم رئيسة الجمعيه واللى هيا الاميره فائزه فؤاد 💁
• معروف أن العيله كانوا فى كل حفله بيعملوا بينهم وبين بعض زى استفتاء ؛ مين هتكون اجمل النهارده ؛ الاميره فوزيه فؤاد ولا الاميره نسل شاه ؛ و برغم كده الاميره نسل شاه مجبتش سيرة الاميره فوزيه فؤاد فى كتابها ؛ اه وربنا زمبؤلك كده 🙄
• بالمناسبه ؛ الاميره نسل شاه اللى كانت بتهدد زوجها أنها هتسيب مصر ؛ واللى كانت مش عاجباها فريده و مرضتش تبارك لناريمان و بتتنك على الملك فاروق ؛ لما قالت لأختها الاميره زهره هنزاده متتجوزيش الأمير محمد على ابراهيم ؛ اختها قالت لها : انا زهقت من ترقيع هدومى و شراباتى 🤷
( تشعر بالألاطه هى و إثنان أخرون 🥱)
#إيمان_الشرقاوى
ريفيو كتاب : Faces in a Mirror
• فى البداية المقصود باسم الكتاب هو الاميره اشرف بهلوى وأخوها التؤام الشاه محمد رضا بهلوى ؛ أنها كانت كل ما تبص فى المرايا بتشوفه و أنه كل ما كان بيبص فى المرايا بيشوفها .
• بعد ما قريت كتاب الاميره نسل شاه و انصدمت من كمية الالاطه التركى اللا متناهيه ؛ كنت متخيله انى مش هلاقي كتاب ينافسه فى الأڤوره لكن كتاب الاميره اشرف قدر و بجداره أنه يسحب البساط من تحت كتاب الاميره نسل شاه ؛ و طلعت من الالاطه التركى دخلت على النخع الايرانى .👌
• مثلا بتقول الاميره اشرف أنها لما زارت مصر مع الاميره فوزيه فؤاد أوائل الأربعينات اشتكت لها الملكه فريده من علاقة فاروق ب ناريمان صادق !!! 💁
اللى هو حضرتك ناريمان مواليد ١٩٣٣ يعنى ناريمان وقتها كانت ١٠ سنين ؛ و معروف هيا اتعرفت على الملك امتى وازاى وفين .....
• شوف حكمة ربنا يا مؤمن ؛ رغم أن على حد كلامها أنها كانت مقربه من الملكه فريده و بتحكيلها و تبعبع لها ؛ إلا أن الاميره اشرف بتقول أن الملك فاروق كان بيعشقها و ياما رقص معاها و دخلوا اوضة المكتب لوحدهم و أن الملك فاروق عرض عليها الجواز لكن قالتله لا يا لوكى ؛ فريده دى حبيبتشي حبيبتشي حبيبتشي ...... 🥱
• انبهرتوا .... ؟
طب خدوا الإنبهار اللى بعده ؛
الاميره اشرف قالت بالنص والحرف الواحد ؛ أن كل امراء الاسره العلويه كانوا بيموتوا فيها و عرضوا عليها الجواز لكن هيا كانت على نغمه واحده ؛ مخدوش يا بابا ؛ مخدوش يا بابا ؛ مخدوش يا بابا 🤚
الامراء دول اللى هما ؛ عمرو إبراهيم ؛ محمد عبد المنعم ؛ حسن حسن ؛ اسماعيل حسن ؛ محمد على ابراهيم ؛ عباس حليم .... وهلم جراااااا
• بتقول كمان أن الملك فاروق كان معارض جوازها من احمد شفيق وكان ساحب منه جواز السفر عشان ميسافرش إيران يتجوز الاميره اشرف لان طبعا الملك كان بيحبها زى ما قولنا أو بالأصح زى ما هيا قالت 🙄
• الاميره اشرف كلامها عن الاميره فوزيه كان قليل جدا ؛ وموضحتش علاقتها بيها كانت عامله ازاى ؛ ولا قالت اسباب الطلاق ؛ و كذلك عن الاميره ثريا و إن كانت لمحت أن علاقتها بيها كانت مش ولابد .
• برضه متكلمتش عن الاميره شهناز بهلوى أو اولاد الشاه ؛ محمد رضا و على رضا و فرحناز وليلي ؛ و مجابتش سيرة أخواتها الغير أشقاء تماماااا ؛ ده حتى اختها الاميره شمس اتكلمت عنها قليل جدا .
• اكبر فصل في الكتاب هو الفصل بتاع محمد مصدق ؛ و اللى وضحت فيه بشكل قاطع كرهها لمصدق وكره مصدق ليها ؛ و قالت بصراحه أن عودة اخوها للحكم كانت بعملية أجاكس .
• الاميره اشرف مقالتش اى عيب ولا هفوه ولا غلطه فى حكم والدها أو اخوها اطلاقا مطلقا ؛ وأنهم باختصار كانوا فله شمعه منوره .
• الكتاب اتكتب فى ١٩٨٠ ؛ يعنى بعد وفاة اخوها وابنها على طول ؛ يعنى المفروض أن الأحداث لسه طازه فى عقلها ملحقتش تنساها . وبالرغم أنها اتكلمت عن حياتها الشخصيه بشكل تفصيلي حبت مين وكرهت مين إلا أنها فى حاجات كتير تانيه كانت بتمر عليها مرور الكرام أو مبتجيبش سيرتها خالص ؛ زى مثلا حفلة بيرسيبوليس.
• و اخيراااا بعد ما قريت الكتاب و دخلت على الجود ريدز اكتب رأيي لقيت أن التعليقات هناك قايمه بالواجب و بيقولولها
: Princess Ashraf, your book is full of historical lies.
ف ملقتش احلى من صورة سونيا سليم دى للتعبير عن رأيي 😂
|
nickname | ||||||
 | ||||||
Min:  |
  :Sec | |||||
 |
.jpg)
