الأميرة توحيدة إسماعيل

 الأميره توحيدة إسماعيل 👑💜

**********

هى بنت إسماعيل إبن إبراهيم إبن محمد على ؛ إتولدت سنة ١٨٥٠ فى القاهرة ؛ والدتها هي شهرزت فزا هانم وهى كانت أول زوجه للامير اسماعيل قبل ما يبقي الخديوى ؛ و توحيده هى اكبر بناتها ( يعنى لو توحيدة كانت ذكر كانت هتبقي ولى العهد) ؛ خلفت كمان الاميره فاطمه اسماعيل واللى إتولدت فى ١٨٥٣ بعد توحيده ب ٣ سنين ؛ وماتت فى ١٩٢٠ ؛ وطبعا الاميره فاطمه اسماعيل صاحبة الفضل فى إنشاء جامعة القاهرة.

تولى الخديوى الحكم بسبب حادثة قطار كفر الزيات المشهورة فى ١٨٦٣ ؛ وبقت الاميره توحيده ابنة خديوى مصر وهى بعمر ١٣ سنة .

وفى نفس السنه زار السلطان العثماني عبد العزيز مصر ؛ ‏

 ‏والخديوى اسماعيل والسلطان عبد العزيز ولاد خاله ؛ لان والدة الخديوى اسماعيل تبقي هوشيار قادين وهى اخت برتڤينيال قادين والدة السلطان عبد العزيز.

طبعا الاميره توحيده تبقي اخت الخديوى توفيق و السلطان حسين كامل و الملك فؤاد ... يعنى تبقي عمة الملك فاروق 🙂

********

كانت الاميره توحيدة ممشوقة القوام ؛ مع شعر بنى طويل وكانت بتزين ضفيرتها بمجموعة من المجوهرات على طريقة نجوم سي سي ؛ وكمان كانت عيونها خضراء تميل إلى الازرق ؛ متوسطة الطول ؛ مع ذكاء حاد و سحر وكاريزما وكانت مبذرة جدا و مدللة تماما .

كانت بتحب القراءة وخاصة الشعر التركي ؛ وكانت عاملة نوته بتكتب فيها اكتر ابيات بتعجبها . وكمان كانت بتكتب شعر هيا واختها الاميره فاطمه و تديهم لمنصور يكن باشا للتقييم .

***********

 لما كان عمرها ١٦ سنة وفى ١٨٦٦ سافرت تقضي الصيف فى اسطنبول ؛ و فى يوم ٤ يونيو شافها السلطان العثماني عبد العزيز فى حفلة ؛ ولاحظت والدته برتڤينيال قادين اهتمامه بالاميرة و سألته : 

 ‏

" عيناك تبتسمان يا أسدي. كيف وجدت الاميره توحيده يا عزيزى؟ و لا تخفي شيئا على والدتك "

= "لك الحق يا أمي. ابنة اسماعيل باشا ؛ جميلة ولائقة حقا .."

وقع السلطان فى حب الأميرة الجميلة و طلب أيدها وهيا كانت موافقه وبدأ تجهيز كل شئ ؛ رغم أن الفرق بينهم كان ٢٠ سنه .

 لكن الصدر الأعظم محمد فؤاد باشا تدخل لمنع الزواج ؛ عشان ميبقاش السلطان العثماني خاضع للخديوى اسماعيل بزواجه من بنته ؛ وعشان ميبقاش فى يوم من الايام حفيد الخديوى اسماعيل حاكم الإمبراطورية العثمانية.

كتب الوزير الأول اعتراضه على ورقه صغيره هتلاقوها فى الصور و سلمها لرئيس غرفة السلطان ؛ ومن هنا الموضوع انتشر في القصر و ابتدت النميمه على السلطان ؛ حس السلطان بالإهانة و تم عزل الصدر الأعظم من وظيفته و إلغاء مشروع الزواج من الاميره توحيده وبيقال أن السلطان دخل لوالدته وبكى على أنه اتحرم من البنت اللى حبها.

كمان الاميره توحيده اتصدمت ؛ و رجعت مصر وكان العرسان خايفين يتقدموا لواحده السلطان العثماني كان عاوز يتجوزها احسن يتعرضوا للأذى .

***********

بعد ٣ سنين من قصة الزواج الذى لم يتم ؛ أصرت الاميره على الزواج من قريبها منصور يكن باشا اللى كانت بتديله الشعر اللى بتكتبه للتقييم .

  رجل "العبارات المبهرة" زى ما قالت عنه النبيله نيفين حليم فى مذكراتها .

