Devotion

 #ريڤيو جديد 🥳

• كتاب Devotion ومعناه: الولاء أو الإخلاص 

وهو عبارة عن مذكرات مهرداد بهلبود زوج أخت الشاه محمد رضا بهلوي ( حاجة كده زي فيلم بنت اخت كليوباترا 😁 ).

********

تعالوا نشوف إيه حكاية الإخلاص مع مهرداد 👇

• الكتاب عبارة عن ١٩ فصل و اول فصل فيهم بيتكلم عن أسرته؛  حسنية وزيري طبار اللي اتجوزت نصر الله مانبيشيان وخلفوا إبنهم الثاني ( عزت الله ) ..

وقبل ما تسألوا مين دول وإيه علاقتهم بأسرته هقولكم إن دول مامته و باباه؛ و عزت الله هو نفسه مهرداد 🤷

طب جت إزاي دي ؟ 

هقولكم ...

مرة الأميرة شمس سألت عزت الله لو بيحب اسمه فقالها لا  مش بحبه لأن عزت هو اسم يليق اكتر لبنت مش ولد فقالت له ايه رأيك تغيره ؟ فوافق على طول وقرر يختار لنفسه اسم جديد ..

اختار ( بهلبود ) لانه قريب من لقب ( بهلوي ) 

واختار ( مهرداد ) وهو إله الحقيقه في المجوسية الزرادشتية

وبقى اسمه مهرداد بهلبود.. 

يعني بداية الإخلاص بالصلاة على النبي بتغيير اسمه واسم عيلته 👍.. عاش 👏👏

وبالمناسبة اللي شايف أن اسم عزت اسم بنت ؛ كان له اخت اسمها أشرف واخت تانية اسمها أنور و اخ اسمه نعمت و الاخ الاكبر كان اسمه غريب جداً 🤨 اسمه فتح الله 😃🤷

********

• بيقول أن رضا بهلوي هو اللي خلى إيران بتنافس الدول المتقدمة بعد ما كانت في عصور الجهل والظلام واتكلم عن إنجازاته في إيران بإستفاضة وقارن بين حال إيران في عهد وفي العصور السابقة .

و إن على حسب كلامه عهد الشاه حلو وبسمسم لكن العهد اللي قبله كان تو ماتش إخيه والعهد اللي بعده تو ماتش يع ؛ وطبعا اعترف أن عودة الشاه للحكم على حساب مصدق كانت بعملية اسمها أجاكس ( أنظر جوجل 🙂)

وإن محمد رضا بهلوي كان طويل العمر يطول عمره وينصره على مين يعاديه هاااي هيييه 🤚

******

• بيقول عن تاج الملوك:

 ‏small, delicate lady with blond hair and green eyes, the daughter of Brigadier General Teymur Khan Ayramloo. Yes, she was small in size, but forceful in personality, determination and will. At a time when women submitted completely to male authority, the Queen felt comfortable telling the Shah if she disagreed with his decisions, and/or rebuffing him.

 ‏

*******

• تلت أربع الكتاب حرفيا بيتغزل في شمس الشموس يا شموسة؛ يعني مثلا بيقول عن لقائه الأول بيها: 

"She was beautiful, radiant, glowing, resplendent, and so many other words that describe beauty and perfection.Cleopatra had nothing on Princess Shams. She was beautifully dressed and her makeup was flawless."

وزي مانتوا شايفين كده.. بيقول أن كليوباترا متجيش جنبها حاجه 😀؛ و أحب أنوه إن بنتنا الأميرة فوزية فؤاد برمش واحد منها كانت مغطية عليهم نفر نفر..

واظن إن كليوباترا هتطلع من تربتها تنت.حر تاني بعد اللي بيحصلها ده 😏

*******

• بيحكي عن خلاف حصل مره بينه وبين الأميرة شمس وقرر ساعتها أنه يتسلق جبل ويقعد لوحده فيه ؛ 

 ‏بمنطق İ will show her !  

على اساس انها دلوقتي بتدور عليه ومش لاقياه وبتقول فينك يا بهلبودي 😀

وفضل قاعد على الجبل لحد ما الدنيا بدأت تضلم عليه وساعتها جاب ورا وقال هو ايه اللي أنا عملته في نفسي ده؟ أنا قاعد لوحدي على جبل والدنيا هتضلم عليا ومش معايا حاجه احمي بيها نفسي وفضل يتخيل أن لو جت ثعابين ناحيته حاليا مش هيقدر يقولهم بم ؛ او ممكن مش ثعبان ؛ ممكن يبقي أسد يقرب منه وهو فاتح بؤه .... 

وهو قاعد غرقان في التخيلات دي لقى عيون كبيرة متوحشة جنبه في الضلمه وساعتها خد ديله في سنانه وقال يافكيك 😂

والعيون الكبيرة المتوحشة دي كانت في الأخر عيون قطة ... مياااو🐱

********

بيقول أن احلى كلمة اتقالتله من الأميرة كانت لما قالت : 

You look like a prophet

ولما قالها اشمعني ؟ 

قالتله: 

Because of your long black coat. You look very regal.

******* 

• في الوقت اللي مهرداد بيمجد فيه رضا بهلوي وأنه ادي للمرأه حقوقها المهدرة ؛ هنلاقي إن شمس تم إجبارها على الزواج و لما طلبت الطلاق طلبها اترفض وعاشت سنين طويلة منفصله عن زوجها وكل واحد منهم عايش حياته ولكن اودام الناس متجوزين..

قمة الإزدواجية يا علي رضا 🙆

********

• مهرداد قال الاسباب اللي خلت الأميرة شمس تغير ديانتها ؛ لكن مقالش ليه هو غير ديانته ؛ هو غيرها بس لمجرد أن شمس قالتله غيرها زي ما قالت له غير اسمك ..

الإخلاص ↖️↖️↖️ 

*****

• مهرداد حكى انه جه مصر وزار القاهرة و راحوا للأميرة اشرف بهلوي اللي كانت متجوزة من احمد شفيق وعايشة في شقة على النيل ؛ وقال إنه قابل الملك فاروق لكن مجبش سيرة عن قال ايه في اللقاء أو وصف لفاروق أو حتى وصف للقاهرة في الوقت ده ..

وقال كمان انه جه مصر مع شمس سنة ١٩٩٢ و زارت مقبرة الشاه اخوها و قال إنهم قعدوا فترة تواجدهم في مصر في فيلا الأميرة فوزية فؤاد و زوجها اسماعيل شيرين ..

وكالعادة لا قال كلمة عن الأميرة فوزية ولا حرف عن اسماعيل شيرين ولا نقطة عن الفيلا ..!

بس نيڤير مايند يا جماعه المهم أن كليوباترا متجيش جنب شمس حاجه 😁👍

********

• واحب أنوه إن بعد وفاة الأميرة شمس وقصة حب فاتن وعلاء اللي واخده تلت أربع الكتاب ؛ فمهرداد بهلبود عاش قصة حب مع "هايدي" وكانوا في يوم قاعدين في بيت ابنه على الكنبة و طلب أيدها للجواز .. لكنها رفضت على أساس أنه كان متجوز أميرة ومفيش أي مقارنة بينها وبين شمس! 

أصيلة يا هايدي ومخلصة أكتر من ناس كده 😀😏

#إيمان_الشرقاوي

Tweet