الملكيه و السحر

 

إسمع يا سيدى .... 🎤💁

أسرة محمد على كان فى منهم أفراد كتير بيعتقدوا بالأسحار و الدجل أو قراءة الطالع ؛

الملكه فريده مثلا كانت بتعتقد بالسحر ؛ و ذكرت لصديقتها د لوتس عبد الكريم أن الملكه نازلى دبرت لها سحر عشان تخسر زوجها و تتحرم من تاجها وتتحرم من بناتها وتتحرم من فلوسها و تتحرم من صحتها .

الملك فاروق مثلا ؛ قابل عرافه فى المنتزه وقالتله هيظهر ظابط من العدم هياخد منك عرشك الصبح بدري و هيقتلك الصبح بدري .

وفعلا حدثت حركة ١٩٥٢ بالصباح الباكر ؛ و توفي الملك فاروق صباحا أيضا .

الملك فؤاد نفسه قابل برضه عرافه بشرته أنه هيفضل فى العرش محدش هيشيله لا بعزل ولا بنفى ؛ بس طلبت منه شرط تكون كل ذريته بحرف ال ( ف )  ؛ وفعلا الملك فؤاد بيخلف ( فوقيه ؛ فاروق ؛ فوزيه ؛ فائزه ؛ فائقه ؛ فتحيه )

والابن الوحيد بحرف ال ( أ ) توفي رضيعا وهو إسماعيل

غير طبعا حكاية عم إدريس ( جناينى الأمير فؤاد ) و اللى قال للأمير فؤاد أنه شافه فى الحلم على عرش مصر ؛ ووقتها كان السلطان حسين كامل هو سلطان مصر و المفروض ابنه هو اللى يحكم بعده وهو الأمير كمال الدين حسين ؛ لكنه بيرفض العرش وبيتنازل عنه و بيروح خط العرش لأبناء الخديوى اسماعيل ؛ واللى أساسا مكنش فؤاد اكبر الأبناء الموجودين ؛ كان في الأكبر منه ؛ لكن تم تزكية فؤاد من قبل الإنجليز ( على أساس أنه شاب مستهتر هيقدروا يسيطروا عليه ؛ لكن فى الحقيقه حصل العكس 🙃 ) .

المهم ؛

الأمير فؤاد لما سمع الحلم من عم إدريس ؛ قاله لو حلمك إتحقق هحط صورتك على الجنيه ؛ وقد كان ... 😄

#إفتحوا_الصور

#معلومه .

#إيمان

Tweet