الملك فاروق والخديو عباس حلمي الثاني

 حدوتة ١٩ 

الملك فاروق و الخديوى عباس حلمي الثاني : 👑

حياتهم الاتنين كان فيها تشابهات كتيره تعالوا نشوفها سوا : 

*********

الخديوى عباس حلمي الثاني هو آخر خديوى من أسرة على 

والملك فاروق هو آخر ملك ( حاكم ) من أسرة محمد على .

********

الاتنين يبقي جدهم المباشر هو الخديوى إسماعيل؛. لان الملك فاروق ابن الملك فؤاد ابن الخديوى اسماعيل 

و الخديوى عباس حلمي الثاني ابن الخديوى توفيق ابن الخديوى اسماعيل .

*********

الاتنين مسكوا الحكم فى سن صغير بعد وفاة الأب وقت دراستهم بالخارج ؛ الملك فاروق والده الملك فؤاد مات وهو ١٦ سنه وهو بيدرس فى انجلترا

والخديوى عباس والده الخديوى توفيق مات وهو ١٨ سنه وهو بيدرس فى سويسرا

*******

الاتنين تزوجوا مرتين فى حياتهم و المرتين انتهوا بالطلاق : 

الخديوى عباس حلمي تزوج من إقبال هانم و انجب منها أولاده كلهم و طلقها ولم تتزوج بعده و اتجوز من ( جويدان ) وهى كونتيسه نمساويه من خارج الاسره العلويه طبعا و تزوجها لمدة ٣ سنين وبعدين تم الطلاق .

الملك فاروق تزوج من الملكه فريده و طلقها ولم تتزوج بعده و اتجوز من الملكه ناريمان وهى من خارج الاسره العلويه و تزوجها لمدة ٣ سنين وبعدين تم الطلاق .

*********

سواء الملك فاروق أو الخديوى عباس حلمي الثاني كان بيشاع عنهم الاتنين أن لهم علاقات عاطفيه .

********

الملك فاروق تعرض لمحاولة اغتيال فى حادثة عربيه فى القصاصين ؛ و الخديوى عباس حلمي الثاني تعرض لمحاولة اغتيال بالرصاص في تركيا .

************

فى عهد الخديوى عباس حلمي الثاني حصلت الحرب العالمية الأولى ؛ وفى عهد الملك فاروق حصلت الحرب العالمية الثانية .

***********

الملك فاروق و الخديوى عباس حلمي الثاني الاتنين كانوا بيكرهوا الإنجليز و مكروهين من الإنجليز .

********

الخديوى عباس حلمي الثاني حصلت في عهدة حادثة بسبب الانجليز مشهوره هيا حادثة دنشواى ؛ والملك فاروق حصل في عهده حادث ٤ فبراير .

**********

الاتنين مكنش عندهم غير ابن واحد ولى للعهد ؛ الملك فاروق كان عنده ابنه الملك أحمد فؤاد الثانى ؛ و الخديوى عباس حلمي الثاني كان عنده ابنه الأمير محمد عبد المنعم ( طبعا بعد وفاة ابنة الأمير عبد القادر ) 

**********

الاتنين انتهى حكمهم بالعزل ؛ تم عزل الخديوى عباس حلمي الثاني عن الحكم وإجباره على الرحيل من مصر للمنفي من خلال الباخره محروسه .

وتم عزل الملك فاروق عن الحكم وإجباره على الرحيل من مصر للمنفي من خلال الباخره محروسه .

**********

الاتنين مرجعوش مصر تانى بعد المنفي وماتوا فى الخارج ؛ وبعد كده تم نقل جثمانهم للدفن فى مصر ؛ و الخديوى عباس حلمي الثاني تم دفنه بجوار والده الخديوى توفيق ؛ و الملك فاروق تم دفنه بجوار والده الملك فؤاد .

ووفاة الخديوى عباس حلمي الثاني كانت في عهد الملك فاروق .... 👑

#حواديت_إيمان

Tweet