السلطانه خديجه

 السلطانه خديجه 👑

هى أكبر بنات السلطان مراد الخامس والبنت الوحيده  لزوجته شايان قادين ؛ وكان ترتيبها الثانى بعد اخوها الأمير محمد صلاح الدين .

إتولدت فى ٥ أبريل ١٨٧٥ ؛ بعد ميلادها بسنه و ٤ شهور تقريبا اتعزل والدها عن الحكم ( بحجة نقص في قدراته العقليه ) وتولى العرش بعده أخوه الغير شقيق السلطان عبد الحميد الثانى . وعاشت تحت الإقامة الجبرية مع اسرتها فى قصر شيراغان .

*********

أخواتها هما : 

١- الأمير محمد صلاح الدين ( ١٢ اغسطس ١٨٦١ - ٢٩ ابريل ١٩١٥ ) 

٢- السلطانه فهيمه ( ٢ اغسطس ١٨٧٥ - ١٥ سبتمبر ١٩٢٩ ) 

٣- السلطانه فاطمه ( ١٩ يونيو ١٨٧٩ - ٢٣ نوفمبر ١٩٣٠ ) 

٤- السلطانه عليه ( ٢٤ اغسطس ١٨٨٠ - ١٩ سبتمبر ١٩٠٣ ) 

***********

السلطانه خديجه كانت بتحب القراءه جدااا ؛ تقريبا من وهيا ١٠ سنين كانت بتقضي وقتها فى الاقامه الجبريه فى القراءه ؛ وكانت بتحب جدا الادب الفرنسي .

" Hatice Sultan was a bit too romantic by nature. She was so beautiful, that she could have been called "the star of the Princesses" of that day. She was sensitive, fiery, and exuberant woman " 

************

السلطانه خديجه كانت فى اقامه جبريه طول حياتها ؛ ممنوع تخرج بره القصر ، وفضلت كده من وهيا طفله لحد ما بقت شابه جميله ووصل سنها ٣٠ سنه دون زواج ؛ مكنش حد بيشوفها ولا حد يجرؤ يطلب إيدها من السلطان السابق اللى تم عزله من السلطان الحالى .

وهنا بعت والدها السلطان مراد الخامس رساله لأخوه السلطان عبد الحميد الثانى أنه من الواجب عليه أنه يلاقي ازواج لبناته والا يخرجهم من سجنهم فى القصر .

و السلطان عبد الحميد الثانى قرر أنه يجوز خديجه من شركس محمد باشا وهو مطلق و اكبر منها بكتير والأهم أنها مكنتش بتحبه ولا عاوزاه وكانت مجبره فقط عشان بس تطلع من السجن اللى عاشت فيه من وهيا طفله ؛ و اخد لقب ( محمد وصيف باشا ) ؛ و اتعمل فرحها هيا واختها السلطانه فهيمه فى ١٢ سبتمبر ١٩٠١ فى قصر يلديز ؛ و الزواج كان بدون أبناء .

************

قررت السلطانه خديجه الانتقام بطريقتها الخاصه من عمها السلطان عبد الحميد الثانى و اختارت أنها توجعه فى قلب بنته .

 و إرتبطت بقصة حب مع كمال الدين باشا زوج السلطانه نعيمه ... 

 و خديجه كمان هتطلب من كمال الدين أنه يقتل السلطانه نعيمه ( بنت عمها ) عشان يقدروا يتجوزوا هما الاتنين و ده كان فى ١٩٠٤ ؛ وكانوا بيكتبوا لبعض رسائل و بيستلموها من بعض فى حديقة القصر ؛ ومن حظهم أن الجوابات دى وقعت في ايد السلطان عبد الحميد الثانى ؛ واللى هيواجه كمال الدين بيها واللى بدوره هيعترف أنه مش بيحب السلطانه نعيمه وأنه يحب يعيش مع السلطانه خديجه .

و زيادة فى العك ؛ فالشخص اللى كشف جوابات و خطابات الغرام و الحب بين الاتنين للسلطان هو زوج السلطانه خديجه نفسه عشان ينتقم منهم هما الإتنين 🤷

وهيتم الطلاق بين كمال الدين و السلطانه نعيمه و هيتم نفيه ل بورصة وتجريده من رتبه العسكرية و إتطلقت السلطانه خديجه من زوجها ؛ ولما والدها السلطان مراد هيعرف بالقصه دى ( وهو كان مريض سكر ) هيموت بعدها بأيام .... 

طب هل السلطانه خديجه إتجوزت من كمال الدين باشا ؟ 

• الإجابة : لا 😀 

أما عن قصة السلطانه نعيمه فهتلاقوها هنا : 

https://m.facebook.com/story.php?story_fbid=10222899451249821&id=1083771090

************

السلطانه خديجه إتجوزت بعد كده من رؤوف خير الدين باشا فى ١١ مايو ١٩٠٩ ؛ و انجبوا ٣ اطفال : 

سلطان زاده عثمان ( إتولد ١٩١٠ وتوفي رضيعا فى ١٩١١ ) 

سلطان زاده خيري ( إتولد فى ١٢ يونيو ١٩١٢ ) 

سلمى هانم ( إتولدت فى ١٩١٤ ) 

وتم الطلاق بين الاتنين فى ١٩١٨ ....

**************

بعد نفي افراد الاسره خارج تركيا ؛ سافرت لبنان وعاشت هناك على نفقة شهريه هى و اولادها الاتنين كان بيبعتها زوجها السابق ؛ لكن بعد كده إتفصل من وظيفته و إتسجن فالنفقه توقفت .

*********

بعد زواج الاميره نيلوڤر و الاميره در الشهوار من أغنى رجال العالم ( أمراء حيدر اباد ) و تحسن الأحوال الماديه ليهم بشكل كبير ؛ فكرت السلطانه خديجه انها تشوف زوج غنى لبنتها ينقذها من حياة الفقر والبؤس .

وفعلا إتجوزت بنتها من سيد ساجد حسين على وهو أمير من الهند ؛ والجواز كان فى ١٩٣٧ . والعروس وقتها كانت ٢٣ سنه .

وفضلت السلطانه خديجه عايشه على النفقه الشهريه اللى كان بيبعتها زوج بنتها لحد ما ماتت بسبب جلطه فى القلب فى ١٢ مارس ١٩٣٨ وكان عندها وقتها ٦٧ سنه ؛ و إندفنت فى مسجد السلطان سليم فى سوريا .

وبعدها ب ٣ سنين ماتت بنتها سلمى هانم فى ١٩٤١ بعد ما تم طلاقها بعد معاناة من الحياة في الهند ؛ و بعد ما بقت ام لطفله هى كنزى مراد و اللى هتنشر قصة حياة والدتها في كتاب فى فرنسا فى١٩٨٣ واللى كان اسمه : De la part de la princesse morte .... واللى إترجم لحوالى ٣٣ لغه .

#إيمان_الشرقاوى

Tweet