النبيله نيفين عباس حليم

 النبيله نيفين عباس حليم 👑💗

إتولدت فى ٣٠ يونيو ١٩٣٠ ؛ ( حاليا عندها ٩١ سنه ) ؛ هى إبنة النبيل عباس حليم و توحيده هانم يكن ؛ 

كانت هى أكبر أخواتها ( علويه ألفت ( أوليفيا ) ؛ محمد على ) 

وكمان كان عندها أخ غير شقيق اكبر منها هو إسماعيل عاصم ( توتس ) و ده كان اخوها من والدتها .

النبيله لما كانت طفله إكتشفوا أن عندها ثقب في القلب لدرجة أنها عشان تطلع سلالم القصر كان لازم حد يشيلها ؛ وطبعا كان ممنوع عنها ممارسة الألعاب الرياضيه اللى بتحتاج مجهود .

النبيله كانت عضوه في شلة الزهريه ؛ و اللى هما كانوا مجموعه من الأفراد الاصدقاء بيتجمعوا فى قصر الزهريه ( قصر الأميرة فائزه ) ؛ وظهرت النبيله نيفين فى فيلم Oil And Sand .

تزوجت النبيله من " صلاح عرابي " وهو أيضا ظهر فى نفس الفيلم ؛ وتم الانفصال دون إنجاب ؛ ولم تتزوج بعده .

عاشت النبيله بعد إلغاء الملكيه مابين مصر و اوروبا ؛ ومعظم الخدم اللى كانوا عندهم رفضوا تماما أنهم يتخلوا عنهم ؛ لدرجة أن النبيله نيفين حليم ذكرت في مذكراتها اللى نشرتها سنة ٢٠١٠ أنهم وصل بيهم الحال أنهم إستلفوا فلوس من إبن السائق الخاص بوالدها واللى كان إسمه ( سامبو ) .

النبيله كانت على علاقة صداقه من الاميره فائزه فؤاد و زوجها الأمير محمد على رؤوف ؛ وكمان الاميره فريال فاروق و كانت بتزور الاميره فوزيه فؤاد فى ڤيلا سموحه ؛وكمان حضرت النبيله نيفين جنازة الملك فاروق فى إيطاليا .

و النبيله نيفين " زى معظم أفراد الأسرة العلويه " ؛ كانت شايفه أن الملك فاروق كان جيد فى بداية حكمه لكن فى أواخر سنوات حكمه كان سئ بشكل صارخ .

أعتقد "بعد وفاة الاميره فوزيه فؤاد"؛ إن النبيله نيفين هى أكبر أفراد الأسرة العلويه سنا الآن ....

وهى حاليا بتقضي وقتها بالقراءه وعندها مكتبه فى حوالى ٣ آلاف كتاب .

وده ريڤيو كتبته عن مذكرات النبيله نيفين عباس حليم : 

https://www.facebook.com/1083771090/posts/10221774049795488/

و ده مقال عن النبيله علويه ألفت عباس حليم : 

https://m.facebook.com/story.php?story_fbid=10220075229526043&id=1083771090

Tweet