.png "English"){kind=small}
جزء من حوار عمرو أديب مع النبيله نيفين عباس حليم: 👑
_ إيه رأيك بخصوص مسلسل الملك فاروق اللى اتعرض مؤخرا ؟
• المسلسل كان قريب من الحقيقه ؛ وانا معرفش الملك كويس اوى لانى كنت صغيره وقتها ؛ ومرات قليله اللى اتكلمت فيها معاه ؛ فى مره كان موجود وقالولى روحى اتكلمى مع الملك عشان هو عاوز يسمع الألمانى ؛ و روحت اتكلمت وكنت خايفة جدا ومقدرتش انطق كلمه واحده .
*******
_ كلمينا عن والدك النبيل عباس حليم وعلاقته بالملك فاروق؟
• والدى النبيل عباس حليم كان رئيس اتحادات كتيره وهو كان من نسل حليم باشا أما والدتى فهى من نسل الخديوى اسماعيل ؛ وعلاقة والدى بالملك كانت فى البدايه كويسه ؛ وبعد شوية العلاقات باظت.
بعد الحرب العالمية الثانية بكتير والدى كان رئيس نادى السيارات وكان دايما يقولى الملك بيعمل اكتر ويفيد البلد لكن الاحتكاك كان قليل ؛ وفى الاحتفال ب ١٠٠ سنه على محمد على باشا ارسل والدى مندوب عنه ولم يحضر .
*********
_ هل الإنجليز كانوا فعلا عاوزين والدك يبقي الملك ؟
• فاروق كان بيحب الألمان وكذلك معظم أفراد الأسرة
**********
_ يعنى إيه Princess ؟
• إن الواحده تكون مؤدبه جدا ؛ ومع كل واحد فوق وتحت ؛ والدى ووالدتى كانوا بيقولولى اوعى تتكلمى وحش مع حد ؛ ودايما تقولى merci ومن فضلك ومفيش شتيمه ؛ وتعتبر تربية الاميرات صعبه جدا .
*********
_مين اللى كان بيعلمك الاتيكيت ؟
• والدتى و جدتى والدة والدى ؛ جدتى والدة والدتى توفيت لما كانت والدتى ١٠ سنين .
*********
_ كنتوا بتروحوا المدرسه ؟
• روحنا المدرسه بعد الحرب ؛ وقبل كده كان المدرسيين بيبجوا البيت وكل الدروس بالألمانى والفرنساوى .
*********
_ والدك كان نبيل ؛ فالناس بتتخيل إن كان معاكم فلوس كتير ؟
• والدى مكنش معاه فلوس ومعرفش ليه ؛ والدتى كان معاها شوية فلوس لأنها بنت مدحت باشا يكن مؤسس فكرة بنك مصر مع طلعت حرب .
**********
_ والدك كان امير ولكنه فى نفس الوقت كان نصير العمال ؟
• فعلا والدى كان بيحب الفقراء ويدى لغاية اخر قرش معاه للفقراء ؛ ولما كتب مقال فى جورنال عن الفقراء الملك فؤاد زعل منه و سحب منه لقبه وحطه فى السجن ؛ رغم أن مفيش عندنا قانون بيقول أن ممنوع حد من العيله يشتغل فى السياسه ؛ وهو بس كان عاوز العمال ياخدوا حقوقهم ؛ ولما كان بيحصل مواجهه بين العمال والبوليس كانوا بيبجوا يداروا فى الجنينه عندنا .
***********
_اوصفي لى القصر من خدم وحشم ؟
• فى القصر بتاعنا كان الطباخ مهم جدا ؛ وفيه المارميتون اللى بيساعد الطباخ ؛ والحارس والجناينى و ٢ شوفير ؛ ومكوجى قاعد فى البيت وراح مع جدى باريس مره .
*********
_ناس كتير قالت إن الملك كان بيشرب خمره ؟
• عمرى ما شفته بيشرب خمور ؛ شوفته في الاوبرج و اسكارابيه فى وسط البلد ومكنش بيشرب ولا كان بصحبته نساء من بره الاسره .
#إيمان_الشرقاوى
:Sec
.jpg)
0 اكتب تعليقك قبل ما تمشي:
إرسال تعليق