 لم يكن لدى الخديوي أي شيء ضد منصور باشا لكن شاف أنهم مش مناسبين لبعض عشان فرق السن بينهم كان ١٣ سنه ...

الغريب أن فرق السن بينها وبين السلطان عبد العزيز كان ٢٠ سنه وكانوا موافقين عادى ... ! 

 ‏*******

 ‏

فى أبريل ١٨٦٩ ؛ لما كملت الاميره ١٩ سنه ؛ تزوجت من يحيي منصور احمد شكري يكن باشا ؛ وكان الفرح فى قصر عابدين واللى أحياه فنانين كتير منهم عبده الحامولى و القفطنجى ؛ وكمان كان فى فنان من تركيا اسمه محمد شكري وقدم فقرة الساحر ؛ وكان فى اوركسترا من فرنسا .

بحسب العادات والتقاليد فى الوقت ده ؛ مخرجتش توحيده من بيت الزوجيه لمدة ٧ ايام ؛ وفى اليوم الثامن زارت أسرتها فى قصر عابدين ؛ وكانت بتقول انها سعيدة ومبسوطه للكل ؛ لكن هيا بينها وبين جشم أفت هانم بكت و قالت لها أنها مش سعيدة ؛ وأنها كانت غلطانه بإصرارها على الزواج منه وإن والدها كان عنده حق .

***********

اختارت توحيدة أنها تكمل فى الزواج لكن بيقال أنها بقت عصبية ومتقلبة المزاج و خلفت من زوجها ٤ أبناء ؛ 

ولد واحد هو محمد شفيق وتوفي فى عمر صغير ؛ 

و ٣ بنات هما : 

سنية ؛ 

إتولدت فى ١٨٧٠ واتوفت فى ١٩٣٤ ؛ واتجوزت الأمير محمد اسماعيل داوود ؛ وخلفت منه : ( النبيل اسماعيل محمد داوود ؛ النبيل منصور محمد داوود ؛ النبيل سعيد محمد داوود ؛ النبيل سليمان محمد داوود ) 

 بهيه ؛ 

 ‏اتجوزت من عبد العزيز عزت باشا ؛ وخلفت منه : ( محمد ؛ عائشه ؛ خديجه ؛ بسمه ؛ نعيمه ؛ نازلى ؛ عبد العزيز ) 

 ‏

 ‏وحيدة ؛ 

 ‏( تزوجت من أحمد مدحت على حيدر يكن وانجبت طفلة واحده هيا توحيدة يكن واللى هتتجوز بعد كده النبيل عباس حليم) 

********** 

★ السلطان عبد العزيز مات فى ١٨٧٦ فى حادث انتhار بيقال أنه كان قtل تم اظهاره على أنه انتhار . وتولى بعده أخوه السلطان مراد الخامس ؛ واللى برضه تم عزله بعد ما تم اتهامه بالجنون و أطلق عليه لقب ( مراد المجنون ) ؛ عشان يحكم بعده السلطان عبد الحميد الثاني.

★ تم عزل الخديوى اسماعيل بعد وفاة السلطان عبد العزيز ب ٣ سنين فى ١٨٧٩ ؛ واضطر بعدها أنه يعيش في المنفي فى تركيا .

★ يمكن الاميره توحيده مقدرتش تستحمل خسارة حب حياتها و خسارة التاج وزواجها التعيس ؛ وكان ده سبب وفاتها المفاجئة فى عز شبابها فى ١٨٨٨ ؛ وكان عمرها 

 وقتها ٣٨ سنه ؛ وكانت والدتها لسه على قيد الحياة وماتت بعدها بسنتين فى ١٨٩٠ ؛ وكان والدها الخديوى لسه على قيد الحياة و مات بعدها ب ٧ سنين فى ١٨٩٥. 

★ بعد وفاة الأميرة توحيده ، سدد زوجها كل ديونها ؛ و حبس نفسه فى اوضته لمدة ٧ سنين ؛ ومات فى ٣ يناير ١٩١٣ ..

( الاميره توحيده كانت بنت الخديوى اسماعيل واخت الخديوى توفيق و عمة الخديوى عباس حلمي الثاني وكانت مديونة لأنها كانت اولا مبذرة بحسب ما قيل عنها ؛ و بسبب أن أبناء الخديوى اسماعيل و زوجاته سددوا من ممتلكاتهم الخاصه وأموالهم الديون اللى اخدها والدهم الخديوى واختها الاميره فاطمه كانت باعت مجوهراتها و اتبرعت بأرضها لجامعة القاهرة )

#إيمان_الشرقاوى 

Tweet