الأميرة فائزه فؤاد

 الأميرة الجميله فايزه فؤاد 👑🥀 

هى الوحيده فى أخواتها اللى كانت ملامحها مصريه ؛ مكنتش شقراء أو عيونها ملونه زى باقي أخواتها ( الملك فاروق و الأميرة فوزيه و الأميرة فائقه و الأميرة فتحيه ) 

كانت دايما فى صدام مع الملك فاروق بسبب سياساته فى إدارة المملكه ؛ وكانت بتكره الحاشيه اللى حواليه وكانت مسمياهم ( الأنتوراج ) 

صورت فيلم سينمائي فى قصرها ومن إخراج زوجها الأمير محمد على رؤوف إسمه ( Oil And Sand ) ؛ و الفيلم ده كان بيتكلم على حاكم بيحصل عليه إنقلاب و بيتشال من الحكم ( و ده كان قبل حركة يوليو وعزل الملك فاروق بشهور بسيطه ) ....؛ طبعا النيجاتيف بتاع الفيلم تم إتلافه و ماتبقاش منه غير مشاهد وصور بسيطه إتعمل عنها تقرير جميل مع عادل ثابت و النبيله نيفين حليم من الجامعه الامريكيه و إتسمى التقرير ( In Search of Oil And Sand ) ....

الأميرة كانت بتحتفظ بكميه مهوله من الدباديب وعرائس الأطفال فى قصرها ؛ لكن للاسف لم تتمكن من الإنجاب ؛ و سافرت إلى الخارج بعد إلغاء الملكيه فى ١٩٥٣ ؛ إتنقلت ما بين فرنسا و تركيا و إيطاليا و إنتهى بيها الحال فى أمريكا ؛ إتطلقت من زوجها ولم تتزوج بعده ( رغم أنها ارتبطت بعلاقات أوشكت على الزواج لكنها لم تتم ) وحتى ماتت فى لوس أنجلوس ١٩٩٤ ؛ و مقبرتها حتى الآن هناك ....

طبعا الحكايه فيها تفاصيل كتير اكتر من كده ؛ هنحكيها مع بعض قريب ❤️

Tweet