Royal Story: حريم السلطان سليمان

حريم السلطان سليمان : 👑

اكيد كلنا سمعنا عن مسلسل ( حريم السلطان ) واللى بالمناسبه ده مش اسمه الحقيقي ؛ لان اسمه Muhteşem yüzyıl أو ( القرن العظيم ) ؛

فى بداية تتر المسلسل مكتوب أن المسلسل مبنى على أحداث وشخصيات حقيقيه ؛ يعنى بالاختصار مش كل اللى فى المسلسل حقيقي ولا كله غير حقيقي ...

يعنى الحقيقه ان فى سلطان فعلا اسمه سليمان القانوني هو صاحب أطول فترة حكم فى تاريخ آل عثمان ؛ استلم الحكم وهو ٢٦ و حكم لمدة ٤٦ سنه تقريبا ؛ واتجوز اكتر من واحده و خلف و ق-تل وزيرة الاعظم وصهره ابراهيم باشا و ق-تل ابنه الأمير مصطفي وبعد وفاته عن عمر ٧٢ سنه تقريبا؛ ابنه سليم هو اللى تولى العرش .

وشخصيات بالى بيك و خضر الدين بربروس و غيرهم من الباشاوات حقيقية

لكن الاميره ايزابيلا مثلا مخطفهاش السلطان سليمان كرهينة ؛ ولا كان فى حكاية بين ليو و السلطانه هورم ؛ ولا كان فى صادقه ولا فيروزه ولا هيلينا وحاجات من دى كتير ؛ دى كانت مجرد حاجات محطوطه كتوابل للمسلسل .

و مين قال إن ابراهيم باشا ( الرجل الثانى فى الدوله ) و باشوات كتير بيسهروا فى الخمارات و بيوت ال##*& ؟؟

المكايد بين السلطانه هرم وماهيدفران بكل تفاصيلها وبكل الجواري و الاغوات ؛ ملهاش اى سند تاريخى ؛ يعنى من خيال المؤلف .

********

زوجات السلطان:

١- السلطانه هورم ( هويام )

ودى كانت جاريه من اوكرانيا اسمها الكسندرا ؛ وهيا اللى كان بيحبها السلطان وخلفت ٦ أبناء و كانت زوجه شرعيه وماتت حوالى ٥٨ سنه فى حياة السلطان واندفنت فى السليمانية .

٢- ماهيد ڤران ( ناهد دوران )

اسمها الحقيقي كان جولبهار ؛ بيقال أنها كانت محظيه من البانيا ؛ كانت أم ولى العهد الأمير مصطفى ؛ ماتت حوالى٨٦ سنه واندفنت جنب ابنها .

٣- فولانة خاتون

جارية غير معروف عنها كتير ؛ انجبت الاميره فاطمه نور

٤- جولفام خاتون ( ألفت )

انجبت الامير مراد لكن توفي صغيرا ؛ بعض المؤرخين بيقولوا أن تم قت-لها على يد السلطان سليمان .

*********

طب تعالوا نشوف أبناء السلطان سليمان:

١- الأمير محمود ( وغالبا مات صغيرا )

٢- الأمير مصطفي ( مات ٣٨ سنه بقرار من والده بإعدامه )

٣- الاميره راضيه ( ودى حكايتها فى اخر المقال 🙂 )

٤- الأمير مراد ( مات صغير برضه )

٥- الأمير محمد ( مات حوالى ٢١ سنه )

٦- الأميره مهرماه ( مريم فى المسلسل وماتت ٥٥ سنه واندفنت جنب والدها ووالدتها )

٧- الأمير عبد الله ( بيقال أنه تؤام مهرماه ومات صغير وهو عنده ٣ سنين بسبب الجدري )

٨- الأمير سليم ( السلطان فيما بعد؛ ومات وعنده ٥٠ سنه )

٩- الأمير بيازيد ( مات ٣٤ سنه هو و ولاده الصبيان ال٧ بقرار من والده )

١٠- الأمير جيهانجير ( إتولد بعيب خلقي ومات ٢١ سنه من حزنه على اخوه الأمير مصطفى)

١١- الاميره فاطمه نور ( بيقال أنها ماتت وهيا عندها سنتين )

١٢- الأمير أحمد ( معنديش معلومات عنه )

**********

نرجع للاميره راضيه :

فى ٣ آراء عن حياتها ؛ تعالوا نشوفهم سوا ؛

١- أنها بنت السلطانه ماهيدفران ؛ واتجوزت من الشاعر يحيى تشاليجالى واللى كان صديق مقرب لاخوها الأمير مصطفى. وماتت ٤٥ سنه بدون إنجاب ؛ واندفنت بجوار زوجها .

٢- أنها بنت السلطان سليمان من محظيه غير معروفه ؛ وأنها ماتت طفله صغيره بسبب مرض الجدري

٣- أنها بنت السلطانه ماهيد ڤران ؛ وماتت ٣١ سنه بعد حزنها ومرضها على وفاة اخوها الأمير مصطفى ؛ واتبرعت بكل ممتلكاتها للفقراء .

********

المسلسل كان تجسيد لقصة تم نشرها في تركيا وكتبت السيناريو ميرال أوكاى وهى ممثله ومنتجه وسيناريست وماتت فى ٢٠١٢ ؛ لكن مع اضافه توابل وبهارات كتيرة جدا عشان يبقي مسلسل من ٤ اجزاء اشترك فيه مئات الممثلين الاتراك.

وواجه المسلسل انتقادات من الجمهور، وتظاهر عدد كبير من الأتراك أودام مبنى قناة " شو تي في " وحدفوها بالبيض الفاسد وقطعوا إعلانات المسلسل ؛ و حتى أردوغان نفسه قال :

«ليس لدينا أجداد مثلما يجري تصويرهم في المسلسل»

ومع ذلك ؛ المسلسل نجح جدا و تمت دبلجته وترجمته للعرض فى حوالى ٤٥ دوله مختلفه.

********

مسجد الاميره مهرماه:

https://m.facebook.com/story.php?story_fbid=1029853427052885&id=112522095452694

مقبرة السلطانه هوررم :

https://m.facebook.com/story.php?story_fbid=2579330405438505&id=112522095452694

ثروة الاميره مهرماه و زوجها رستم باشا:

https://m.facebook.com/royalstory.page/photos/a.148069095231327/544397505598482/?type=3

معلومات عن الاميره مهرماه :

https://m.facebook.com/royalstory.page/photos/a.148069095231327/551565108215055/?type=3

الأمير مصطفى: