نيفين عباس حليم ؛ أخر نبيلات مصر

 اول ما نشرنا خبر وفاة النبيلة نيفين حليم ، لاقينا احدى المتابعين للصفحة و هي الاستاذة إسراء الحلو بتحكى لنا عن مقابلة ليها مع النبيلة الراحلة سنة 2010🥀 

و قد تعرفت الاستاذة اسراء الحلو على النبيلة الراحلة عن طريق والدها الراحل السيد محمد الحلو الذي يمتلك محل للمفروشات و الديكور في جناكليس و كان مسؤول عن عمل تغيرات بسيطة في ديكور الداخلى للفيلا و كانت النبيلة الراحلة تقول لوالد الاستاذة اسراء الحلو : " انا عايزه تكون حاله الحاجه زي ما هي و لازم احافظ عليها لاننا هنتسأل عن أي تغيير يحدث حتي الشكل مينفعش تجدده لكن كانت بتغير طقم القماش و تغيرات بسيطة"

🔷طلبنا من الاستاذة اسراء الحلو انها توصف لينا المقابلة و و الفيلا و قالت لنا : 

🔹 "الفيلا في منطقة شدس في باب رئيسي بره بعدين مدخل جنينه كدا و بعدين سلمتين يدخلوكي لجوه الفيلا و الفيلا جواها باركيه كتير و سقفها عالي و مليانه صور قديمه و عفش كام قطعه زي انتريه و صالون و مقتنيات قديمه اوي للعيله بس مفيش مقتنيات كتيرة لان معظم الاثاث كان متاخد و النبيلة قالتلي " خدوا كل حاجة" ، اللي شفته معها في الفيلا شخصيه واحده و تقريبا عامل في الجنينه"

🔹"انا مشفتش النبيلة الا مره في حياتي و كان بميعاد لانها ما شاء الله منضبطه في مواعيدها جدا و متواضعة جدا و لما اتأخرنا عليها ١٠ دقايق اتصلت ب بابا و قالت له انت فين و انتظرت علي الباب الداخلي للفيلا و استقبلتنا و كانت اطلالتها بسيطه بنطلون قماش و تيشرت اسود كانت سيمبل جدا و مش حاطة ميكب و اتكلمت معاها اني معجبه بتاريخ العيله من زمان و اتبسطت من صغر سني وقتها اني اعرف معلومات عن العيله و عرفت انها مش بتيجي مصر الا علي فترات فقط بتيجي و بتروح سويسرا تاني و عرفت ان ليها اخ و اخت و وريتني لهم صور و هما صغيرين و ما شاء الله شكلهم جميل"

Tweet